Tiri Gjoci dhe Krisa Çaushi ishin së fundmi të ftuar në emisionin “Nata me Aulonën”, ku ndanë reflektimet e tyre mbi eksperiencën në Big Brother VIP Albania 4 dhe fenomenin e fansave të këtij formati.
Gjatë bisedës, Krisa theksoi se shumë njerëz përfshihen emocionalisht në një reality që, në fund të fundit, ka një afat të përcaktuar.
“Mos u përfshini kaq shumë emocionalisht në një reality kur ai do të mbarojë. Secili vazhdon jetën e tij. Disa mund të pajtohen, disa jo, dhe kjo është normale, nisur nga debatet apo situatat që ndodhin brenda shtëpisë,” u shpreh Krisa.
Nga ana tjetër, Tiri u ndal te një aspekt tjetër interesant: mënyra sesi fansat krijojnë lidhje të forta me konkurrentët.
“Mendoj që rasti i fansave të Big Brother është rast për t’u studiuar. Është shumë e çuditshme se si arrijnë të krijojnë një lidhje emocionale me disa banorë, përtej çdo logjike. Edhe kur faktet janë të qarta, ata nuk i pranojnë. Kjo është një sjellje vërtet interesante për analizim,” tha këngëtari.
