Qeveria shqiptare projekton një rritje të qëndrueshme të ekonomisë në vitet 2027–2029, të mbështetur nga konsumi, investimet dhe turizmi, në një kohë kur tre shtyllat kryesore të ekonomisë prodhuese, eksportet, bujqësia dhe industria janë në rënie.

Sipas projeksioneve afatmesme, rritja pritet të gjenerohet kryesisht nga kërkesa e brendshme, veçanërisht nga konsumi privat dhe investimet, ndërsa kërkesa e huaj neto (eksport-import) parashikohet të ketë vetëm një ndikim të moderuar pozitiv.

Konsumi pritet të rritet mesatarisht me rreth 2.9% në vit, ndërsa investimet me 4.9%, të nxitura nga përmirësimi i besimit dhe nga kushtet më të lehta të kreditimit.

Eksportet parashikohen të vijojnë “trendin pozitiv”, me një rritje mesatare prej 4.6% në vit në periudhën 2027–2029, të mbështetur kryesisht nga turizmi.

Por këto parashikime, bien në kontrast të fortë me zhvillimet reale të viteve të fundit, ku eksportet e mallrave kanë rënë, prodhimi bujqësor është tkurrur dhe industria ka humbur peshë në ekonomi, duke reflektuar dobësimin e bazës prodhuese dhe konkurruese të vendit.

Edhe nga ana e ofertës, vetë projeksionet e qeverisë tregojnë një ekonomi që po mbështetet gjithnjë e më shumë te shërbimet, dhe gjithnjë e më pak te prodhimi.

Bujqësia parashikohet të rritet me vetëm 0.2% në vit, praktikisht pa ndikim në PBB. Industria me 2.6%, me një kontribut minimal në rritje.

Ndërkohë, shërbimet dhe ndërtimi do të mbajnë peshën kryesore të zgjerimit ekonomik.

Edhe punësimi pritet të rritet vetëm simbolikisht, me rreth 0.1% në vit, ndërsa zgjerimi i forcës së punës do të vijë kryesisht nga rritja e pjesëmarrjes dhe jo nga hapja e vendeve të reja të punës në sektorët prodhues.

Në këtë kuadër, projeksionet optimiste të rritjes nuk mbështeten në zhvillime reale në ekonomi, por në supozime për konsum më të lartë, turizëm më të fortë dhe klimë më të mirë financiare, ndërkohë që baza prodhuese e vendit po dobësohet./ Monitor

The post Qeveria mban të pandryshuar skenarin për rritjen ekonomike, parashikime jo realiste appeared first on Albeu.com.

Mësohet se protesta e PD-së, është planifikuar të nisë në orën 17:00.

Burimet bëjnë me dije se do të bllokohen disa nyje kryesore të qarkullimit në Tiranë.

Segmentet që do të bllokohen janë rruga pranë Bashkisë së Tiranës, rreth-rrotullimi tek “Zogu i Zi”, tek sheshi “Wilson”, tek “Pallati me Shigjeta”, si dhe kryqëzimi tek “Rruga e Elbasanit”, pranë xhamisë së “Namazgjasë”.

The post Zbardhet skenari i protestës/ Opozita mosbindje civile të hënën, ja rrugët që do të bllokohen në Tiranë appeared first on Albeu.com.

Fati është ai që i duhet sot në orën 12:00 Kombëtares shqiptare. Në Zyrih, do të marrë formë rrugëtimi për në Botërorin 2026, sa u përket kombëtareve nga Europa.

Në total 54 skuadra, do të shortohen në 12 grupe të ndryshme. Gjashtë grupe do të jenë nga 4 ekipe dhe gjashtë grupet e tjerë me nga pesë skuadra, teksa ndeshjet do të fillojnë nga muaji mars dhe do të përfundojnë në nëntor.

Shqipëria është vendosur në vazon e tretë, së bashku me shtete si: Skocia, Sllovenia, Irlanda, Finlanda, Gjeorgjia, Island, Maqedonia e Veriut, Irlanda e Veriut, Bosnja, Mal i Zi dhe Izraeli, me të cilët nuk mund të bjerë në një grup.

Shorti i favorshëm

Goglat e shortit janë të paparashikueshme, por në një vëzhgim, gazeta ju sjell se cili është skenari më i favorshëm për kuqezinjtë, gjithmonë duke parë situatën, renditjen e përgjithshme të kombëtareve të tjera. Normalisht, në vazon e të fortave, Austria është më pak e kuotuar dhe pas saj vjen Danimarka dhe Zvicra. Normalisht një emër i tillë, është shumë herë më mirë sesa kombëtare si Franca, Spanja apo Angli e Gjermani. Në këtë vazo, ndodhen edhe Italia me Kroacinë, ekipe që Shqipëria u përball në Europianin e verës. Ndërkohë në vazon e dytë, kombëtarja që mund të jetë e kalueshme është Norvegjia.

Edhe pse kanë dy lojtarë si Haland dhe Odengard, ata nuk u kualifikuan në Europian, por u paraqitën shumë mirë në Ligën e Kombeve duke fituar grupin. Po ashtu, në këtë vazo ndodhet edhe Çekia, një rival të cilin e njohim shumë mirë sepse jemi përballur 4 herë nga viti 2023. Gjithashtu, në këtë vazo janë kundërshtarë si Ukraina dhe Polonia, të cilët i kemi mposhtur dhe nuk janë në formën e tyre më të mirë këto vitet e fundit. Në vazon e katërt, poshtë nesh rrezikohet Kosova, ndërsa rivali më i vështirë në letër është Bullgaria, ndërsa ai më i dobët Lituania. Ndërkohë në vazon e katërt, ekipi më modest është San Marino.

Ballkani

Një pjesë e mirë i mbajnë mend përballjet e zjarrta me Greqinë dhe rivalitetin që kemi pasur, por nga viti 2005 nuk kemi pasur një sfidë, qoftë edhe miqësore. Me fqinjët shorti mund të na ballafaqojë sepse ata ndodhen në vazon e dytë dhe pavarësisht dështimit me kualifikimin në Europian, në Ligën e Kombeve kanë treguar një rritje. Në të njëjtën vazo është edhe Serbia, një tjetër rival brenda Ballkanit dhe aty ku tensioni nuk do të mungonte, kjo edhe për shkak të historisë.

The post Shorti i Botërorit/ Ja çfarë rrezikon Shqipëria, njihuni me skenarin më të lehtë dhe më të vështirë appeared first on Albeu.com.

Skenari u përdor kur Ford ishte në Londër për të filmuar pjesën e parë të sagës epike në Elstree Studios në veri të Londrës. Një draft i katërt i skenarit, i datës 15 mars 1976, u kap nga një koleksionist austriak në Excalibur Auctions në Hertfordshire, në veri të Londrës.

Në banesën që merrte me qira në Londër në atë kohë, Ford la skenarin së bashku me orarin e xhirimeve, i cili u shit për katër mijë euro dhe një letër nga një agjent ose mik, e cila u shit për 170 euro. Pronarët i gjetën sendet dhe i mbajtën për dekada. Skripti jo i plotë dhe i palidhur përmban rishikime dhe prezanton Han Solo në faqen 56.

Filmi i vitit 1977 e katapultoi Fordin në famë ndërkombëtare. Ai luajti në vazhdimet “The Empire Strikes Back” (1980) dhe “Return of the Jedi” (1983), përpara se të riprodhonte rolin në “The Force Awakens” (2015).

Drejtuesi i ankandit të Excalibur Auctions, Jonathan Torode tha se shitja vendosi një rekord të ri për një skenar të Star Wars, “duke treguar se si një lidhje personale me artikujt është kaq tërheqëse për fansat e Star Wars”.

The post Skenari origjinal i “Star Wars” u shit në ankand për 12 mijë euro appeared first on Albeu.com.

Ndërsa shtohen pengesat në luftën e tij, është e rëndësishme të adresohen disa pyetje kyçe: Si munden Ukraina dhe partnerët e saj të parandalojnë përshkallëzimin e mëtejshëm në nivelin bërthamor, duke i mohuar Rusisë shansin për të arritur një lloj fitoreje. Dhe nëse ndodh një përshkallëzim i tillë, si duhet të kundërpërgjigjet Perëndimi?

Pas sulmit fillestar ndaj Kievit dhe qyteteve të tjera të mëdha të Ukrainës, përshkallëzimi rus ka ndodhur në disa faza, si një përgjigje ndaj humbjeve të saj në fushën e betejës. Këtu përfshihet sulmi masiv me artileri në Donbas, mobilizimi shtesë, aneksimet e paligjshme, vendosja e ligjit ushtarak në 4 rajone, sabotimi i mundshëm i tubacioneve të “Nord Stream”, dhe sulmet masive të ditëve të fundit mbi infrastrukturën energjetike të Ukrainës.

Në secilin rast, përshkallëzimi rus synonte përfitimin e avantazhit në fushën e betejës, dhe thyerjen e vullnetit të Ukrainës për të rezistuar. Por Moska nuk ka pasur sukses në asnjërin nga qëllimet. Por nuk ka dyshim se Putin do t`i përshkallëzojë sërish veprimet e tij përballë dështimit për të arritur synimet e tij dhe për të shmangur humbjen strategjike.

Injorimi i kërcënimeve të tij, duke përfshirë përdorimin e armëve bërthamore, nuk është një politikë e arsyeshme. Ndaj në vend të kësaj, duhet të merren masa për ta penguar dhe, nëse është e nevojshme, për t’iu kundërpërgjigjur këtij kërcënimi në mënyra që i imponojnë kosto të rënda Rusisë, por që nuk e përshkallëzojnë më tej konfliktin.

Së pari, përshkallëzimi i mëtejshëm do të varet nga situata e fushëbetejës. Putini nuk ka gjasa të përdorë armët bërthamore taktike, nëse forcat e tij arrijnë të stabilizojnë linjat e tyre në frontin e betejës. Në një rast të tillë, ai ndoshta do të ndjekë objektivat e tij përmes një lufte shkatërruese, përpjekjeve të vazhdueshme për të imponuar një armëpushim dhe përpjekjeve për ta përçarë NATO-n dhe nëpërmjet thirrjeve për negociata, të cilat do të pengonin Ukrainën të rikuperonte ndonjë territor të humbur.

Në këto rrethana, Shtetet e Bashkuara dhe NATO duhet të vazhdojnë politikën e tyre të suksesshme të dërgimit të armëve në Kiev, duke pasur në fokus sistemet raketore të artilerisë me lëvizshmëri të lartë (HIMARS), artilerisë me rreze të gjatë, dronët sulmues, tanket moderne dhe mjeteve luftarake të blinduara, në mënyrë që Ukraina të rimarrë territorin e humbur.

Së dyti, situata në fushën e betejës nuk është e pjekur për zhvillimin e negociatave. Rusia është sot më e interesuar për një armëpushim, pasi kjo do t`i lejonte asaj të mbante territorin ukrainas që tanimë e ka pushtuar, dhe që rrezikon ta humbasë për shkak të kundërsulmit ukrainas.

Që nga kundërsulmi në Kharkiv, Ukraina ka fituar plotësisht iniciativën në fushën e betejës dhe ka pak arsye për të negociuar, duke pasur parasysh edhe brutalitetin e rusëve ndaj civilëve, krimet e shfrenuara të luftës dhe përpjekjet për të zhdukur identitetin kombëtar ukrainas.

Madje Kievi ka ndryshuar qëllimet e tij të shpallura në fillim të luftës, nga rimarrja e të gjithë territorit të pushtuar që nga 24 shkurti, në rivendosjen nën kontroll të gjithë territorit të humbur që nga viti 2014, përfshirë Krimenë. Prandaj në Ukrainë ka zero interes për t’i dhënë Putinit ndonjë lëshim, në kushtet kur Rusia kërkon ende nënshtrimin politik dhe çmilitarizimin e Ukrainës.

Së treti, shumë analistë perëndimorë besojnë se Putini po luan bllofin në lidhje me përdorimin e armëve bërthamore. Sipas tyre një sulm i kufizuar me armë bërthamore taktike në fushën e betejës, do të kishte pak vlerë ushtarake pasi trupat ukrainase përgjithësisht janë të shpërndara.

Rrezatimi radioaktiv, do të prekte si trupat ruse po ashtu dhe ato ukrainase. Ky sulm do të kundërshtohej nga zinxhiri komandues i ushtrisë ruse, dhe vetë Putini do të tërhiqej nga një skenar i tillë, sepse përdorimi i armëve bërthamore, është ndoshta një “vijë e kuqe” për Kinën dhe Indinë, vende që Putinit i duhen si miq për qëllime diplomatike dhe ekonomike.

Por analistë të tjerë e marrin më seriozisht kërcënimin bërthamor. Ata thonë se mundësia e përdorimit të këtyre armëve për ta detyruar NATO-n t’i japë fund një konflikti konvencional sipas kushteve ruse, ka qenë prej kohësh pjesë e doktrinës ushtarake ruse.

Po ashtu, synimi i Putinit nuk do të ishte të fitonte në fushën e betejës, por të “ngrinte” konfliktin dhe të detyrojë arritjen e një armëpushim sipas kushteve të tij.

Ai e ka treguar brutalitetin e tij në Çeçeni, Siri dhe Ukrainë. Dhe në rast se beson se regjimi i tij apo qëndrueshmëria e Federatës Ruse janë në rrezik, nuk do të hezitojë të përdorë çdo armë që ka në dispozicion të tij. Për më tepër ai mund të besojë se koalicioni perëndimor do të shpërbëhet pas një përgjigjeje të tillë.

Në mendojmë se supozimi se Putini po bllofon, nuk është një politikë e arsyeshme. Perëndimi ka gabuar vazhdimisht kur ka menduar se Putin nuk ka për qëllim të bëjë atë që thotë. Nga ana tjetër marrja seriozisht e kërcënimit bërthamor nuk do të thotë tërheqje e mbështetjes për fitoren e Ukrainës apo frenim të dërgimit të armëve.

Masat që mund të ndëshkojnë Rusinë, duke pasur njëherazi një rrezik të kufizuar të përshkallëzimit të mëtejshëm bërthamor janë së pari një denoncim diplomatik unanim

për përdorimin e armëve bërthamor në Kombet e Bashkuara. Së dyti, largimin e Rusisë nga organizatat ndërkombëtare.

Së treti largimin e plotë të Ruisë nga sistemi i mesazheve financiare SWIFT. Së katërti, vendosja e një embargoje të plotë tregtare dhe financiare ndaj Rusisë (me mbështetjen e Kinës dhe Indisë). Së pesti, përdorimin për rindërtimin e Ukrainës të aseteve financiare

ruse të sekuestruara tashmë nga Perëndimi. Dhe së gjashti, dakordësim për një datë konkrete për anëtarësimin e Ukrainës në Bashkimin Evropian.

Ndërkohë masat që do të ndëshkonin Rusinë, bashkë me një rrezik të moderuar të përshkallëzimit të mëtejshëm të situatës kanë të bëjnë me heqje në kufizimeve dhe dërgimin në Ukrainës të armëve sulmuese me rreze më të gjatë, të avionëve luftarakë F-16 dhe tankeve më moderne.

Po aq i rrezikshëm do ishte dërgimi i disa këshilltarëve ushtarakë të NATO-s në Ukrainë për misione jo luftarake, dhe rënia dakord për një datë konkrete për anëtarësimin e Ukrainës në NATO.

Së fundmi, masat ndëshkuese ndaj Rusisë, por që do të ishin me një rrezik më të lartë të përshkallëzimit të mëtejshëm të konfliktit, janë së pari një sulmi ndaj forcave ruse në Ukrainë nga ana e trupave të NATO-s, për shembull shkatërrimi i bazës nga nisi sulmi bërthamor rus.

Së dyti një sulm ndaj flotës ruse të Detit të Zi me avionët e NATO-s. Dhe së treti, një sulm po bërthamor i NATO-s ndaj trupave ruse në Ukrainë. Aleatët mund të ngurrojnë të mbështesin një kundërpërgjigje bërthamore në natyrë, por për hir të parandalimit të një lufte bërthamore në shkallë të gjerë, NATO duhet të ruajë një lloj paqartësie në lidhje me gatishmërinë e saj për të përdorur armë taktike bërthamore në disa lloj skenarësh.

Nga Hans Binnendijk, Alexander Vershbow & Julian Lindley-French “Atlantic Council”

Përktheu: Alket Goce-abcnews.al

The post NATO sulmon me armë bërthamore trupat ruse në Ukrainë: Skenari më i tmerrshëm, por që do të parandalonte Putinin appeared first on Albeu.com.

Sipas Hollywood Reporter, padia u ngrit sot në një gjykatë në Los Angeles nga Miami Mitchell, e cila ishte përgjegjëse për skenarin e filmit.

Kujtojmë se më 21 tetor, duke përsëritur një skenë nga filmi në Nju Meksiko, kineastja Halina Hutchins u qëllua për vdekje kur Baldwin përdori armë që më herët u tha se ishte pjesë e materialeve të xhirimit dhe supozohej të kishte plumba qorr.

Në padinë e saj, Mitchell, e cila ishte e para që thirri shërbimet e urgjencës pas të shtënave fatale gjatë xhirimeve të filmit, pretendon dhunë, shkaktim të qëllimshëm të pikëllimit dhe dëmtim të qëllimshëm, sipas Hollywood Reporter, duke cituar një kopje të dokumenteve të gjykatës, në posedim të saj.

Mitchell dhe avokatja e saj, Gloria Olred, pritet të japin një konferencë shtypi në Los Angeles po sot.

Kjo është padia e dytë që grihet për vrasjen, ndërsa autoritetet e Santa Fe janë ende duke hetuar rastin dhe nuk është ngritur asnjë kallëzim penal.

“Nuk përmendej në skenar arma e përdorur nga i pandehuri Baldëin apo ndonjë person tjetër”, thuhet në padi./albeu.com

The post Përmbyset historia, anëtarja e grupit të xhirimit padit Baldwin dhe producentët: Skenari nuk parashikonte përdorim arme appeared first on Albeu.com.

Duke e ditur qëndrimin dhe dëshirën e lojtarit që ta vesh fanellën e Realit, klubi spanjoll, siç raporton “Mundo Deportivo”, ka vendosur që të mos bëjë oferta për numrin 10-të të PSG-së.

“Los Blancos” do të jenë të duruar dhe do të presin që ta transferojnë Mbappen si lojtar të lirë në verën e vitit 2022 kur edhe përfundon kontrata aktuale e tij me PSG-në. /albeu.com/

The post Mbappe-Real Madrid, skenari për merkaton e janarit appeared first on Albeu.com.