Asambleja e Përgjithshme e Kombeve të Bashkuara sapo ka votuar për të pezulluar Rusinë nga Këshilli i saj për të Drejtat e Njeriut gjatë një sesioni në Nju Jork.
Vendimi pason akuzat për krime lufte nga trupat e Kremlinit në Ukrainë.
Përpara se të hidheshin votat, ambasadori i Ukrainës në OKB Sergiy Kyslytsya akuzoi Rusinë për abuzime “të tmerrshme”, duke ngritur çështjen e vrasjeve të të civilëve në qytetin e Bucha.
Përfaqësuesi i Rusisë, Genadi Kuzmin, e dënoi votimin dhe kombet e tjera, përfshirë Korenë e Veriut dhe Sirinë, u mblodhën pas tij.
Si u ndanë votat?
93 vende votuan pro, 24 kundër dhe 58 abstenuan.
Ndër vendet që mbështetën pezullimin ishin SHBA, vendet e BE-së, Britania e Madhe dhe natyrisht vetë Ukraina.
Kina, Siria dhe Bjellorusia ishin mes atyre që votuan kundër mocionit.
Dhe India, Egjipti dhe Afrika e Jugut ishin midis kombeve që abstenuan./albeu.com
