Seancë e jashtëzakonshme/ Mes tensioneve dhe bllokimit të foltores, votohen në Kuvend ministrat e rinj

Tensione në sallën e Kuvendit. Deputetë të opozitës kanë zaptuar foltoren e Kuvendit, ndërsa Kryetarja e Kuvendit, Lindita Nikolli, ka kaluar për votim dekretet e Presidentit Bajram Begaj për ndryshimet në Qeveri.

“Hajdut Hajdut”, bërtiste Gazment Bardhi, kreu i Grupit Parlamentar të PD-së, duke iu drejtuar Kryeministrit Edi Rama dhe kryeparlamentares në detyrë Nikolla, ndërsa kjo e fundit ka vijuar me votimin e dekreteve.

E pazakontë në Kuvend/ Deputeti i PD pret votimin për kryeparlamentaren me këmbët mbi tavolinë

Elisa Spiropali zgjidhet kryetare e Kuvendit me 75 vota pro

Gardisti mbron Ramën nga shishja e hedhur drejt tij

Në krye të Kuvendit, Spiropali: Ju që jeni mësuar të debatoni me mua, do t’ju shoh njësoj përballë, por nuk do të më keni përballë

Shpërthen mes Bardhit dhe Nikollës, kryeparlamentarja: Të të vijë turp për fjalët

Ndërkohë, deputetët e PD janë mbledhur rreth foltores duke shprehur edhe protestën e tyre, pasi më parë i është refuzuar kërkesa për debat lidhur me ndryshimet në Qeveri.

Mes kaosit të krijuar në sallën e Kuvendit, ku një pjesë e ligjvënësve opozitarë ndodheshin në foltore dhe të tjerë godisnin tavolinat, deputetët kanë votuar dekretet.

Taulant Balla, ministër i Shtetit për Marrëdhëniet me Parlamentin është emëruar me 78 vota pro, 9 kundra dhe asnjë abstenim