Qofshin aftësi, mënyra të vepruari apo aftësi përshtatjeje, të gjithë kemi cilësi që e bëjnë marrëdhënien tone me të tjerët edhe më të lehtë. Duke përdorur pikat e forta mund të arrish të bësh edhe më shumë miq të mirë dhe të simpatizohesh nga të gjithë. Zbuloni cilat janë ato sipas çdo shenjë dhe si duhen përdorur.
Dashi
Dashët janë shenja e veprimit dhe ata nuk mund të qëndrojnë asnjë moment ë një vend. Le ta shfrytëzojnë gjallërinë e pamundshme për t’i ndihmuar njerëzit që takojnë. Çdo lloj ndihmë sado e vogël do i bëjë dashët edhe më të pëlqyer për të tjerët.
Demi
Duke pasur një natyre të qetë, demat adhurojnë të kalojnë momente të këndshme me të tjerët. Le ta përdorin mikpritjen dhe ngrohtësinë e tyre për t’u bërë edhe më teë preferuar për miqtë. Një gatimi veçantë, biseda të ngrohta, lojëra të këndshme dhe të gjithë do duan t’i kenë pranë.
Binjakët
Shumë sociale dhe kureshtare, binjakëve ju pëlqen të flasin për gjithçka dhe për asgjë edhe me ore të zgjatura. Kultura që kanë i mahnit të tjerët kështu që le ta shfrytëzojnë këtë gjë për t’i mësuar gjithkujt gjëra të reja. Edhe aftësia që kanë për t’i bërë të tjerët të qeshin është një cilësi e adhurueshme.
Gaforrja
Të ndjeshëm dhe të përkujdesur gaforret janë ndër më të mirët e zodiakut. Le ta përdorin aftësinë e tyre si dëgjues të mirë sepse do bëjnë edhe më shumë miq. Të gjithë kanë ndonjëherë nevojë të mbështeten në shpatullën e dikujt dhe të qajnë.
Luani
Luanët janë gjithmonë në humor të mirë dhe me ta askush nuk mërzitet. Ata janë të parët që organizojnë mbrëmje dhe aktivitete dhe mund të ndryshojnë edhe të përditshmen e më të turpshmëve.
Virgjëresha
Falë shpirtit kritik dhe aftësisë së analizës, virgjëreshat janë këshilluese shumë të mira. Kur dikush kalon periudha të vështira ato gjejnë gjithmonë fjalët e duhura dhe shërbejnë si psikologe. Këtë aftësi ata duhet ta përdorin gjithmonë për të bërë miq përjetë.
Peshorja
Shenjë e ekuilibrit dhe paqes, peshoret analizojnë gjithçka dhe ulin gjithmonë tensionin. Kjo është një nga aftësitë më të mira që i bëjnë të adhurueshëm nga të tjerët. Ata e bëjnë çdo lloj situate më të thjeshtë dhe marrin gjithmonë falënderime.
Akrepi
Shpirti i analizës dhe empatia e jashtëzakonshme, i bën akrepat ta vendosin gjithmonë veten në vendin e tjetrit dhe t’i kuptojnë. Kjo i ndihmon gjithmonë në situatat me: miqtë, punën, dashurinë dhe me njerëzit që takojnë rastësisht, prandaj le ta vënë sa më shumë në zbatim.
Shigjetari
Falë shpirtit të hapur dhe tolerancës, shigjetarët nuk e kanë shumë të vështirë të bëjnë miq dhe madje ata janë miqtë perfektë. Besimi dhe përkujdesja për nevojat e secilit i bën edhe më fantastike.
Bricjapi
Bricjapët e turpshëm dhe seriozë e kane të vështirë të bëjnë miq, prandaj më mirë të përdorin aftësinë që kanë për t’u përkujdesur për ta dhe për t’i dëgjuar në mënyrë që gjithçka të jetë më e lehtë.
Ujori
Tejet sociale, ujorët e kanë të lehtë të përshtaten me çdokënd. Me ta të gjithë mund të flasin pa problem për gjithçka prandaj duan t’i kenë gjithmonë pranë.
Peshqit
Mikpritës dhe të ndjeshëm, peshqit nuk mund t’i bëjnë dot keq askujt. Duke qenë edhe shumë të sjellshëm dhe të dëliret bëhen edhe më të pëlqyer nga të tjerët, kështu që nuk duhet të ndryshojnë, thjesht të sillen ashtu si janë.
