Pikërisht në ditën që po përkujtohet vrasja makabër me thikë e 14-vjeçarit Martin Cani, një tjetër ngjarje e rëndë raportohet në kryeqytet.
Shtetasi Aron Demiraj, është studenti i cili mbeti i plagosur nga sherri me thika mesditën sotme në “Qytetin Studenti”.
I riu raportohet se është transportuar për ndihmë mjekësore te spitali i Traumës, pas plagëve të marra.
Ndërkohë, policia bën me dije se konflikti ka ndodhur mes Aron Demirajt, 20-vjeç dhe shtetasit me iniciale A.A., 19-Vjeç.
Ngjarja ka ndodhur në Qytet Studenti, në rrugën “Sotir Kolea”.
Njoftimi i policisë
Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20-vjeç, i cili si pasojë është dëmtuar dhe ndodhet në spital, në kujdesin e mjekëve.
