Ish-deputeti demokrat Ervin Salianji ka zhvilluar ditën e sotme një takim me intelektualët. Gjatë fjalës së tij, Salianji u shpreh se SPAK ka hapur rrugën duke goditur korrupsionin dhe se po i reziston presioneve politike.
Ai tha se duhet një rregullim ligjor se si funksionojnë partitë politike. Salianji theksoi se vendi ka një oligarki ekonomike, e cila sipas tij vjen si pasojë e asaj politike. Ndërsa shtoi se për drejtësinë palët politike kujtohen vetëm kur preken interesat personale.
Në fund, ish-deputeti theksoi se pjesë e rëndësishme është edhe reforma zgjedhore, për të cilën tha se pa hapjen e një sistemi që i jep të drejtën qytetarëve është gati pamundur të çahte sistemi ekzistues.
Ervin Salianji: Sistemi zgjedhor që ka goditur në themel sistemin përfaqësues u përkeqësuar me ndryshimin në Kod në vitin 2024, me një sistem hibrid ku qytetarët nuk zgjedhin asgjë. Institucionet janë në kontroll të plotë nga një personazh. SPAK që ka hapur rrugën duke goditur korrupsionin, pa diskutim dhe krimin dhe po sjell ndryshim gradual kulturor në lidhje me përgjegjësin para ligjit është në një sulm nga palët politike. Shumë mendojnë se më shumë duhet të bëjë SPAK, por po i reziston presioneve politike.
Në shumë raste, për shkak të bllokimit të sistemit dhe mos pasjes së zgjedhjeve mund të jetë mundësi për qarkullimin e elitave. Do doja të diskutonim për demokracinë e brendshme të partive politike. Duhet të jetë rregullim ligjor si funksionojnë partitë politike. Duket sikur dy kryetarët bëhen bashkë. Në model janë njësoj. Kemi një oligarki ekonomike pasojë e asaj politike. Për drejtësinë kujtohen palët vetëm kur preken interesat personale. Kushdo është i bindur se Shqipëria nuk integrohet me autokratë që privatizojnë partinë dhe shtetin. Pjesë e rëndësishme është dhe reforma zgjedhore, pa hapjen e një sistemi që i jep të drejtën qytetarëve direkt, e pamundur të çahte ky sistem.
