Tonin Vocaj ka marrë sot zyrtarisht detyrën e Drejtorit të Policisë Tiranë.
Vocaj zëvendësoi Lorenc Paganikën ku ky i fundit pritet të transferohet pranë Akademisë së Sigurisë.
Emri më i përfolur për të zënë vendin e Tonin Vocajt si zëvendës të Muhamet Rrumbullakut është Sokol Bizhga, deri para pak muajsh në detyrë si drejtues i Operacionale.
Po ashtu, ndryshime pritet të ketë edhe në disa drejtori të tjera qarqesh, përfshirë Vlorën, Fierin apo Shkodrën. Nga Instituti i Policisë Shkencore, ku qëndron prej pak vitesh, Niko Brahimaj pritet të zëvendësoj Alfred Çepen në Fier.
Pjesë e listës së emrave në zyrën e Rrumbullakut është edhe ai i Ervin Hodajt, ish-drejtor i Policisë së Tiranës, i cili pritet të rikthehet në postin e drejtorit në Policinë e Shkodrës. Po ashtu, Ermal Muça pritet të emërohet drejtor në Vlorë, duke spostuar Gentian Berberin.
