Sot presidentja Vjosa Osmani ripublikoi në X njoftimin se ka takuar kryeministrin Xhaferi. Ajo e falënderoi atë për përkrahjen e Maqedonisë së Veriut në procesin e anëtarësimit të Kosovës në Këshill të Europës.

“Këtë javë, në kuadër të Forumit të Grave, Sigurinë dhe Paqen takova edhe Kryeministrin e Maqedonisë së Veriut, Talat Xhaferi. Krahas përkushtimit të përbashkët për forcimin e partneritetit tonë, falënderova Kryeministrin për mbështetjen e vazhdueshme të Maqedonisë së Veriut për anëtarësimin e Kosovës në Këshill të Europës dhe organizata tjera ndërkombëtare”, shkroi sot Osmani.

Nën hijen e fushatës zgjedhore që po zhvillohet në Maqedoninë e Veriut, një takim i tillë nuk ndodhi mes Xhaferit dhe homologut të tij, Albin Kurti.

Xhaferi i Bashkimit Demokratik për Integrim qëndron në anën e kundërt të bllokut që përkrah Kurti në garën presidenciale për zgjedhjet e 24 prillit

BDI në këto zgjedhje garon me Bujar Osmanin si kandidat për president. Ndërkaq, partia e Ali Ahmetit është bashkuar me partitë e komuniteteve joshqiptare në Maqedoninë e Veriut, kryesisht turk, rom dhe boshnjak.

Në mes kritikash për ndërhyrje në shtetin fqinj, Albin Kurti me Vetëvendosjen është përfshirë në këtë garë duke marrë pjesë në koalicionin e opozitës shqiptare në Maqedoninë e Veriut, që fillimisht u njoh me emrin Lidhja Evropiane për Ndryshim (LEN). Por, kjo kaloi në VLEN pasi V-ja u shtua për Vetëvendosjen. Kandidat i këtij koalicioni për president u nominua Arben Taravari.

Para dy ditëve, zyrtarë të lartë të Vetëvendosjes shkuan në Shkup së bashku me liderët e koalicionit VLEN.

Nënkryetari i Vetëvendosjes, kryeparlamentari Glauk Konjufca, së bashku me Arben Taravarin, Izet Mexhitin, Bilall Kasamin, Afrim Gashin dhe Bekim Qokun kanë ecur nëpër çarshinë e Shkupit, ku kanë takuar qytetarë. Më vonë u raportua që edhe ministrja Albulena Haxhiu mori pjesë në këto tubime elektorale.

Talat Xhaferi e kishte thënë drejtpërdrejt se Albin Kurti po përzihet në politikën e Maqedonisë së Veriut.

“Nuk mund të definohet ndryshe përpos përzierje përderisa një kryeministër, qoftë edhe nën pretekstin si kryetar i një subjekti politik në çfarëdo aspekti, mund të edhe të perceptohet si përzierje. Nuk mendoj që i bën mirë Kosovës dhe vetë subjektit që udhëheq për shumë arsye. Kjo sepse hap dyer që nuk duhen hapur. Ne jemi për të bërë ndryshime për të mirë”, kishte thënë më herët Xhaferi për Kurtin./express 

The post Kurti dhe VV në “fushatë kundër” BDI, Talat Xhaferin në Prishtinë e takoi vetëm Presidentja Osmani appeared first on Albeu.com.

“Shfrytëzoj rastin që nga Mynihu të përuroj dhe të përgëzoj qytetarët e Republikës së Kosovës, institucionet e Republikës, veteranët e luftës së lavdishme të UÇK, familjet e dëshmorëve, t’i përgëzoj për 16 vjetorin e Pavarësisë së krijimit të Republikës së Kosovës! Urime e gëzofshi”, u shpreh Xhaferri.

The post “E gëzofshi”, urimi i kryeministrit Talat Xhaferri: Ju përgëzoj për 16 vjetorin e krijimit të Republikës së Kosovës appeared first on Albeu.com.

Xhaferi u shpreh se kjo deklaratë është tendencioze kundër BDI-së dhe ka për qëllim të dëmtojë shqiptarët në Maqedoni.

“Fakti i ndërhyrjeve nuk mund të përkufizohet vetëm te Vuçiçi, fatkeqësisht ka mjaft ndërhyrje siç mund ta përcillni nga mediat. Është tendencë e koordinuar kundër BDI-së, por jam i bindur që qytetarët mund t’i definojnë qartë këto elemente dhe kjo është propagandë gjoja kundër BDI-së, por në esencë është kundër arritshmërive të shqiptarëve si popull këtu. Ajo që propagandohet se gjoja po na dilka zot Vuçiçi, mendoj se e kanë të qartë edhe fëmijët në djep se cili është qëllimi i fundit i kësaj përpjekje”, tha Xhaferi.

Kujtojmë se pas mbledhjes së Këshillit të Sigurisë, në të cilën u diskutua për situatën në Kosovë pas ndalimit të dinarit serb, Aleksandar Vuçiç në një deklaratë për mediat amerikane tha se kryeministri Albin Kurti po ndërhyn në politikën e brendshme të Maqedonisë së Veriut.

Sipas Vuçiçit, Kurti dëshiron të rrëzojë nga pushteti Ali Ahmetin dhe BDI-në.

The post “Kurti dëshiron të rrëzojë nga pushteti Ali Ahmetin”/ Talat Xhaferi i kundërpërgjigjet Vuçiçit: Propagandë kundër arritjeve të shqiptarëve appeared first on Albeu.com.

Dorëheqjen do ta paraqesë edhe kryetari i Kuvendit, Talat Xhaferi, i cili pritet të emërohet kryeministër i Qeverisë teknike, e cila do të funksionojë 100 ditë, apo deri në zgjedhjet parlamentare, që do të mbahen më 8 maj.

“E gjithë Qeveria do të jetë në dorëheqje, të enjten në orën 10:00. Do të kemi kohë të mjaftueshme që t’i kryejmë të gjitha formalitetet dhe të dielën (28 janar) të votohet Qeveria teknike”, ka deklaruar Kovaçevski.

Para votimit të Qeverisë së re, Kuvendi duhet të zgjedhë kryeparlamentarin e ri, Jovan Mitreski, aktualisht kryetar i grupit parlamentar të Lidhjes Social-Demokrate (LSDM).

Qeveria teknike, bazuar në Ligjin për Zgjedhjet, formohet 100 ditë para çdo cikli zgjedhor, dhe ka për detyrë organizimin dhe mbarëvajtjen e zgjedhjeve parlamentare.

Pjesë e kësaj Qeverie, përveç partive që aktualisht përbëjnë ezekutivin, LSDM-ja, BDI-ja dhe Aleanca për Shqiptarët, duhet të jetë edhe opozita, konkretisht VMRO DPMNE-ja, të cilës i takojnë Ministria e Punëve të Brendshme, Ministria për Punë dhe Politikë Sociale, si dhe tre zëvendësministra me kompetenca të veçanta, që do të thotë se ministrat nuk do të mund të marrin asnjë vendim pa nënshkrimin edhe të zëvendësministrave.

Por, kryetari i VMRO DPMNE-së, Hristijan Mickovski, ka thënë se deputetët e saj nuk do të votojnë për Qeverinë teknike, pasi janë kundër që ajo të udhëhiqet nga Talat Xhaferi, kuadër i Bashkimit Demokratik për Integrim (BDI) pasi e akuzojnë për shkelje të shumta ligjore gjatë punës si kryetar i Kuvendit.

BDI-ja, nga ana tjetër, ka paralajmëruar se “në rast se VMRO-ja nuk voton kandidatët e saj për ministra, atëherë BDI-ja nuk do të votonte kandidatët e VMRO-së”.

Gjatë njoftimit për dorëheqjen e Qeverisë, kryeministri Dimitar Kovaçevski, ka thënë se “zgjedhjet e ardhshme do të jenë zgjedhje mes Perëndimit dhe Lindjes”.

“Bëhet fjalë për zgjedhje, ku ju keni partitë politike të qendrës dhe të qendrës së majtë apo partitë politike të qendrës dhe qendrës së djathtë. Por, në vendin tonë tani do të ketë zgjedhje në të cilat do të përballen partitë politike që favorizojnë orientimin perëndimor të shtetit, dhe partive politike që janë për një orientim të qartë lindor të vendit”, ka thënë Kovaçevski.

Por, VMRO DPMNE-ja ka thënë se pohimet e këtilla të zyrtarëve në pushtet bëhen “me qëllim që krimin dhe korrupsionin ta fshehin përmes integrimeve evropiane”.

Zgjedhjet parlamentare në Maqedoninë e Veriut, më 8 maj, mbahen së bashku me rundin e dytë të zgjedhjeve presidenciale.

Rundi i parë i zgjedhjeve presidenciale do të mbahet më 24 prill./ Rel

The post Qeveria e Maqedonisë së Veriut dorëhiqet të enjten, pritet të emërohet Talat Xhaferri appeared first on Albeu.com.

“Xhaferi e vendosi veten mbi të gjithë gjyqtarët, mbi shtetin dhe mori një vendim të tillë”, u shpreh Mickoski, duke theksua se ka pritur që pushteti të sillet si një njeri i rritur, e jo një fëmijë të cilit ia kanë marrë topin.

“Por ja ashtu u sollën, me forcë Talat Xhaferi vendosi që të vihet mbi të gjitha ligjet, e robëroi rendin ligjor dhe bëri precedent tek i cili do të bazohen në të ardhmen dhe tani do të doja që dikush nga ju ta parashtrojë këtë pyetje tek komuniteti ndërkombëtar nëse ata pajtohen me këtë mënyrë sjelljeje të kryeparlamentarit Talat Xhaferi?”, theksoi Hristijan Micskoski, kryetar i VMRO-DPMNE-së.

Kryetari i Kuvendit hedhjen poshtë të nismës për referendum nuk e konsideron si akt të interpretimit të Kushtetutës nga ai, por si zbatues i së njëjtës si organ më të lartë ligjor.

“Aty është gabimi se të gjithë mendojnë se unë interpretoj Kushtetutë, unë nuk interpretoj Kushtetutë, por e zbatoj sepse parimi bazë i betimit tim gjatë zgjedhjes është se do ta zbatoj Kushtetutën dhe ligjet që janë nën Kushtetutën, sepse Kushtetuta është akti më i lartë juridik në shtet. Në këtë kontekst, po të ishte ashtu unë do të thosha në bazë të neni 191 ose 192 nga Rregullorja ua kthej nismën si të parregullt”, tha Talat Xhaferi, kryetar i Kuvendit.

Xhaferi po ashtu foli edhe për paralajmërimet për ngritje të një kallëzimi penal kundër tij, gjë për të cilën tha “le të ngrenë”, sepse siç shtoi, edhe paraprakisht kanë ngritur kallëzim penal kundër vendimeve të tij dhe të gjitha vendimet janë në favorin e tij. Theksoi se çdo qytetar ka të drejtë ta kontestojë vendimin nëse mendon se është në kundërshtim me Kushtetutën./TV 21/

The post Interpretim apo zbatim i Kushtetutës? Mickoski dhe Xhaferi me këndvështrime të ndryshme appeared first on Albeu.com.

Kështu mbrëmë vonë dukej shtëpia e demokracisë. Kuvendi u shndërrua në teatër.

“Ndodhi që kryeparlamentari Talat Xhaferi të marrë guxim dhe ta mbyllë sallën plenare me të gjithë deputetët brenda. Një skandal të këtillë, mohim të së drejtës së lëvizjes, lirisë së lëvizjes së qytetarëve, lirisë së lëvizjes së deputetëve, lirisë së shprehjes së deputetëve dhe lirisë së mendimit nuk është parë në historinë më të re të Maqedonisë”, koordinator i GP të VMRO-DPMNE-së.

“31 deputetë janë të pranishëm, hape derën. Uluni! 38 janë. Uluni. 38 janë të pranishëm, hapini dyert. Shihe…Mos dhëntë zoti kështu që të më vish në shtëpi o njeri, nuk mund të më vish në shtëpi…A kupton? Uluni! Shkoni në vendet tuaja. Kur ta zëvendësojë këtu Çavkov, këtu do të vijë Oliver Spasovski, po! Do të vijë Oliver Spasovski këtu a e di se kur? Asnjëherë! Nëse mundeshin të vinin në 2017, sot nuk munden kur unë jam këtu, uluni në vendet tuaja”, pohoi Talat Xhaferi, kryetar i Kuvendit.

Për shkak të ngjarjeve të këtilla, nga VMRO-DPMNE-ja së bashku me “Të Majtën” sot paralajmëruan se do të dorëzojnë interpelancë kundër kryeparlamentarit.

“Nuk e di nëse i kam hapur dyert? Më jep procedurale. Ja, e ke  derën e hapur, tani uluni në vendet tuaja. I mbylla për shkak se unë mendova se duhet. Për shkak se Rregullorja kështu thotë…”, tha Xhaferi.

Në lidhje me interpelancën e dorëzuar dhe ngjarjet e mbrëmshme Kuvendi doli me kumtesë.

“Është evident qëllimi i opozitës, e cila gjatë këtyre viteve e pengon punën e Kuvendit dhe miratimin e ligjeve të rëndësishme për qytetarët, edhe kësaj here krijoi përshtypje të rrejshme në opinionin publik se kryetari i Kuvendit të RMV-së vepron kundër Rregullores. Kryetari i Kuvendit deri më tani edhe në të ardhmen do të vazhdojë të punojë sipas Rregullores, Kushtetutës dhe ligjeve, në interes të qytetarëve”, thonë nga Kuvendi.

Nëse dorëzohet interpelanca, sipas Rregullores, Xhaferi interpelancën duhet t’ua dorëzojë deputetëve dhe vetë ai ta shqyrtojë. Ka 15 ditë afat për t’iu përgjigjur deputetëve me shkrim, ndërsa pas skadimit të afatit, duhet ta vendosë në rendin e ditës së seancës së parë të ardhshme të Kuvendit./TV 21/

The post Salla e Kuvendit në RMV e kyçur me çelës! Xhaferi e mbylli për t’i numëruar deputetët appeared first on Albeu.com.

Koordinatori i grupit parlamentar të VMRO-DPMNE-së, Nikolla Micevski kërkoi fjalën për procedurë, por kryeparlamentari Talat Xhaferi nuk e lejoi.

Xhaferi kërkoi që të votohet rendi i ditës, ndonëse paraprakisht fjalën ua kishte dhënë dy deputetëve të VMRO-DPMNE-së të cilët nuk dolën në foltore.

“Ulu në vendin tënd! Kush të rrahet bre? Kush të rrahet? Shko ulu në vendin tënd nëse nuk je për rrahje”, dëgjohet të thotë Xhaferi./albeu.com/

The post “Ulu në vendin tënd nëse nuk je për rrahje”, debat mes Xhaferit dhe deputetëve të VMRO-DPMNE-së në Maqedoninë e Veriut (VIDEO) appeared first on Albeu.com.

I ftuar në emisionin Opinion në Tv Klan, Xhaferi foli për anën emocionale të Zelenskyt duke e cilësuar si një person shumë të qëndrueshëm dhe të qetë në vendimmarrje, i cili sipas kryetarit të parlamentit të RMV-së nuk rrezatonte asnjë shqetësim.

Talat Xhaferi: Takimi me presidentin Zelensky fillimisht nuk ishte i konfirmuar për arsye sigurie. Takimi i parë ishte me përfaqësuesit e parlamentit, na u bashkangjit në udhëtim dhe kryetari i parlamentit. Vëzhguam situatën në Bucha, prej aty jemi kthyer në Kiev. Kongresi kishte për qëllim çështjen jo vetëm atë të luftës, por parashikimet se çfarë duhej bërë pas luftës. Bëhej vlerësimi në luftë, në njerëz dhe vlerësimet e duhura.

Blendi Fevziu: Si dukej Zelensky?

Talat Xhaferi: Tregonte që ke të bësh me një person të qëndrueshëm dhe të qetë në vendimmarrje, nuk rezatonte asnjë lloj shqetësimi, alarmi. Në konktestin e situatës, është e nevojshme që udhëheqësia të reflektojë qëndrueshmëri dhe që populli të ketë besimin e duhur. Ai i plotësonte të gjitha këto elemente.

Blendi Fevziu: Patët ndonjë moment frikë?

Talat Xhaferi: Ajo menaxhohet kur bëhet planifikimi për të shkuar në atë lloj zone, frika ekziston në çdo qenie. Kur bëhet planifikimi, kjo është e kontrolluar.

The post Xhaferi flet për vizitën me Zelenskyn në Kiev: Ishte i qetë, nuk rrezatonte asnjë lloj shqetësimi appeared first on Albeu.com.

Kryetari i Kuvendit të Republikës së Maqedonisë së Veriut gjatë vizitës së tij, ka publikuar edhe fotografi nga pritja që ju bë në Ukrainë.

Zelensky i ka falenderuar të gjithë luftëtarët që ua mundësuan të udhëtojnë të sigurtë në Ukrainë.

Më tej ai tha se luftëtarët e kanë ndarë edhe bukën me ta.

“Ngushëllimi im i sinqertë dhe shumë i thellë ndaj fëmijëve, prindërve, grave dhe burrave që i humbën më të afërmit. Për nder të jetëve të humbura, obligohemi që t’ju dëgjojmë me kujdes dhe t’ju ndihmojmë që sërish të ndërtoni të rrënuarën. Falënderim ndaj të gjithë luftëtarëve për liri në Ukrainë, që në kushte lufte na mundësuan të udhëtojmë të sigurt në Ukrainë dhe që e ndajnë bukën me ne”, shkroi Xhaferi.

Kjo vizitë e Kryetarit Xhaferi është e para e këtij lloji e përfaqësuesit të lartë nga rajoni dhe vizitë e parë e të gjitha niveleve të pushtetit në Republikën e Maqedonisë së Veriut./albeu.com/

The post “Ndanë edhe bukën me ne”, politikani shqiptar pritet nga Zelensky në Ukrainë (FOTO LAJM) appeared first on Albeu.com.

Pritshmëritë e kryeparlamentarit të Maqedonisë së Veriut janë se propozimin për qeverinë e re dhe programi do të parashtrohen më 10 ose 11 janar, ndërsa të votohet deri në mesnatën e 16 janarit.

Në lidhje me kërkesën e VMRO-DPMNE, që e parashtruan dje në Kuvend, për mbajtjen e seancës për pyetje deputetësh këtë të enjte, më 30 dhjetor, Xhaferi tha se kësaj pyetje iu ka përgjigjur më 23 dhjetor, se Qeveria është në dorëheqje dhe se nuk ka logjikë që të ketë pyetje deputetësh.

Xhaferi në deklaratën e tij vetore për punën vlerësoi se shtëpia ligjvënëse e ka konfirmuar efikasitetin dhe produktivitetin e vet edhe përkundër kushteve kufizuese për shkak të Kovid-19. Nga gjithsej 59 seanca plenare, 39 janë përfunduar. Në vitin 2021 janë sjellë gjithsej 209 ligje prej të cilave 111 me procedurë të rregullt dhe 79 me procedurë të shkurtër./tv21

The post Xhaferi: Qeveria e re mund të zgjidhet më 16 janar! Nesër Pendarovski do t’ia dorëzojë mandatin Kovaçevskit appeared first on Albeu.com.