2020-a ishte një vit i mirë për shërbimet streaming. Bashkëdrejtuesit e Netflix, Reed Hastings dhe Ted Sarandos, fituan 43.2 milionë dollarë dhe 39.3 milionë dollarë.
Hastings, i cili gjithashtu shërben si administrator i kompanisë, fitoi 38.6 milionë dollarë në 2019-ën dhe 36 milionë dollarë në 2018-ën. Sarandos, i cili ndihmoi në drejtimin e zhvillimit të madh të Netflix me përmbajtjen origjinale, fitoi 34.7 milionë dollarë në 2019-ën dhe 29.6 milionë dollarë vitin e kaluar.
Më shumë se gjysma e kompensimit të Sarandos ishte në formën e pagës së tij prej 20 milionë dollarësh, ndërsa pjesa më e madhe e pagës së Hastings erdhi nga 42 milionë dollarë letra me vlerë.
Krahas kësaj, paketa e pagës 2020 për Sarandos, i cili u emërua Co-CEO së bashku me Hastings verën e kaluar, përfshinte 995,088 dollarë në kostot e sigurisë së banimit.
Netflix ka parë rritjen e popullaritetit të saj gjatë bllokimit të COVID. Shërbimi transmetues siguronte një burim jetësor të argëtimit në një kohë kur ngjarjet drejtpërdrejt ishin të pamundura dhe kinematë u mbyllën. Kompania kaloi 200 milionë abonentë vitin e kaluar dhe aksionet e saj u rritën më shumë se 67 për qind në 2020.
Por, Netflix nuk është më e vetme kur bëhet fjalë për transmetimin. Në muajt e fundit, Comcast, Disney dhe WarnerMedia kanë filluar të gjithë të sfidojnë Netflix. Kjo e ka detyruar Netflix të shpenzojë më shumë para për përmbajtje origjinale. Në Wall Street, së fundi aksionet e Netflix kanë rënë, sepse numri i abonentëve nuk u rrit aq sa u parashikua.
Netflix kishte disa pritshmëri në ndarjen e cmimeve Oskar, përfshirë “Mank” dhe “The Trial of the Chicago 7”. Kompania fitoi 36 nominime kryesore.
