Trajneri i Grei Bihucit: Na dhemb, s’do ta shikojmë më buzëqeshjen

Vrasja e 19 vjeçarit Grei Bihucit në Fier ditën e sotme ka prekur jo pak njerëz.

19-vjeçari Bihuci kishte qenë më parë edhe futbollist me moshat e reja të klubit të Apolonisë. Ish-trajneri i tij Blendi Vashaku ka bërë një dedikim prekës duke kujtuar edhe stërvitjet që kishin pasur tek Apolonia ku i riu luante si portier.

Prekin shokët e 19-vjeçarit që u vra me thikë në Fier: Dhimbja dhe lotët janë të pashtershëm për ty Grrei

U vra me thikë pas një sherri në Fier, 19-vjeçari studionte për TIK, pasditeve punonte si kamarier

U vra për një debat në rrjete sociale, familja e Greit hap dyert e mortit, 19-vjeçari përcillet sot për në banesën e fundit

Vrasja e të riut në Fier/ Si nisi sherri për thikën dhe vijoi edhe në rrjetet sociale, viktima shkoi të sqarohej, autori: Nuk doja ta godisja, por…

“Grei qofsh banor i xhenetit! ‘Presor e bëra gabim, a ta përsëris edhe njëherë? Përsërite Grei Këto ishin fjalët që më ngelën në kujtimet e mia kur u stërvisnim bashkë tek Apolonia, djalë i mrekullueshëm rrezatonte vetëm mirësi dhe dashuri. Buzëqeshja që na dhuroje çdo ditë dhe sot nuk do e shikojmë më, na dhemb, e lus Zotin të të bëjë banor të xhenetit”- shkruan ish-trajneri i të ndjerit.

Më herët reaguan edhe shokët e Greit të cilët përlotën me mesazhin e ndjerë.

“Me hidhërim të thellë njoftojmë se bangave të shkollës sonë, shokëve, mësuesve, prindërve dhe dy motrave, do ju mungojë Grei Bihuci, ky djalë i dashur, shembullor, i zgjuar dhe i papërtuar për të marrë dije. Dhimbja dhe lotët janë të pashtershëm për ty Grei. I shprehim ngushëllime të përzemërta familjarëve të Greit! Qofsh i paharruar në zemrat tona”, shkruajnë nxënësit e shkollës profesionale “Petro Sota”.