Policia e Dibrës ka vënë në pranga dy të rinj, vëllezërët të cilët akuzohen se kanë thyer xhamat e një biznesi privat gjatë mbrëmjes së djeshme.
Policia njofton se në pranga janë vendosur një 29-vjeçar me iniciale B.S. dhe një 22-vjeçar me iniciale S.S.
Ata thyen xhamat e një lokali në Peshkopi për motive të dobëta dhe gjatë ndërhyrjes së policisë ata i kanë kundërshtuar me dhunë.
Njoftimi i policisë:
Thyen xhamat e një biznesi privat si dhe kundërshtuan punonjësit e Policisë gjatë shoqërimit në Komisariat, vihen në pranga 2 vëllezër. Nga specialistët për Hetimin e Krimit në Komisariatin e Policisë Dibër u bë arrestimi në flagrancë i shtetasve: B. S., 29 vjeç dhe S. S., 22 vjeç, banues në Dibër(vëllezër).
Arrestimi i tyre u bë pasi në qytetin e Peshkopisë, për motive të dobëta kanë thyer xhamat e një biznesi privat ‘Bar-Restorant’, dhe gjatë ndërhyrjes së shërbimeve të policisë për shoqërimin në komisariat të tyre, dy vëllezërit kanë kundërshtuar punonjësit e policisë duke i penguar në kryerjen e detyrave të tyre funksionale.
Materialet procedurale i kaluan Prokurorisë Pranë Gjykatës së Shkallës së Parë Dibër, për veprat penale “Shkatërrim prone”, dhe “Kundërshtimi i punonjësit të policisë së rendit publik”.
