shkaterrohet Archives - Albeu.com

Shkatërrohet banda e drogës në Spanjë/ Arrestohen 5 persona, mes tyre edhe shqiptarë

V K — Tue, 23 Apr 2024 08:16:13 +0000

Në kuadër të operacionit të koduar “Servana”, policia spanjolle ka shkatëruar një bandë të trafikut të drogës, ku në pranga kanë rënë pesë persona, mes të cilëve edhe shqiptarë.

Siç raportojnë mediat vendase, ky grup kriminal vepronte në pjesë të ndryshme të Valencias.

Hetuesit zbuluan se ishte një organizatë shqiptare, e strukturuar në mënyrë perfekte dhe me metodologji kriminale të mirëpërcaktuar.

Organizata ishte përgjegjëse për prodhimin dhe kultivimin e kanabisit. Disa nga njerëzit jetonin dhe kalonin natën në magazinat industriale ku kishin plantacionet.

Për të përshpejtuar rritjen e bimëve të kanabisit, ata përdornin materialin ndriçues të gjeneratës së fundit dhe kishin kondicionerë të mëdhenj për të shpërndarë aromën.

Këtë e arrinin falë një truku në rrjetin elektrik, duke gjeneruar humbje energjie prej më shumë se 900 amper.

Garda Civile kreu disa kontrolle të ndryshme. Në fazën e parë, më 28 shkurt , u krye një kontroll në një magazinë industriale në Xeresa dhe një tjetër në një apartament në plazh në Gandía.

Në fazën e dytë, më 25 mars, u krye një kontroll tjetër në një magazinë industriale në qytetin e Rótova.

Në total është sekuestruar rreth një ton kanabis sativa, duke evidentuar 308 kilogramë syth në procesin e tharjes.

Të arrestuarit akuzohen për 2 krime kundër shëndetit publik, 2 për mashtrim me energjinë elektrike, 1 për falsifikim dokumentesh dhe një tjetër për anëtarësim në organizatë kriminale.

The post Shkatërrohet banda e drogës në Spanjë/ Arrestohen 5 persona, mes tyre edhe shqiptarë appeared first on Albeu.com.

Shkatërrohet banda e trafikantëve në Itali, 13 të arrestuar, mes tyre disa shqiptarë

V K — Mon, 22 Apr 2024 08:06:23 +0000

Gjatë një operacioni të nisur në orët e para të mëngjesit, karabinierët e Veronës në Itali, kanë arrestuar 13 persona, me kombësi italiane dhe shqiptare, të akuzuar në cilësi të ndryshme, si drejtues të një trafiku të gjerë lëndësh narkotike në bashkitë e Valpolicellës dhe në provincën e Veronës.

Me këtë rast, është urdhëruar edhe sekuestrimi parandalues i një restoranti të njohur, në pronësi të njërit prej të dyshuarve, që besohet se është vend furnizimi dhe shpërndarje për lëndën narkotike.

Hetimet kanë zhvilluar që nga viti 2022, pas zbulimit të disa armëve që çuan në arrestimin në flagrancë të 5 personave.

Operacioni është ende në vijim.

The post Shkatërrohet banda e trafikantëve në Itali, 13 të arrestuar, mes tyre disa shqiptarë appeared first on Albeu.com.

Shkatërrohet banda e trafikut të drogës në Bolonja, 36 të arrestuar, mes tyre edhe shqiptarë

V K — Thu, 14 Mar 2024 08:24:16 +0000

Policia në Bolonjës, ka zbuluar një bandë kriminale e trafikut të drogës, ndërsa janë arrestuar 36 persona.

Anëtarët e bandës kriminale ishin italianë, pakistanezë dhe shqiptarë.

Sipas hetimeve, organizata shiste qindra doza kokaine dhe heroine çdo ditë.

Gjatë hetimeve janë sekuestruar 3 kg kokainë, 1 kg heroinë, 6 kg hashash, 1500 doza lëndë narkotike dhe 30 mijë euro cash.

Mbi 400 oficerë policie, u angazhuan në këtë operacion policor.

Detajet e këtij operacioni, pritet të jepen nga oficerët e komisariatit të Bolonjës paraditen e sotme.

The post Shkatërrohet banda e trafikut të drogës në Bolonja, 36 të arrestuar, mes tyre edhe shqiptarë appeared first on Albeu.com.

Tentuan të zhvatnin 150 mijë euro nga një grua, vihen në pranga tre shqiptarë në Spanjë

V K — Wed, 31 Jan 2024 08:00:00 +0000

Policia e Granadës në Spanjë, ka shkatërruar një bandë kriminale që dyshohet se ka zhvatur një grua nga e cila kërkuan pagesën e 150,000 eurove, për një borxh të pretenduar të bashkëshortit të saj të ndjerë, teksa në pranga kanë rënë të gjithë anëtarët e saj, gjithsej katër persona, duke përfshirë udhëheqësin e grupit.

Të gjithë të arrestuarit u lanë në burg, pasi dolën para gjykatësit.

Sipas Gardës Civile në një njoftim për shtyp, kreu i bandës ishte një 34-vjeçar me kombësi spanjolle, ndërsa grupi përbëhej edhe nga tre persona të kombësisë shqiptare nga 28 deri në 38- vjeç.

Të gjithë ata u arrestuan në kuadër të të ashtuquajturit operacioni “Jamais” si autorë të dyshuar të krimeve të zhvatjes, krimit të vazhdueshëm të grabitjes me forcë, dëmtimit, falsifikimit të dokumenteve, armëmbajtjes pa leje, falsifikimit të valutës dhe përkatësisë në një bandë kriminale.

Garda Civile, mësoi tetorin e kaluar se një grua merrte mesazhe kërcënuese përmes WhatsApp-it në numrin e telefonit të bashkëshortit të saj të ndjerë nga një numër telefoni me prefiks anglez, duke kërkuar pagesën e 150 mijë eurove.

Hetuesit e Gardës Civile, u vendosën në mënyrë strategjike dhe vepruan pikërisht kur gruaja u dha paratë që kërkuan.

Në fillim, dy nga anëtarët e grupit u arrestuan, ndërsa dy të tjerët me të parë agjentët u larguan dhe u arrestuan pak më pas në një qendër të njohur tregtare.

The post Tentuan të zhvatnin 150 mijë euro nga një grua, vihen në pranga tre shqiptarë në Spanjë appeared first on Albeu.com.

Rusia: Shkatërrohet fabrika e municioneve pranë Kievit

admin — Sun, 17 Apr 2022 09:29:21 +0000

Autoritetet ruse së fundmi bëjnë me dije se kanë shkatërruar fabrikën e municioneve pranë Kievit. Mediat e huaja kanë publikuar deklaratën e zëdhënësit të ministrisë ruse të mbrojtjes, Igor Konashenkov, i cili shprehet se forcat e armatosura ruse shkatërruan një fabrikë municioni pranë Kievit. “Gjatë natës, raketat e lëshuara nga ajri me precizion të lartë [...]