Këtë të mërkurë, do të mbahet seanca në Gjykatën e Posaçme për kryebashkiakun e Tiranës, Erion Veliaj.
Seanca e shkuar, më 16 prill, u shty pasi Prokuroria e Posaçme (SPAK) paraqiti veprimet hetimore 2 mujore të bëra ndaj Erion Veliajt dhe avokatët kërkuan kohë për shqyrtimin e akteve.
Kryebashkiaku i Tiranës, është arrestuar më 10 shkurt 2025 nga Prokuroria e Posaçme kundër Korrupsionit dhe Krimit të Organizuar (SPAK), për akuzat e korrupsionit dhe pastrimit të parave.
Sipas SPAK, Veliaj dhe bashkëshortja e tij, Ajola Xoxa, dyshohet se kanë krijuar një mekanizëm për të përfituar paligjshmërisht fonde publike.
