Pas reagimit të kreut demokratë në lidhje me djegien e mbetjeve urbane në Fier, ka reaguar kryebashkiaku Armando Subashi përmes një postimi në Facebook.
Subashi shkrian se, Basha dhe PD në Fier kanë votuar kundër në Këshill Bashkiak për emergjencën mjedisore te fusha ekzistuese 70 vjeçare, duke penguar investimin e qeverisë për impiantin e ri.
Më tej Subashi thotë se, edhe pak ditë dhe historia e plehrave për Fierin në atë fushë 70 vjeçare do të marrë fund njëherë e përgjithmonë.
Postimi i Subashit
Lulzimi paska reaguar sot për plehrat në Fier!!
Po si ka mundësi?!
Ku e gjen të drejtën morale?!
Lulzimi dhe të “tijët” në Fier që votuan kundër në Këshill Bashkiak për emergjencën mjedisore te fusha ekzistuese 70 vjeçare, që votuan kundër dhe bënë të gjitha përpjekjet për të penguar investimin e qeverisë për impiantin e ri, që organizuan pafund protesta duke helmuar mendjet e njerëzve për ndërtimin e impiantit të ri, duke e shtyrë rreth 2 vjet në kohë përfundimin e tij, që vazhdojnë të shpifin pa fund për gjoja helmimin e ujërave, të ajrit, të tokës nga impianti i ri, sot dalin dhe bëjnë të pafajshmin, apo të paditurin?!
E kanë të kotë!
Edhe pak ditë dhe historia e plehrave për Fierin në atë fushë 70 vjeçare do të marrë fund njëherë e përgjithmonë.
Ajo fushë do të jetë një kujtim i hidhur për të gjithë, por në rradhë të parë do të jetë njolla e turpit për Lulëzimët që donin ta mbanin gjallë me çdo mjet e mënyrë.
Fund plehrave në qytet!
