Kreu i PD-së, Sali Berisha ka zhvilluar sot një takim me departamentin e Arsimit të Lartë dhe Shkencës. Në takim, Berisha u garantoi mbështetje pedagogëve për protestën e nisur, ndërsa shtoi se shumë shpejt dhe PD do të zhvillojë protesta të fuqishme.
https://www.facebook.com/SaliBerisha/videos/887403792665832
“Shumë shpejt do të fillojmë protesta të fuqishme. Nuk mund ta pranojmë këtë që po ndodh. Në vend që sheshet t’ia përshtaste tregut, ky u kthye në stilin atëror. Kush janë viktimat? Bizneset. Me ju do të bëj programin e arsimit të lartë, dhe ju garantoj se qeveria nuk mund të ketë buxhet nën 5% të GDP-së. Nuk mund të ketë konfiskim të lirisë akademike për ju. Përkundrazi, ne i besojmë asaj. Do të bëjmë gjithçka për të rivendosur bashkëpunim me të gjithë ekselencat shqiptare kudo që janë sot. Mendja, dija do të jetë forca rrënjësore e zhvillimit të Shqipërisë. Ju garantoj se këtë grevë që keni nisur, do ju japim të gjithë mbështetjen që meritoni për suksesin e saj”, tha Berisha./albeu.com
