Situatë alarmante në Durrës nga përmbytjet! Banesat dhe rrugët në Katund të Ri “pushtohen” nga uji

Situata e reshjeve në vend vijon të jetë e rëndë, teksa zona e Katundit të Ri në Durrës po përballet me përmbytje, që kanë përfshirë edhe banesat e zonës.

Banorët nuk mund të qarkullojnë lehtësisht për shkak të nivelit të lartë të ujit, ndërsa banesat dhe rrugët janë përfshirë tërësisht duke u përballur me dëme të mëdha.

Situata mbetet e vështirë edhe në zona të tjera të qytetit, teksa sot u regjistrua edhe një viktimë për shkak të përmbytjeve.