Lajmin Rama e bëri të ditur përmes një deklarate për mediat.

Rama rikujtoi këtu situatën kur doli skandali i pagave, e cila sipas tij nxorri në pah pabarazitë e mëdha që ekzistonin dhe luksin e shfrenuar të disa personave.

“Të gjithë e keni parasysh se cfarë efekti pati dalja e pagave në publik, që përvec anës negative ishte edhe një anë pozitive. I gjithë opinion u ballafaqua me një realitet që ishte pasqyrë e një deformimi të madh për të cilin jemi të vetëdijshëm.

Ne ngritëm njësinë Antiinformalitet për të zhvilluar një kontroll të detajuar për të na dhënë një analizë të situatës. Por ajo që është më e rëndësishme dhe që dua ta ndaj me ju si një reflektim konkret për ne është që, punën kryesore e bëri komunikimi intensiv i agjencisë përkatëse me kompanitë, bizneset dhe faktikisht kërkesa e përsëritur që të gjithë bizneset të rishikojnë situatën me pjesën informale të pagave ka dhënë rezultat.

Vetëm nga ky korrektim i bërë nën presion mbi të gjitha bizneset, por dhe si rezultat i një shtyse, kemi një rritje të pagës mesatare. Kemi mbi 25% të të punësuarëve që kanë kapërcyer nga niveli i pagës minimale në nivel më të lartë. Që do të thotë se ata nuk merrnin pagën e deklaruar por merrnin më shumë, dhe perceptimi negative mbi ekonominë ishte prezent shumë më tepër sec duhej.

Ne duke parë këtë eksperiencë që erdhi si rezultat i një ngjarje aspak të dëshiruar, dalja e pagave, mendojmë që është e udhës që në këshillimin e ardhshëm t’i pyesim shqiptarët që një herë në vit pagat të bëhen publike? Vendet që e bëjnë e thonë se ka efektin më të madh rregullues, ne mendojmë që kjo është shumë e vërtetë. E shohim që impakti i kësaj ngjarje dhe i pranueshmërisë së lartë që gjeti komunikimi ynë me biznesin rezultoi shumë i suksesshëm. Ideja që pagat bëhen publike cdo vit, është një ide që nuk mendoj se ne mund ta aplikojmë por ia vlen të konsultohet opinioni publik”, është shprehur Rama.

The post “Të publikohen pagat një herë në vit”, Rama: Do i drejtohemi shqiptarëve appeared first on Albeu.com.

Sipas prokurorisë, Eni Qirjako ka marrë “databasen” e të dhënave mes “email” duke ia çuar Andi Agarait. Ky i fundit pasi i ka shkarkuar të dhënat, i ka nisur tek Klodian Sota me anë të një CD. Këto të dhëna ia ka shitur nga 200-30 mijë lekë. Dhe personi tjetër Endri Ikonomi duke bashkëpunuar me Andi Agarajn ka marrë të dhënat e pagave të mijëra qytetarëve.

Gazetari i ABC, Ermal Vija raporton se pasi Klodian Sota dhe Endri Ikonomi kanë marrë të gjtiha të dhënat, i kanë përdorur për punën e tyre si përmbarues. Por mbetet e paqartë se si të dhënat janë publikuar. Sipas prokurorisë hetimet po vijojnë dhe ende nuk kanë të qartë synimin e publikimit të të dhënave.

Prokuroria ka nisur hetimet që nga data 21 dhjetor dhe deri më tani ka rezultuar se këta persona janë përgjegjës vetëm për nxjerrjen e të dhënave të pagës . Ndërsa për skandalin tjetër të targave prokuroria thotë se po vijon hetimet dhe nuk bënë përgjegjës këta të arrestuar.

Nga hetimet e prokurorisë, Endri Ikonomi rezulton me një lidhje me një shtetas rus, dhe ka hapur një kompani dhe ka qenë drejtues i kësaj kompania deri në tetor të këtij viti. Gazetari Ermal Vija raporton se dritëhijet e kësaj kompanie ruse kanë të bëjnë me një rus i cili operonte për konsulenca.

Deri në këto momente prokuroria e ka të paqartë nëse rusi ka ndikuar për të blerë apo për të pasur “databasen” e të dhënave. Ndërsa është e qartë që Endri Ikonomi përdorte këto të dhëna, për të bërë të mundur target grupin e personave që do u ofronte kredinë.

“Deri në këto momente arrestimi i këtyre 4 personave është vetëm maja e “ice berg-ut”, duket që është një skandal i përmasave të mëdha. Nuk ka ndodhur që të dhënat të bëhet publike në këtë mënyrë. Prokuroria është në rrugë të mbarë se ka zbuluar personat që kanë nxjerrë të dhënat dhe personi që ka bërë ndërmjetësin dhe dy personat e tjerë që kanë siguruar të dhënat” tha gazetari Vija.

Prokuroria nga ana e saj ka qenë hermetike për sa i përket nëse ka pasur qëllime të tjera për nxjerrjen e këtyre të dhënave.

The post Skandali i pagave, gazetari: Dritëhijet e rusit, 4 arrestimet vetëm maja e “iceberg-ut” appeared first on Albeu.com.

The post Kush i publikoi listat e pagave dhe targave, nesër ekspertët e huaj vijë në Tiranë dhe zbardhin të vërtetën appeared first on Albeu.com.

Çudirat pas publikimit të listës së pagave të 360 mijë shqiptarëve duket se nuk do të sosen edhe për ca kohë. Njerëz që punojnë jashtë vendit kanë zbuluar se “punokan” edhe në Shqipëri, madje njëri prej tyre shofer në një kompani private në Tiranë. A.M., 24 vjeç, nga periferia e Durrësit, bëri të ditur shqetësimin e tij.

The post Çudira shqiptare! Skandali me pagat, habit i riu shqiptar në Itali: Zbulova se punoj në Tiranë me 30 mijë lek appeared first on Albeu.com.

Zenelaj e ka konsideruar si një leksion dhe ka vënë re që kolegët nuk tatohen. Ai priste që qytetarët të protestonin për këtë çështje, por sipas tij kjo nuk ndodh.

“Mora një leksion shumë të mirë se ajo rroga ime që tatohet aty është 20 % dhe vura re që ka kolegë që nuk tatohen dhe kanë makina shumë të shtrenjta. Të betohem që nuk e kam marrë si link fare. Ishte një moment që njerëzit të protestonin, po njerëzit nuk protestuan”, tha Zenelaj.

Kujtojmë se këto skandale të njëpasnjëshme janë pasqyruar në medie, në disa raste edhe duke shkelur etikën me publikimin e emrave që ndodheshin në këto lista./albeu.com/

The post Skandali i pagave, Gent Zenelaj: Kolegët e mi kanë makina shumë të shtrenjta, unë jo appeared first on Albeu.com.

Rama në përgjigjen e tij ndaj qytetarit ka theksuar edhe njëherë se sa i takon publikimit të të dhënave, edhe në shtete të mëdha ka pasur raste të ngjashme dhe nuk ka dhënë llogari kreu i qeverisë por i ka kaluar drejtësisë.

Lidhur me aferën e inceneratorëve, kryeministri e ka cilësuar gjithashtu si çështje të drejtësisë dhe nënvizon se çdo individ i akuzuar duhet të përballet vetë me drejtësinë.

Replikat:

Komentuesi: Kjo është një arritje që meriton lëvdata, por unë mendoj që ju duhet të jepni gjithashtu llogari për aferën e inceneratorëve dhe për publikimin e të dhënave personale të qytetarëve shqiptarë.

Në çdo vend tjetër, kreu i qeverisë duhet të marrë përgjegjësi për atë çfarë ndodhi, por ne diçka te tille z.Rama nuk po e shohim ende as nga ju dhe as nga ata që janë përgjegjësit e kësaj pune.

Kjo nuk është pune partie, por është çështje respekti ndaj qytetareve dhe demokracisë të vendit tonë sepse diçka e tillë është e papranueshme në një vend që kërkon të anëtarësohet në BE.

Urimet më të mira!

Edi Rama: Nuk e di çfarë ke parasysh me çdo vend tjetër, sepse në Amerike, Angli, Francë, që mos vazhdoj me shumë vende të tjera, ka pasur raste të ngjashme, madje me impikime për krejt botën në ndonjë rast dhe nuk di t’i këtë shkuar në mend njeriu të kërkojë të japin llogari krerët e qeverive, por çështja i ka kaluar direkt drejtësise, si një çështje e drejtësisë për të identifikuar e dënuar autorët, ndërkohe që vendet kanë vijuar punën për forcimin e sistemeve përkatëse! Sa për inceneratoret unë jam shprehur fare qartë, që impiantet e ndërtuara janë aty dhe janë shpëtim për zona e komunitete të tëra të vendit, ndërkohë që nëse drejtesia ka akuza për të ngritur për individë të caktuar ato janë çështje ekskluzive e drejtësise dhe çdo individ i akuzuar duhet të përballet vetë me drejtësine deri në daljen e të vertetës mbi cdo akuzë! Ky është respekti ndaj qytetarëve dhe demokracisë, jo futja e të gjitheve në një thes me akuza kolektive që s’kanë asnjë lidhje me kulturën demokratike e me shtetin e së drejtës. Gezuar festat dhe shendet familjarisht./albeu.com/

The post “Çpunë kam unë”, Rama sherr me komentuesit në Facebook: Të dhënat dalin kudo appeared first on Albeu.com.

Ngjela thotë se Rama kërkon falje për skandalet pasi nuk e ka kryer siç duhet detyrën dhe e kupton edhe vetë gabimin e tij.

Ai shton gjithashtu se kur të nisin arrestimet, ata që kanë fitime të mëdha nuk do të arrijnë të mbrohen dot.

Ndërkohë analisti Artur Zheji shpjegoi dy hipoteza se si mund të jenë nxjerrë të dhënat.

Ngjela: Dorëheqja është forcë nuk është dobësi se thotë unë nuk kam gisht me këtë që kam ndodhur. Ç’do të thotë faj, ti nuk iu ke dhënë garanci njerëzve. Është humbja e garancisë së individit. Çfarë mendoni se ka kryeministri si devizë, të mbrojë garancinë time. Këtij i kanë grabitur shtetin. Nuk ndodh asgjë dhe po dha dorëheqjen. Nuk e mbron Rama shtetin. Pse ra Rama, bie struktura e shtetit? Po Rama është në një situatë të rëndë sociale, jep dorëheqjen dhe shikon ta stabilizojë hap pas hapi. Por duhet të japë dorëheqjen.

Problemi ishte që këtij i morën shtetit, si, qysh, kush, ato i zgjidh drejtësia. Po këtij i morën shtetin në pikën më të nxehtë të tij. Ç’faj kanë njerëzit që nuk ke ditur të mbrosh personalitetin e tyre. Fakti që i kërkon të falur i thotë që nuk kam bërë detyrën. Nëse s’ke bërë detyrën, ik thyej qafën. Por ne nuk kemi institucion dorëheqjen. Nuk njihet dorëheqja këtu. Deri tani ka dhënë vetëm Nano. Për këta të tjerët dorëheqja është veprimtari armiqësore.

Ekspertët që kam pyetur unë më kanë thënë që nuk janë haker, janë punonjës të brendshëm sepse i kanë marrë segmente-segmente. Ata më thanë që nuk janë hakera. Por edhe po të ishin hakera, ti duhet të kesh një mbrojtje të madhe të IT-së. Me sa më thanë ekspertët ky e ka të nivelit të lartë IT-në. Dhe këta kanë filluar të hetojnë punonjësit. Varet se çfarë niveli të lartë ka hetimi, po ka ndihmë nga perëndimi e arrin.

E mori Prokuroria e Tiranës se krimi është bërë në Tiranë. Është vendndodhja e krimit. Ata e filluan këtu, për mendimin tim duhet ta kishin çuar në SPAK. E çuan këtu sepse nuk ka të akuzuar të lartë. SPAK-u nuk e merr dot kryesisht, por nëse iu del ndonjë ministër nën hetim, shkon në SPAK.

Zheji: Jemi në fazën e hipotezave, nuk kemi prova. Fakti që hetimin e ka marrë në dorë Elisabeta Imeraj që ka qenë goxha e kontestuar dhe nga opozita, ajo ndoshta këtë patate të nxehtë mund ta menaxhojë. Ndoshta e ka dhe test. Fakti që janë punonjës të brendshëm dhe kjo është një nga hipotezat dhe jo një sulm hakërrimi nga jashtë. Diversionet më parë bëheshin fizikantë, tani virtualisht. Siç u akuzua Trump shumë herë se shumë nga sulmet kibernetike në fushatë kundër Hilary Clinton u bënë nga Rusia. Po të jetë nga jashtë, mendoj që Shqipëria nuk përbën një oreks kaq të madh. Për destabilizimin, Shqipëria mbrohet dhe nga NATO. Këto janë shumë të komplikuara, nuk e bën dot një haker amator.

Një variant tjetër, forca të brendshme që i kanë këto aksese, ose i kanë shitur këto të dhëna, ose i kanë përdorur kundër Ramës. Mund të jenë konkurrentë të Ramës, me njerëz të emëruar prej tyre që bëjnë një gjullurdi.

Për avokatin Spartak Ngjela publikimi i të pagave të qytetarëve shqiptarë dhe rrjedhja e informacionit me të dhënat e tjera e ndihmon antikorrupsionin. Ngjela mohoi kategorikisht që informacione të tilla të jenë publikuar nga opozita pasi ajo është e goditur po ashtu.

“Kur të fillojnë arrestimet, ai që ka fitimet e mëdha nuk mbrohet dot. Nuk e kam të konsoliduar si mendim, por jemi në gjykim apriori. Nëse do e dëmtonte antikorrupsionin e kanë ndërmarrë vetë ata. Mendimi im është që e ndihmon antikorrupsionin pasi ka dalë transparenca. Këtë do ta shikojmë edhe me ekspertë. Destabilizimi duhet të vijë nga opozita. Por opozita është goditur më shumë nga kjo. Si qenka kjo punë? Nuk e ka bërë njëri krah se janë të dy të goditur. Ajo që më duket e afërt është që antikorrupsioni i ka këto. Ai i ka nxjerrë? Nuk di ta them”- u shpreh ai.

Nga ana tjetër për analistin Artur Zheji kjo është një mundësi që shqiptarët të shikojnë dhe të bëjnë diferencën pasi ka paga që kalojnë normalen duke  përdorur një sistem për pastrim parash.

“Padiskutim që ndihmohet antikorrupsioni. Tani shqiptarët kanë një mundësi të bëjnë diferencës që shumë gjëra që bëhen edhe paguhen. Thënë kjo ka edhe një mekanizëm gjigand nga pagat që i kalojnë normalen që janë sisteme për pastrimin e parave.  Ka kaq shumë lëndë në duart e prokurorisë dhe SPAK duhet të thithë një pjesë të madhe të këtyre informacioneve”, u shpreh ai./albeu.com/

The post Befason Spartak Ngjela: Ramës i kanë grabitur shtetin, të ikë appeared first on Albeu.com.

Komentet ai i bëri gjatë një konference për shtyp nga selia blu, ku kërkoi transparencë nga prokuroria.

Alibeaj u shpreh se përgjegjëse për këtë skandal është qeveria Rama, por nga ana tjetër edhe SPAK ka përgjegjësi për moshetimin e skandalit të patronazhistëve, i cili sipas nënkryetarit të PD-së i parapriu këtij të fundit.

Deklarata e plotë:

Prej ditësh, të dhënat më të ndjeshme të qytetarëve shqiptarë janë hedhur në Pazar dhe po kalojnë dorë më dorë, brenda dhe jashtë vendit, në atë që është faqja tjetër medaljes së skandalit të pandëshkuar të patronazhistëve.

Përballë kësaj rrokopuje të shtetit shqiptar, përballë pasigurisë dhe mosbesimit që nxit te qytetarët shndërrimi i shtetit në një han pa porta, për shkak të interesave politike të partisë shtet, Prokuroria ka për detyrë të bëjë transparencë mbi hetimet për publikimin e të dhënave personale të qytetarëve shqiptarë.

Kjo është një ngjarje e rëndë dhe përtej sekretit hetimor, shqiptarët kane të drejtë të dinë se ç’po ndodh ndërkohë me këtë cënim të rëndë të të drejtave të tyre themelore, me pasoja të rënda për jetën private dhe profesionale të secilit prej të dëmtuarve.

Qeveria nuk mund t’i fshihet pergjegjësisë për këtë skandal të madh. Daljet butaforike dhe batutat e Edi Rames nuk mund të lënë në harresë faktin që të dhënat sensitive të mbi 630 mijë shqiptarëve janë sot në duart e bandave dhe kriminelëve.

Përgjegjësia bie dhe mbi SPAK, institucioni që duhet te kishte hetuar me seriozitet dhe deri me fund skandalin me të dhënat personale të qytetarëve që Partia Socialiste përdori nëpërmjet patronazhistëve për zgjedhjet e 25 prillit.

Vënia para përgjegjësisë e autorëve të vërtetë të skandalit të patronazhistëve, do të ishte shenjë e seriozitetit të hetimeve për një nga aktet që shënoi një nga kulmet e masakrës zgjedhore të 25 prillit.

Por kur SPAK hesht, është e qartë se manipulatorët e politikës nuk frikësohen të zgjasin duart dhe të ndërhyjnë atje ku çdo shqiptar i ka besuar shtetit të dhënat e tij personale.

Është e qartë që ideatorët dhe zbatuesit e skemës së publikimit të të dhënave personale të qytetarëve shqiptarë, si në rastin e patronazhistëve ashtu dhe në atë të disa ditëve më parë, është kupola e korruptuar e partisë shtet, e aftë për të përdorur çdo mënyrë dhe mjet në funkskon në interësit personal.

Qytetarët shqiptarë, të shantazhuar, të dhunuar në privatësinë e tyre dhe të ekspozuar ndaj çdo keqbërësi, presin një përgjigje të forë dhe të qartë nga drejtësia, sespe mungesa e ndëshkimit të autorëve të skandalit të patronazhistëve, sot po kthehet në kërcënim të drejtëpërdrejtë për jetët e mbi 600 mijë shqiptarëve./albeu.com/

The post “Shteti han pa porta”, Alibeaj reagon ashpër për skandali i pagave: Zanafilla ishin patronazhistët appeared first on Albeu.com.

Më konkretisht, Fondi Shqiptar i Zhvillimit, ka një drejtor që merr një pagë prej 700 mijë lekësh të reja në muaj. Rroga më e ulët në këtë institucion është 71 mijë lekë të reja dhe ka një staf prej më shumë se 160 peronash.

Nga ana tjetër, Banka e Shqipërisë ka 510 punonjës.

Paga më e lartë në këtë institucion është ajo e Guvernatorit që në prill të këtij viti rezulton të ketë qenë 877 mijë 204 lekë të reja. Ndërsa paga më e ulët rezulton të jetë 34 mijë e 700 lekë të reja, që përkatësisht paguhen punëtorët e ngarkim-shkarkimit atje.

Operatori i Shpërndarjes së Energjisë Elektrike ka 249 punonjës. 310 mijë e 500 lekë të reja është paga më e lartë e këtij institucioni që merr drejtori Ardian Çela. Më e ulëta është 13 mijë lekë të reja që merr një specialist tregu.

Albpetrol ka në staf 1 mijë e 811 persona. Drejtori i departmentit ka një pagë prej 592 mijë e lekësh të reja, që është edhe më e larta, ndërsa paga më e vogël është 7 mijë e 700 lekë të reja.

Ujësjellës Kanalizime në të gjitha degët ë qarqeve ka një staf prej 7 mijë e 300 personash. Paga maksimale është 97 mijë lekë të reja ndërsa ajo më e ulëta, 5 mijë e 700 lekë të reja.

Dosja.al ka nxjerrë të dhënat e plota mbi këto shpenzime./albeu.com/

The post Institucionet “ngopin” punonjësit me para, pagat marramendëse të drejtorëve që “shtangin” këdo që i sheh appeared first on Albeu.com.

Replikat kanë ardhur pas publikimit të lajmit që certifikata e kontrollit teknik të DPSHTRR heq përfundimisht detyrimin e kontrollit fizik të automjetit kur ndërron pronësia.

Një pjesë e qytetarëve i kanë kërkuar llogari dhe të japë shpjegime për skandalin daljes së listave me të dhënat personale, pagat dhe jo vetëm, përfshirë edhe targat e makinave.

Një tjetër qytetar, referuar listave që dolën dhe rrogave shumë të mëdha të një pjese të vogël pyet kryeministrin se përse duhen tërë ata parazitët të marrin rrogat kot në kurrizin tonë.

Edi Rama i përgjigjet duke i thënë se rrogat për të cilat flet janë të sektorit privat ndërsa shërbimet janë të shtetit. Mes komenteve nuk mungon edhe ironia për Lulzim Bashën./albeu.com/

The post “Lëri budallallëqet komandant”, Rama “sherr” me komentuesit për skandalin e pagave (FOTO LAJM) appeared first on Albeu.com.