Përpjekja e Iranit për të kapur dy cisterna komerciale në Gjirin e Omanit u pengua nga marina amerikane të mërkurën, sipas Reuters, në një seri konfiskimesh apo sulmesh mbi anijet në rajon që kanë filluar që nga viti 2019.
Kompania e naftës Chevron tha se një incident përfshinte “Richmond Voyager”, një cisternë shumë e madhe greke e naftës bruto me flamur Bahamian që menaxhon, duke shtuar se ekuipazhi i tij ishte i sigurt.
Anija, e cila po shkonte nga Emiratet e Bashkuara Arabe për në Singapor, rriti shpejtësinë dhe ndryshoi kursin kur u bë e vetëdijshme për lëvizjet e iranianëve, tha kompania e sigurisë detare Ambrey, duke cituar hetimin e saj për incidentin.
Sipas Reuters, një incident i dytë pasoi në 28 milje detare në verilindje të Muskatit, kryeqyteti i Omanit, me një anije të marinës iraniane që qëlloi mbi një cisternë tjetër në përpjekje për ta kapur atë, tha zëdhënësi i Flotës së Pestë të Marinës së SHBA, Timothy Hawkins.
Të dy incidentet ndodhën në Gjirin e Omanit, në ujërat midis Iranit dhe Omanit.
Hawkins shtoi se zjarri në anijen e dytë (identiteti i saj nuk është bërë i ditur) nuk shkaktoi viktima apo dëme të mëdha, anijet iraniane u tërhoqën pasi marina amerikane “u hakmor” (se si vepruan amerikanët nuk u specifikua ).Nga ana e tij, Irani nuk ka bërë ende asnjë koment për incidentet specifike.
Që nga viti 2019, ka pasur një seri sulmesh kundër transportit detar në ujërat strategjike të Gjirit gjatë kohërave të tensionit midis Shteteve të Bashkuara dhe Iranit./Albeu.com/
