Një shpërthim me eksploziv, ka ndodhur gjatë natës në lagjen “Partizani” të Vlorës. Policia thotë se lënda plasëse ishte vendosur në portën e jashtme të një banesë, në pronësi të shtetases me iniciale B.Z 63-vjeçe.
Fatmirësisht, nuk ka persona të lënduar, por vetëm dëme materiale.
Njoftimi:
“Më datë 29.11.2025, rreth orës 23:38, në rrugën “Ali Demi”, lagjja “Partizani”, në portën e jashtme të banesës së shtetases B. Z., 63 vjeçe, ka shpërthyer një sasi lënde plasëse, nga e cila janë shkaktuar vetëm dëme materiale. Nën drejtimin e Prokurorisë vijon puna për identifikimin, kapjen e autorëve dhe dokumentimin e plotë të ngjarjes”, thotë policia.
Ndërkohë, materialet iu referuan Prokurorisë, për veprime të mëtejshme.
