Komandanti i KFOR-it, Oezkan Ulutash, ka thënë se njësitë e këtij misioni do të vazhdojnë të kujdesen për sigurinë përreth manastirit.

“Mirëpresim vendimin e institucioneve të Kosovës, i cili njeh pronësinë e Manastirit të Deçanit mbi disa hektarë tokë. Agjencia Kadastrale e Kosovës tashmë është udhëzuar të zbatojë këtë vendim”, tha ai për “Zërin e Amerikës”, duke shtuar se njësitë e KFOR-it, që janë të angazhuara për mbrojtjen e kësaj zone fetare do të vazhdojnë të kryejnë këtë detyrë të rëndësishme, në përputhje me bashkëpunimin e gjatë e të mirëvendosur me autoritetet lokale fetare.

Më herët edhe shtetet e QUINT-it, mirëpritën këtë vendim duke e cilësuar si “hap të rëndësishëm përpara të autoriteteve të Kosovës në përputhje me aspiratat evropiane dhe euroatlantike”.

Qeveria e Kosovës, njoftoi të mërkurën se i ka kërkuar Agjencisë Kadastrale, ta zbatojë vendimin e Gjykatës Kushtetuese për pronat e Manastirit të Deçanit, duke i dhënë fund një periudhe të gjatë mospajtimesh me diplomacinë perëndimore rreth kësaj çështjeje.

Zbatimi i vendimit me të cilin manastirit i njihet e drejta e pronës në mbi rreth 24 hektarë tokë, lidhet drejtpërdrejt me kërkesën e Kosovës për t’u anëtarësuar në Këshillin e Evropës.

The post KFOR: Do të vazhdojmë të kujdesemi për sigurinë përreth Manastirit të Deçanit appeared first on Albeu.com.

Mësohet se në Burgun e Sigurisë së Lartë të Burrelit, është gjetur celular në një frigorifer, ndërsa ende nuk dihet kujt i përket.

The post E FUNDIT/ Gjendet celular në një frigorifer në Burgun e Sigurisë së Lartë të Burrelit, ende nuk dihet kujt i përket appeared first on Albeu.com.

Nuk dihet nëse jeta e kreut të SPAK është në rrezik, por mësohet se pranë shtëpisë është shtuar një grup policer.

Ndërkohë, Dumani lëviz më makinë të blinduar për më shumë siguri, teksa vetë SPAK ka thënë se Dumani mbrohet në përputhje me ligjin.

“Nisur nga publikimet ne media dhe interesi i lartë publik, informojmë se: Në zbatim të akteve ligjore dhe nënligjore Drejtuesi i Prokurorisë së Posaçme mbrohet nga Garda e Republikës e cila bashkëpunon dhe koordinon veprimet me Policinë e Shtetit. Mbrojtja e Drejtuesit të Prokurorisë është konform procedurave standarde të miratuara”, deklaron SPAK.

Kujtojmë që Dumani është në krye të hetimit për disa nga dosjet më të bujshme në vend, duke filluar nga dosja e Nuredin Dumanit, I cili u arrestua gjatë operacionit “Plumbi i Artë”, teksa zbuloi shumë prej crasjeve të ndodhura në vend.

Ndërkohë, më e fundit dhe ndër më të bujshmet është “Metamorfoza”, të cilën Dumani e ka marrë në dorë personalisht.

Mes personave që po hetohen në këtë dosje janë edhe biznesmeni Pëllumb Gjoka, ish-drejtuesi i Forcës Operacionale Oltion Bistri dhe ish-kryeprokurori i Kukësit Xhevahir Lita.

Në sitën e Prokurorisë së Posaçme do të kalojnë prona të paluajtshme dhe të luajtshme, automjete, banesa, biznese, llogari bankare etj.

Qëllimi i hetimeve ka të bëjë me zbulimin e të ardhurave për të siguruar këto të mira materiale dhe nëse kanë burime të ligjshme.

Ndërkohë, SPAK ka goditur kohët e fundit zyrtarë dhe biznesmenë të lidhur me tendera korrupitv, siç ishte rasti i koncesionit të sterilizimit, nga i cili u arrestuan ish-zv/ministri i Shëndetësisë Klodjan Rjepaj dhe biznesmeni Ilir Rrapaj.

Përvetësimi I pronave të ushtrisë ka qenë në vëmendjen e SPAK teksa vijojnë hetimet edhe për dosjen e bujshme të inceneratorëve, për të cilën janë arrestuar disa zyrtarë të lartë.

The post Prerja e kokave të mëdha, rritet siguria përreth Altin Dumanit appeared first on Albeu.com.

Njihni fqinjët: Kjo është shumë e dobishme për sigurinë e shtëpisë sonë në përgjithësi, por është më e nevojshme për ata që jetojnë vetëm. Sado social të jetë njeriu, kërkohet një shkallë marrëdhëniesh që në rast nevoje të jetë dikush që mund të ndihmojë menjëherë.

Dyert gjithmonë të mbyllura: Shumë besojnë se për sa kohë janë brenda shtëpisë së tyre, nuk janë në rrezik. Nuk vlen në përgjithësi dhe nuk vlen më shumë për ata që jetojnë vetëm. Nëse dikush p.sh. ka parë shtëpinë dhe sheh vetëm një banor, ai ka më shumë gjasa të tundohet të tentojë të hyjë.

Brava inteligjente: Dhe duke qenë se duam që dyert tona të jenë gjithmonë të kyçura, duam që ato të jenë sa më mirë të kyçura. Meqenëse një bravë e thjeshtë mund të thyhet lehtësisht, alternativa më e mirë është të blini dhe instaloni një bllokues “të zgjuar” – aq “i zgjuar” sa e lejon portofoli i dikujt.

Kujdes kur jeni larg me pushime: Në fakt… dyfish kini kujdes. Udhëzimet bazë do t’i gjeni këtu, ajo që duhet mbajtur mend është se patjetër nuk dëshironi të habiteni kur ktheheni dhe hapni derën e shtëpisë.

Ndizni dritën dhe… zhurmën: Një llambë ose llamba me kohëmatës, një radio ose një televizor duke luajtur, japin imazhin e lëvizjes në shtëpi kur qiramarrësi është larg. Ato nuk janë aspak opsione të shtrenjta dhe ofrojnë një nivel bazë sigurie.

Alarmi individual: Mundësia e një aksidenti në shtëpi është reale dhe nuk është e garantuar që dikush do të mund të përdorë telefonin e tij celular për të thirrur për ndihmë. Kështu, një alarm individual (pajisje e thjeshtë dhe e lehtë për t’u përdorur) mund të japë një nivel shtesë sigurie. Blerja e një pajisjeje të tillë është e detyrueshme për ata që vuajnë nga një sëmundje kronike ose që i nënshtrohen trajtimit.

Plani i emergjencës: Njeriu duhet të njohë mirë zonën e shtëpisë dhe të hartojë një plan emergjence në rast vjedhjeje apo zjarri. Sepse në një situatë të tillë, thjesht nuk do të ketë njeri tjetër për të ndihmuar.

Kujdes nga mediat sociale: Nëse dikush është një nga ata që publikojnë statusin e marrëdhënies së tyre dhe publikojnë foto nga shtëpia, ata marrin automatikisht rrezikun që ky informacion të arrijë në sytë e gabuar. Ai thjesht nuk duhet.

Sistemi i plotë i sigurisë: Është zgjidhja më e mirë: një sistem i plotë sigurie dhe bashkëpunimi me një kompani sigurie e ngre sigurinë e shtëpisë dhe të qiramarrësit në nivelin më të lartë të mundshëm. Ata që jetojnë vetëm duhet ta konsiderojnë këtë opsion dy herë.

The post Disa rregulla bazë sigurie për ata që jetojnë vetëm appeared first on Albeu.com.

Në një postim në Twitter, Borell shkruan se BE mbetet e përkushtuar për të mbështetur të prekurit në zonat e goditura nga zjarri në Greqi deri te viktimat e uraganeve.

“Këtë verë, fatkeqësitë natyrore po bëjnë kërdi në mbarë botën, duke vënë jetë në rrezik dhe duke shkatërruar shtëpitë dhe mjetet e jetesës. Në të gjithë Mesdheun, zjarret po bëjnë kërdi. Sllovenia dhe Gjeorgjia janë prekur rëndë nga përmbytjet dhe rrëshqitjet e dheut. Ndryshimi i klimës është një realitet i pamohueshëm dhe një kërcënim për sigurinë globale. BE mbetet e përkushtuar për të mbështetur të prekurit, nga zonat e shkatërruara nga zjarri në Greqi e deri te viktimat e tajfuneve në Filipine”, thotë më tej ai.

The post Nryshimet klimatike, Borrell: Kërcënim për sigurinë globale appeared first on Albeu.com.

Një studim i kryer së fundmi (nga përpunimi i të dhënave të Numbeo për 41 shtete) bazohet në perceptimin subjektiv të sigurisë së individëve, kur ecin vetëm në rrugë gjatë natës, në vende të ndryshme.

Ai synon të kuptojë se sa të sigurt ndihen njerëzit në vendet e tyre përkatëse, duke pranuar se ky perceptim mund të mos përputhet gjithmonë me shkallën aktuale të krimit. Faktorët përtej krimit, si prania e kafshëve të rrezikshme ose planifikimi urban, mund të ndikojnë në ndjenjën e sigurisë.

Për më tepër, nënraportimi i krimeve ose humbja e besimit në zbatimin e ligjit, mund të shtrembërojë më tej lidhjen midis shkallës së krimit dhe sigurisë së perceptuar. Pavarësisht nga këto kompleksitete, analizimi se sa të sigurt ndihen individët ndërsa ecin vetëm natën, ofron njohuri të vlefshme për ndjenjën e përgjithshme të sigurisë brenda çdo vendi.

Pesë vendet e para, për sa i përket sigurisë së perceptuar kur ecni vetëm gjatë natës, janë Kroacia, Sllovenia, Islanda, Gjeorgjia dhe Zvicra. Kroacia ka pozicionin më të lartë, me një normë mbresëlënëse sigurie 74.63, e ndjekur afër nga Sllovenia me 74.40.

Islanda siguron vendin e tretë, me një normë sigurie 72.26, ndërsa Gjeorgjia dhe Zvicra mbyllin pesëshen e parë me norma përkatësisht 69.72 dhe 69.35. Këto vende paraqesin një ndjenjë të fortë sigurie brenda kufijve të tyre.

Shqipëria renditet e 12-ta nga fundi, me 52.34. Siguria në vendin tonë përceptohet më e ulët se të gjitha vendet e tjera të rajonit, si Serbia, Mali i Zi apo Maqedonia e Veriut.

Nga ana tjetër, Franca renditet në fund të listës me një normë sigurie 35.59, e ndjekur ngushtë nga Bjellorusia me 36.44. Belgjika zë vendin e tretë nga fundi, me një normë sigurie 41.25, ndërsa Mbretëria e Bashkuar dhe Suedia plotësojnë pesëshen e fundit, me norma përkatësisht 43.00 dhe 43.69.

Çfarë është e habitshme?

Siguria më e ulët e perceptuar në vende si Franca, Britania e Madhe dhe Suedia, është befasuese, duke pasur parasysh statusin e tyre ekonomik dhe mjediset e qëndrueshme shoqërore dhe politike.

Ai sugjeron një mospërputhje të mundshme, midis sigurisë aktuale dhe asaj të perceptuar, ose mund të pasqyrojë çështje më të gjera shoqërore, që ndikojnë në ndjenjën e sigurisë së publikut të gjerë.

Ndërsa duket se ka një prirje gjeografike, ku rajonet e Ballkanit dhe Balltikut, ndihen më të sigurt se Europa Perëndimore dhe Lindore, të dhënat tregojnë se PBB-ja nuk lidhet fort me sigurinë e perceptuar.

Kjo përforcon idenë se ndjenja e sigurisë është komplekse dhe e ndikuar nga elementë të ndryshëm, përtej mirëqenies ekonomike.

Është e rëndësishme të theksohet, se këto rezultate ofrojnë një pamje të përgjithshme dhe mund të ndryshojnë brenda secilit vend në varësi të qyteteve, lagjeve dhe demografisë. /monitor

The post Sa të sigurt ndihen njerëzit për të ecur vetëm natën në Europë, Shqipëria e fundit në rajon appeared first on Albeu.com.

Një banor vendas besohet se e ka gjetur dokumentin në një rrugë në Belfast, tha një zyrtar amerikan i zbatimit të ligjit, duke konfirmuar vërtetësinë e letrës në kushte anonimiteti.

Dokumenti përmbante emra të policisë së Belfast-it dhe postime, por asgjë nuk lidhej me operacionet e Shërbimit Sekret, i cili mbikëqyr sigurinë e presidentit gjatë udhëtimeve të huaja, apo planet e tij të sigurisë.

Shkelja e sigurisë erdhi pasi kërcënimi nga terrorizmi në Irlandën e Veriut u konsiderua “i rëndë” për vizitën e Biden për të shënuar 25 vjetorin e Marrëveshjes së së Premtes së Mirë, e cila i dha fund tre dekadave të luftës civile në Irlandën e Veriut. /albeu.com

The post Dokumenti i policisë me detaje për sigurinë e Biden përfundon në rrugë appeared first on Albeu.com.

Policia njofton se ka përforcuar masat për të parandaluar ngjarjet kriminale dhe ato rrugore, duke qenë se që nga dita e djeshme, ka rritje të numrit të shtetasve që hyjnë më Shqipëri, nëpërmjet pikave të kalimit kufitar.

Masa shtesë janë marrë edhe për të parandaluar përdorimin e kundërligjshëm të lëndëve piroteknike (fishekzjarre, kapsolla etj).

Njoftimi:

Me qëllim garantimin e rendit dhe sigurisë publike përgjatë festave të fundvitit, natës së ndërrimit të viteve dhe ditëve të para të vitit të ri 2023, Policia e Shtetit ka marrë një sërë masash shtesë, për të siguruar mbarëvajtjen e festave dhe për të parandaluar ngjarjet kriminale dhe ato rrugore, duke qenë se që nga dita e djeshme, ka rritje të numrit të shtetasve që hyjnë më Shqipëri, nëpërmjet pikave të kalimit kufitar.

Masa shtesë janë marrë edhe për të parandaluar përdorimin e kundërligjshëm të lëndëve piroteknike (fishekzjarre, kapsolla etj).

Për këtë qëllim, është hartuar plani i përgjithshëm i masave, nëpërmjet të cilave synohet:

• Rritja e sigurisë në komunitet, në të gjithë territorin, duke shtuar prezencën e shërbimeve të Policisë.

• Parandalimi i ngjarjeve kriminale, nëpërmjet kontrollit të plotë të territorit nga strukturat e Policisë, kontrolli ndaj personave me precedentë kriminalë, i automjeteve të tyre, si dhe i ambienteve që ata frekuentojnë, bazuar në inteligjencën informative.

• Sigurimi në kohë i informacioneve për parandalimin e ngjarjeve kriminale, si dhe për kapjen e personave të shpallur në kërkim për ngjarje kriminale, dhe nxjerrjen e tyre përpara përgjegjësisë penale.

• Shtimi i sporteleve dhe i burimeve njerëzore, në të gjitha pikat e kalimit kufitar. Në pikat tokësore, bashkëpunim i ndërsjellë me homologët, me qëllim krijimin e lehtësirave ligjore, shmangien e rradhëve të gjata dhe për sigurimin e lëvizjeve të njëtrajtshme, në të dyja anët e kufirit.

•Rritja e kontrollit në pikat e kalimit kufitar dhe shtimi i patrullimeve në kufirin e gjelbër, me qëllim parandalimin dhe goditjen e krimeve ndërkufitare.

• Monitorimi i akseve rrugore, me makina inteligjente, radarë automatikë dhe me patrulla të lëvizshme, me mjete të pauniformuara, me qëllim parandalimin e aksidenteve rrugore;

• Forcimi i masave për kontrollin ndaj subjekteve që tregtojnë fishekzjarre dhe lëndë të tjera piroteknike, duke bashkëpunuar me PMNZH-në dhe me strukturat e tjera ligjzbatuese.

• Rritja e prezencës së shërbimeve të Policisë, në shëtitore, pedonale, objekte kulti dhe sheshe publike, në të gjitha bashkitë e vendit, për të garantuar mbarëvajtjen e festimeve gjatë natës së Krishtlindjes dhe gjatë natës së ndërrimit të viteve.

• Gjithashtu, strukturat e Policisë kanë planifikuar masa për mbajtjen në kontroll, të sigurisë dhe rendit, në restorante, lokale dhe qendra tregtare, që kanë frekuentim të lartë qytetarësh.

• Në vijim, për të parandaluar ngjarjet kriminale, janë organizuar shërbime policore shtesë, në banka, zyra të këmbimit valutor, tregje dhe objekte të tjera, ku administrohen vlera monetare dhe materiale.

•Strukturat e Policisë po bashkëpunojnë edhe me shërbimet private të sigurisë fizike (SHPSF), për përforcimin e shërbimeve të sigurisë së objekteve, si dhe gjatë shoqërimit dhe transportimit të vlerave monetare.

•Ndërkohë shërbimet e lëvizshme operacionale (FLO) të Policisë së Shtetit, janë në gatishmëri për të ndërhyrë në çdo moment, në rast së është e nevojshme.

Policia e Shtetit është tërësisht e angazhuar për të krijuar një ambient sa më të sigurtë për të gjithë qytetarët, dhe në këtë kuadër i fton ata që të denoncojnë në numrin pa pagesë 112 dhe në Komisariatin Dixhital, çdo rast paligjshmërie.

The post Festat e fundvitit, policia merr masa shtesë appeared first on Albeu.com.

Studiuesit nga grupi BeeHive CyberSecurity po hetojnë cedimet e mundshme në sistemin e nënshkruar nga një grup që e quan veten “Kundër Perëndimit”.

Grupi i hakerëve dyshohet se kishte akses në një strukturë për ruajtjen e të dhënave të përdoruesve të Tik Tok dhe ËeChat. Të njëjtët hakerë më pas informuan BeeHive CyberSecurity për sulmin e tyre kibernetik.

“Informacioni që ata na dërguan do të ishte i vështirë për t’u falsifikuar: për momentin ata ende po eksportojnë të dhëna, kështu që nuk është e mundur të thuhet se sa kanë qenë në gjendje të gjejnë,” thanë studiuesit.

Përgjigja e TikTok me kthimin e postimit. “Stafi i sigurisë nuk gjeti asnjë defekt në sistem. Zbulimi i të dhënave nuk lidhet me një defekt në ‘Tik Tok’”, tha një zëdhënës i platformës kineze për të siguruar kështu përdoruesit e saj. Sipas kompanisë, pas historisë fshihen “palë të treta që nuk kanë lidhje me rrjetin social”.

The post Alarm sigurie në “Tik Tok”, të dhënat personale dhe llogaritë e PayPal përfundojnë në rrjet? appeared first on Albeu.com.

Pikërisht mungesa e këtyre masave bëri që të martën e 2 gushtit të ndodhte një ngjarje tragjike në Himarë të Vlorës, ku një 7-vjeçare u përplas për vdekje nga një skaf teksa luante në plazh.

Ky është incidenti i tretë brenda pak ditëve ku motorët e ujit përplasin pushues në plazhet e vendit. Vetëm pak ditë më parë një tjetër fëmijë u godit nga një varkë në plazhin e Jonufras në Vlorë, ndërsa një çift u godit nga një gomone në bregdetin e Jalës dhe mbetën të plagosur.

Për zbatimin e masave të sigurisë është miratuar një VKM e posaçme për të garantuar zhvillimin sa më të suksesshëm të turizmit. Në VKM-në e miratuar në mars 2019, janë paraqitur kriteret e vendosura për mbrojtjen e sigurisë së pushuesve nga mjetet motorike. Në këtë vendim është përcaktuar qartë distanca që duhet të mbajnë motorët e ujit, motobarkat nga bregu i detit.

Por këto kritere nuk zbatohen në asnjë nga plazhet shqiptare, gjë që përbën një rrezik serioz për pushuesit shqiptarë nga Velipoja në Sarandë. Këtë e konfirmon edhe eksperti i sigurisë z.Fatjon Softa, i cili pohoi për Monitor se ngjarjet e fundit kanë treguar se masat e marra nga policia e shtetit, nga operatorët turistikë dhe nga pushteti vendor nuk kanë funksionuar.

“Ngjarjet e fundit kanë treguar dhe po tregojnë se masat e marra nga Policia e Shtetit, operatorët turistikë dhe pushteti lokal nuk mjaftojnë. Ngjarja e rëndë në Potam tregon, edhe një herë, se duhet të punohet në dy drejtime. Së pari, ndërgjegjësimi i operatorëve, që kanë në përdorim këto mjete uji, qytetarët në radhë të parë dhe përdoruesit e këtyre mjeteve. Njëkohësisht, masat që duhet të marrë policia për shkeljet e përsëritura, të cilat duhet të ishin marrë që në dimër. Tani jemi në sezon dhe masat duhet të ishin më të rrepta.”

Eksperti pohoi gjithashtu se nëse shkelësit nuk dënohen me gjobë, bllokim automjeti apo procedim penal, ngjarje të tilla do të vazhdojnë të ndodhin siç kanë ndodhur vitet e kaluara.

“Dhe për shkeljet duhet të ketë gjoba, bllokim apo procedim penal, në të kundërt do të kemi sërish viktima e ngjarje të tilla. Rastet janë të përsëritura, përmendim gomonen që doli dhe dëmtoi dy pushues.

Por nuk ka probleme vetëm te mjetet ujit sepse siguria është një koncept i gjerë, duke përfshirë këtu edhe faktorë të tjerë rreth çadrave të pushuesve, ku vite më parë kemi parë edhe konflikte për çadrat, konflikte mes pronarëve për pronat dhe këto konflikte kanë qenë edhe me armë.

Të gjitha këto ngjarje tregojnë edhe një herë se siguria në plazhe duhet të jetë jo vetëm një masë e shtuar, por një masë parandaluese”- tha Softa.

Sipas Kryetarit të Shoqatës së Hoteleri-Turizmit, Zak Topuzi, moszbatimi i masave të sigurisë ndikon edhe në ecurinë e turizmit, i cili është në një fazë zhvillimi pas heqjes së kufizimt të pandemisë. Sipas tij, moszbatimi i ligjit jo vetëm nga disa individë por edhe nga autoritetet e bën bregdetin shqiptar të duket i pasigurt në sytë e pushuesve.

“Kjo është një ngjarje e rëndë në vazhdën e përsëritjes së disa ngjarjeve të tilla, sepse ligji nuk zbatohet apo zbatimi selektiv i tij nga njerëz që sfidojnë ligjin që janë në pushtet apo që mbrohen nga pushteti.

Shqipëria sapo ka filluar të përdorë turizmin blu, i cili është një nga turizmet më të rëndësishme në botë pas një mbyllje 8-10 muaj. Ne i japim botës sinjale se deti shqiptar nuk është i sigurt, kjo gjë nuk është normale.

Mos zbatimi i ligjit dhe mos kontrrolli periodik nga strukturat sjell këto probleme, ndërkohë, që kemi rregulla të qarta në ligj që nuk zbatohet nga të gjitha hallkat qoftë pushteti lokalë qoftë ai qëndror ose qoftë edhe nga vetë bizneset që tolerohen nga një mënyrë ose një tjetër duke bashkëpunuar me të gjithë këto strukturat” tha Topuzi.

Moszbatimi i ligjit dhe mungesa e kontrollit periodik nga strukturat sjell këto probleme, ndërkohë që kemi rregulla të qarta në ligj që nuk zbatohen nga të gjitha hallkat, qoftë pushteti vendor apo qendror apo edhe nga vetë bizneset që që tolerohen nga një mënyrë ose një tjetër duke bashkëpunuar me të gjithë këto strukturat” tha Topuzi

Sipas zotit Topuzi çka e dëmton më shumë këtë sektor është se turizmi është në një fazë zhvillimi ku masat e sigurisë janë më të nevojshme se kurrë, pasi aktivitetet me mjetet e ujit janë diçka e re për vendin tonë që cënohet më së shumti nga moszbatimi i ligjieve.

“Jemi në një fazë që të marrim masa për zbatimin e ligjit dhe jo ta neglizhojmë atë. Zbatimi lidhet me kontrolle periodike, gjoba, pezullime. Nëse ne i zbatojmë, bregdeti është shumë i sigurt, pasi këto lloj sportesh, aktivitetesh, zhvillohen në të gjithë botën dhe jemi të fundit që po fillojmë të merremi me këtë lloj sporti”, shpreh Kryetari i Shoqatës së Hoteleri-Turizmit.

Po kush janë përgjegjësit kryesor për ngjarjet e tilla?

Sipas ekspertit të sigurisë, z.Fatjon Softa, institucionet përkatëse duhet të marrin masat e duhura që ligjet të zbatohen, por edhe të krijohen kushtet për një sezon turistik sa më të suksesshëm

Institucionet duhet të krijojnë kushtet dhe standardet në plazhe dhe më pas të vendosin masat për sigurinë.

Masat nuk kanë funksionuar si duhet për shumë arsye, nuk janë bërë kontrolle, shumë kulla janë formale, nuk ka roje bregdetare, apo nuk kanë as mjetet e duhura – tha eksperti.

Duke shpresuar që ngjarjet si ajo në Potam të Vlorës të mos përsëritet diku tjetër, institucionet përkatëse duhet të mësojnë nga ngjarje të tilla, në mënyrë që vitin e ardhshëm të marrin masa më të ashpra, sepse për këtë sezon është tepër vonë./ Monitor

The post Ekspertët: Moszbatimi i masave të sigurisë cenon edhe më tej sektorin e turizmit në vend appeared first on Albeu.com.