Irani është ‘thellësisht i përfshirë’ në sulmet e kryera nga milicët jemenas ‘Houthi’ kundër anijeve tregtare që kalojnë tranzit në Detin e Kuq.
Kështu deklaroi zëdhënësja e Sigurisë Kombëtare të Shtëpisë së Bardhë, Adrienne Watson.
“Ne nuk kemi asnjë arsye të besojmë se Irani po përpiqet të pengojë Houthis nga kjo sjellje e pamatur,” tha Watson, duke shpjeguar se inteligjenca iraniane është çelësi për të lejuar Huthit të synojnë anijet.
Nga ana tjetër Hamasi e gjykon rezolutën për Gazën e votuar sot në OKB si “një hap të pamjaftueshëm” dhe akuzon SHBA-në se e ka “zbrazur” tekstin.
“Për pesë ditët e fundit, administrata amerikane ka punuar për të zbrazur këtë rezolutë nga thelbi i saj dhe ta paraqesë atë me këtë formulim të dobët… që sfidon vullnetin e komunitetit ndërkombëtar dhe Asamblesë së Përgjithshme të Kombeve të Bashkuara për të ndaluar agresionin e Izraelit kundër popullit palestinez të pambrojtur.”, thuhet në deklaratën e lëshuar nga Hamasi, të cilën Harretz e raporton në faqen e tij të internetit, duke cituar Reuters.
