Trajneri 47-vjeçar italian ka impresionuar te Nerazzurrët që nga ardhja e tij në qershor 2021, duke i udhëhequr ata drejt dy Kupave të Italisë, tre Superkupave të Italisë, dhe në finalen e Ligës së Kampionëve.

Këtë sezon, klubi më në fund duket në rrugën e duhur për të fituar një Scudetto të 20-të historike, duke fituar yllin e tyre të dytë.

Inzaghi ka arritur ta transformojë Interin në një nga skuadrat më të rrezikshme në futbollin evropian, dhe e ardhmja e tij në klub nuk duket në dyshim, pavarësisht se ka vetëm 18 muaj të mbetur nga kontrata e tij aktuale.

Sipas Gazzetta dello Sport, kontrata e Inzaghit me Interin do të zgjatet automatikisht me një vit nëse klubi fiton Scudetton këtë sezon, por ai gjithashtu mund të shpërblehet me një rritje page për të pasqyruar suksesin e tij.

Trajneri italian ka mbikëqyrur ekipin në 141 ndeshje në krye deri më tani, duke marrë 93 fitore, 24 barazime dhe 24 humbje në të gjitha garat. /Telegrafi/

The post Interi do të shpërblejë Inzaghin në rast se fiton Scudetton këtë sezon appeared first on Albeu.com.

Por te Juve të gjithë e dinë gjithashtu se nga janari do të fillojë një sezon tjetër, të gjithë mendojnë se diçka ka ndryshuar në ditët e fundit dhe fitorja me Interin e konfirmon.

Askush, madje as Juventusi i Max Allegrit, i cili në sezonin 2015/2016, ai që do të përdorej si referencë e vazhdueshme kur mendohej për rikthime të pamundura, nuk ishte 9 pikë larg kreut që mbrohej në atë kohë nga Interi. Duke parë marshimin e Napolit atëherë, ka shumë pak vend për iluzione. Por në janar fillon një histori e re.

Siç ka thënë gjithmonë Max Allegri, mbrojtja më e mirë fiton kampionatet, dhe Juventus aktualisht ka mbrojtjen më të mirë me vetëm 7 gola të pësuar.

Të rinjtë që po shpërthejnë. Miretti dhe Fagioli, dhe rikuperimi përfundimtar i tre emrave të mëdhenj në janar si Di Maria, Chiesa dhe Pogba, i japin Juventusit shpresë për gjysmën e dytë të sezonit. Për momentin është 10 pikë larg, por historia na mëson se asgjë nuk është e pamundur dhe sinjalet e fundit të nisura nga Juventusi i Max Allegrit u japin shpresë tifozëve të Juventusit. /G.D albeu.com/

The post “4 arsyet pse Juventus mund të synojë Scudetton” appeared first on Albeu.com.

Zikaltërit bënë një lojë shumë të mirë në pjesën e parë, por duke shpërdoruar të gjitha shanset e arta për të kaluar të paktën dy herë në avanatazh. Calhanoglu tentoi disa herë nga distanca me disa goditje më të vërtetë të jashtëzakonshme dhe potente, por Szczesney ka qenë i vëmendshëm në të gjithë sfidën. Më pas ishte rasti i Dumfries ku me portën e boshatisur nuk mundi ta dërgonte topin në rrjetë.

Gjithsesi, Ishte Juventus që me dy asistimet e serbit Kostic erdhën golat e Rabiot dhe Fagiolit. Kjo është ndeshja e katërt e madhe e humbur dhe e pesta në total për Interin në Serie A. Në fakt është shqetësuese, duke marrë parasysh se asnjë ekip në Serie A nuk ka mundur të fitojë Scudetton me 5 humbje që në fazën e parë të Serie A./ h.ll/albeu.com

The post Në Itali askush nuk e ka fituar Scudetton me 5 humbje në fazën e parë, Inter tashmë lufton për në top katërshe appeared first on Albeu.com.

“Duhej të shënonim katër gola për të fituar, pasi pësuam tre, të cilat janë shumë. Por e rëndësishme ishte të merrnim pikë sepse tashmë kemi humbur shumë.

A kemi ende si objektiv fitimin e kampionatit? Jo, kemi humbur shumë pikë të rëndësishme, mendojmë vetëm që të qëndrojmë sa më shumë para në tabelë”, është shprehur Lautaro./ h.ll/albeu.com

The post Lautaro pesimist: Scudetto? Nuk mendoj se mund ta fitojmë, kemi humbur shumë pikë appeared first on Albeu.com.

Serie A do dhe pak kohë të startojë dhe në mënyrë direkte dihet që do të kemi një përplasje titanësh këtë sezon.

Tre klubet favorite për ta fituar këtë Scudetto janë Inter, Milan dhe Juventus. Koeficientët e basteve nga ekspertët se cili do të jetë i aftë për të fituar këtë trofe, është Inter dhe më pas Juventus, ndërsa Milan zë vendin e tretë si favorit.

Të treja klubet kanë bërë një merkato të shëndetshme deri më tani në këtë pushim veror, ku të tre kanë përforcuar ekipin e tyre.

Pse Inter?

Inter sezonin e kaluar gaboi në muajin e fundit të kampionatit duke humbur pikë të cilat ishin të lehta në letër për t’u fituar. Gjithsesi, zikaltërit kanë kryer disa përforcime të konsiderueshme këtë merkato verore. Rikthimi Lukakut ishte i bujshëm. Zikaltërit kishin nevojë për një dyshe sulmi më pjellore, edhe pse në përgjithsi në skuadër ata janë të përfshirë pothuajse të gjithë në shënimin e golave. Dyshja Lautaro-Lukaku i ka dhënë rezultatet në dy sezone, atëherë kur Conte ishte trajneri i tyre. Mesfusha është përforcuar, me Kristjan Asllanin  dhe Mkhitaryan të afruar. Lojtari i kombëtares shqiptare u afrua nga Interi me iden se do të ishte një zëvendësues i Brozovic, por në këto ndeshje përgatitore ka treguar vlerat e tij, dhe ka bërë Inzaghin të kuptojë se djaloshi shqiptar është më shumë se një rezervë, është një lider.

Mkhitaryan është një lojtar që do të përdoret për rotacione, por ekpserienca e tij do të nevojitet në fushën e lojës. Më pas kemi Brozovic-Barella-Calhanoglu, një treshe mesfushe me komandant kroatin, të cilët dinë shumë mirë se si të menaxhojnë situatat në fushën e lojës.

Krahët e mesfushës janë dobësuar pak që pas largimit të Perisic. Gosens në të djathtë dhe Dumfries në të majtë mund të jenë titullarët e padiskutueshëm të sezonit, të ndihmuar nga Darmian-Bellanova-Dimarco. Mbrojtja është një mur i vërtetë. Duke konsideruar që nuk do të ndryshojë deri në fund të merkato, Skrinar, De Vrij dhe Bastoni kanë treguar se janë së bashku një repart i egër, teknik dhe sulmues në të njejtën kohë. Portieri titullar mendohet se do të jetë Handanovic, por performanca e Onana në këto miqësore duket se do të lërë në hije eksperiencën e Handanovic. Zikaltërit janë një ekip që di të mbrohet dhe të sulmojë shumë mirë, ka qetësinë e duhur në mbrojtje dhe kontrollin madhështor në mesfushë, dhe një sulm që prodhon më shumë se 30 gola në sezon.

Pse Juventus?

Juventus ka nevojë të ngrejë kokë. Pasi la stafetën e Scudettos, gjërat nuk kanë shkuar mirë për ta.

Këtë merkato, ka realizuar disa goditje të mëdha me emër. Bremer, Di Maria dhe Pogba janë tre afrime të jashtëzakonshme, edhe pse francezi do ta nisë me vones sezonin pas dëmtimit që pësoi. Sulmi i Juves do të jetë me të vërtetë i rrezikshëm për kundërshtarët, me Vlahovic, Di Maria dhe Chiesa, i cili u rikuperua plotësisht nga një dëmtim i rëndë. Kjo treshe besohet se do të jetë pjellore në sasinë e golave të shënuar.

Mesfusha është kompakte dhe fizike, por edhe teknike. Pogba, Zakaria dhe Locatelli pritet të jetë treshja startuese për këtë sezon. Mbrojtja ndoshta nuk është premtuese, por ka brenda agresivitet dhe teknikë. Në të majtë Alex Sandro ose Cambiasso, në qendër dyshja Bremer-Bonucci dhe në të djathtë Cuadrado. Porta dihet që do të ketë gardianin polak, Szczesny.

Pse Milan?

Milan është kthyer në një ekip që beson deri në momentin e fundit. Këtë gjë e tregoi mirë sezonin e kaluar duke sfiduar një Inter të fuqishëm, edhe pse kishte pësuar disa largime të rëndësishme nga ekipi, me Hakimi, Eriksen, Lukaku dhe Conte.

Gjithsesi, Milan ka një ekip të përgatitur për sezonin e ri, dhe me një detyrë të vështirë, të mbrojë titullin kampion. Maignan në portë është siguri totale. Mbrojtja është e bukur, me një katërshe në prapavijë që tregon besim, edhe pse nuk duket aq e fortë sa e Interit. Theo Hernandez-Tomori-Kalulu-Calabria do të jenë gardianët. Mesfusha është e talentuar dhe me një teknikë ndoshta më të mirë nga dy ekipet e tjera rivale.  Tonali, Benanncer, dhe De Ketelaere mund të jetë treshja startuese, dhe një sulm prej Leao-Giroud-Rebic.

Tre ekipet favorite për Scudetto do të përplasion brirët e tyre për të shkuar deri në fund, aq sa për të ngritur trofeun e madh të kampionatit italian. Rruga është shumë e gjatë, pengesa do të ketë pafund dhe gjendja fizike dhe psikologjike e ekipeve do të ketë më shumë rëndësi se sa vet emrat e përveçëm të përmendur./h.ll/albeu.com

The post Inter, Milan apo Juventus? Cili ekip do të jetë i aftë për të fituar Serie A këtë sezon? appeared first on Albeu.com.

“Ne do të luftojmë për Scudetto. Ne punojmë për veten dhe ditë pas dite do të përpiqemi të dëshmojmë se çfarë vlejmë.”

Inter ka gjetur një lojtar të rëndësishëm si Lukaku, por që rrezikon të humbasë Skriniar dhe për Dimarco, ata janë dy themele kryesore të Interit.

“Romelu është një sulmues i rëndësishëm  që është i lumtur që është kthyer në një grup të shëndetshëm, të bukur dhe argëtues. Të gjithë e njohim Lukakun, ai dëshiron të punojë, është i fortë dhe shpresojmë që ai të na japë një dorë së bashku me sulmuesit e tjerë që kemi.

Skriniar? Ai është një nga mbrojtësit më të mirë në Evropë.

Do të jetë një kampionat i vështirë, i ndarë në dy pjesë, me një pushim të gjatë për Botërorin e Katarit. Do të duhet të përfitojmë. Ne duhet të jemi të përqëndruar dhe të grumbullojmë sa më shumë pikë të jetë e mundur”, është shprehur anësori i Interit./h.ll/albeu.com

The post Dimarco: Skriniar një nga më të mirët në Evropë. Scudetto? Le të tregojmë sa vlejmë appeared first on Albeu.com.

Interi aktualisht është favorit për të fituar Scudetton. Ata kanë një skuadër të madhe, cilësi dhe përvojë, si dhe potencial të jashtëzakonshëm në sulm. Lukaku, Lautaro, Dzeko, Sanchez dhe Correa, pesë sulmues të cilët gjejnë shumë kollajë rrjetën e portës, sidomos dy të parët të cilët do të jenë titullarë këtë sezon së bashku përsëri dhe të gjithë e dimë se sa të aftë janë ata të dy përpara portës së kundërshtarit.

Juventus duhet të rizbulojë shpirtin e ekipit dhe vullnetin për të sakrifikuar, sezonin e kalua rata dukehsin të humbur.

Milan nuk ka individualitetin e rivalëve të tij dhe duhet të jetë superior në lojë”, është shprehur Sacchi./ h.ll/albeu.com

The post Sacchi: Inter është favoriti për Scudetto, Lukaku dhe Lautaro tepër të frikshëm appeared first on Albeu.com.

Drejtësia sportive ka marrë këtë vendim sot duke sanksionuar klubin kampion, Theo Hernandez, Krunic, maignan dhe Tonali.

Krunic u dënua me 5000 euro gjobë, ndërsa Theo, Maignan dhe Tonali me nga 4000 euro gjobë. Klubi i Milanit u gjobit me një shumë prej 12,000 euro.

Katër lojtarët e Milanit kanë pranuar se kanë bërë gabim për thirrjet dhe shkrimet ofenduese në drejtim të klubit zikaltër./ h.ll/albeu.com

The post Thirrje fyese ndaj Interit kur po festonin Scudetton, gjobiten katër lojtarë të Milanit dhe klubi appeared first on Albeu.com.

“E ardhmja në Los Angelese? Do të publikohet gjithçka në ditët e ardhshme. Më duhet një eksperiencë nga gjithçka, që gradualisht të përfundoj aventurën e futbollit dhe të përgatitem për të ardhmen në mënyrën më të mirë të mundshme.”

Dollapi juaj bosh te Juventusi?

“Gjëja më e vështirë do të jetë pastrimi i dhomës së hotelit. Aty ndihem si në shtëpinë time. Dollapi ishte pjesa e fundit , por në dhomë kishte gjithçka dhe ishte edhe më e vështirë, nga medalja europiane te kontratat e vjetra”.

Debutimi me Italinë?

“Nëntor 2004, mendoj se jam i pari në mesin e lojtarëve që kaloj nga debutimi në pension. Unë kam qenë me fat, përveç Buffon vetëm Zoff ka pasur kaq shumë vite me ekipin kombëtar, edhe sepse ruajtja e atij niveli nuk është e lehtë”.

A do të jetë Juventusi i ardhshëm për Scudetto?

“Për mua Interi është përpara të gjithëve. Interi është ekipi më i fortë në Itali dhe këtë gjë më duhet ta pranoj. Por gjithësesi dop të shohim se çfarë do të ndodhë sezonin e ardshëm”.

Çfarë do të bëjë Chiellini pas futbollit?

“Do të doja një pjesë menaxheriale në botën e futbollit, për të kuptuar se çfarë ndodh në seli dhe në zyra. Për mua është një botë e panjohur, nuk do të jetë e lehtë por do punë, durim dhe dëshirë për të mësuar.”/ h.ll/albeu.com

The post Chiellini: Inter mbetet ekipi më i fortë në Serie A appeared first on Albeu.com.

Portieri francez ka realizuar pritje të mahnitshme për sezonin që sapo mbaroi, dhe këto pritje të tijat i kanë dhënë edhe Scudetton Milanit. Por Maignan falënderon Interin për Scudetton e fituar nga ekipi i tij i Milanit.

“Falenderojmë Interin për Scudetton. Ndeshja e tyre ndaj Bologna-s ishte momenti kur ne fituam Scudetton. Ata humbën dhe kështu ne nuk na mbetej gjë tjetër vetëm të fitonim ndeshjet e mbetura. Humbja ndaj Interit në Kupën e Italisë na dha një motivim.”

Gjithashtu Mike Maignan tha për “Gazzetta dello Sport” rreth ardhjes së tij te Milani.

“Unë erdha te Milani me zgjedhje profesionale, për të punuar dhe luajtur mënyrën time. Nuk erdha për të zënë vendin e Donnarumma apo për ta bërë emrin e tij që të harrohej. Nuk ndjeva asnjë lloj stresi për këtë gjë. Sigurisht e dija që fansat nuk do të më shanin, por e vërteta është se këtu u ndjeva si në shtëpinë timë menjëherë”, u shpreh portieri francez./h.ll/albeu.com

The post Maignan “falenderon” zikaltërit: Scudetto? Falenderojmë Interin për humbjen ndaj Bologna appeared first on Albeu.com.