Rennes Archives - Albeu.com

Bayern nuk heq dorë nga Désiré Doué, gati 55 mln euro për Rennes

admin — Tue, 23 Jul 2024 14:02:13 +0000

Bayern i Mynihut është gati të bëjë gjithçka për të firmosur talentin e Rennes, Désiré Doué.

Nga franca gazetari i “L’Equipe”, Loïc Tanzi ka bërë me dije se oferta e dytë e Bayern ka mbërritur ditën e sotme në klubin e Rennes dhe flitet për një shifër rreth 40 milionë euro. Ndërsa gazetari i njohur italian Fabrizio Romano ka saktësuar se shifra është edhe më e madhe, rreth 50-55 milionë euro.

Nga këto raportime dallohet qartë dëshira e Bayern për të siguruar shërbimet e 19-vjeçarit, i cili konsiderohet si njëri prej talenteve më të mëdhenj të futbollit transalpin.

Në fillim të këtij muaji klubi bavarez i bëri ofertë prej 35 mln euro ekipit të Rennes, i cili është kontaktuar edhe nga PSG. Bavarezët duken më të favorizuar pasi në Mynih ndodhen Tel dhe Olisse.

The post Bayern nuk heq dorë nga Désiré Doué, gati 55 mln euro për Rennes appeared first on Albeu.com.

Një penallti në kohën shtesë shpëton PSG-në nga humbja

S SH — Sun, 25 Feb 2024 18:13:04 +0000

PSG ka barazuar me Rennes në ‘Parkun e Princave” me rezultat 1-1 në kuadër të javës së 23-të të Ligue 1.

Të parët që rrezikuan ishin vendasit me Vitinhan, por që gjuajtja e tij u ndal nga portieri Steve Mandanda.

Rennes kaloi në epërsi në rast e parë të mirë, kur Amine Gouiri arriti të shënojë në portën e Gianluigi Donnarummas për 1-0.

Në pjesën e dytë, PSG u mundua të bëjë më shumë duke patur edhe më shumë raste.

Ousamane Dembele rrezikoi në minutën e 59-të, por Mandanda sërish ishte në vend.

Në minutën e 85-të PSG kërkoi penallti, por që pas rikthimit të VAR nuk u akordua një e tillë.

Deri në fund parisienët tentuan të shënonin dhe fituan penallti në shtesë, ku Goncalo Ramos shënoi nga pika e bardhë për 1-1.

PSG mbetet lider me 54 pikë, ndërsa ka 11 më shumë se ndjekësi i parë që është Brest. Rennes që ka kapur formën dhe pas pesë fitoreve radhazi, mori barazim dhe mban vendin e gjashtë me 35 pikë. /Telegrafi/

The post Një penallti në kohën shtesë shpëton PSG-në nga humbja appeared first on Albeu.com.

I shënoi tre gola Milanit, grabitet banesa e Benjamin Bourigeaud

S SH — Fri, 23 Feb 2024 20:45:49 +0000

Benjamin Bourigeaud do e kujtojë gjatë mbrëmjen e së enjtes. 30-vjeçari shënoi tre gola kundër Milanit në Europa League, diçka që të ndodh rrallë.

Pavarësisht se Rennes fitoi 3-2, në raundin tjetër u kualifikuan kuqezinjtë e Piolit falë triumfit 3-0 në “San Siro”.
Bourigeaud, i cili ishte ndër më të mirët e skuadrës franceze edhe në duelin e parë, u përball me një lajm të keq pas ndeshjes.

Shtëpia e tij ishte grabitur ndërkohë që ai zbavitej dhe festonte golat ndaj Milanit me tifozët e pranishëm në “Roazhon Park”.

Mesfushori ka denoncuar ngjarjen dhe forcat policore po punojnë për zbardhjen e saj dhe kapjen e hajdutëve. /abcnews.al

The post I shënoi tre gola Milanit, grabitet banesa e Benjamin Bourigeaud appeared first on Albeu.com.

VIDEO/ PSG e bën “rrugë”, humb transfertën e dytë rradhazi në kampionat

E S — Sun, 15 Jan 2023 21:43:23 +0000

Ka përfunduar me rezultatin shokues 1 me 0, përballja e mbrëmjes në kampionatin francez “Ligue 1”, mes Rennes dhe PSG, ku një gol i vendasve ka mjaftuar për t’i dhënë një tjetër goditje “knock-out”-i, parizienëve.

Përballja nisi e qetë, me të dyja palët që nuk arritën dot të gjenin golin në pjesën e parë, duke e mbyllur me rezultatin e “bardhë”, 0 me 0.

Goli i vetëm i sfidës do të vinte nga Traore, në minutën e 65’, gol ky që do të mjaftonte për t’i dhënë skuadrës së Rennes, një 3-pikësh të vyer.

Pas kësaj përballjeje, PSG mbetet në kuotën e 47 pikëve, vetëm 3 më shumë se Lens i vendit të dytë. /albeu.com

The post VIDEO/ PSG e bën “rrugë”, humb transfertën e dytë rradhazi në kampionat appeared first on Albeu.com.

Zyrtare: Tottenham-Rennes nuk luhet, Spurs rrezikojnë eliminimin

admin — Sat, 11 Dec 2021 10:34:39 +0000

Ashtu si në dy sezonet me Interin edhe në aventurën me Tottenham Hotspur, eksperienca e Antonio Contes në kompeticionet europiane për të tretin vit radhazi do të mbyllet në fazën e grupeve.

Tottenham është në prag eliminimi nga grupet e Conference League pa zbritur fare në fushë, pasi UEFA ka dalë sëfundmi me një komunikatë për ndeshjen mes Spurs dhe francezëve të Rennes në program për t’u luajtur të enjten në mbrëmje por që u shty pasi klubi anglez kishte disa lojtarë të prekur nga COVID-19.

Në komunikatën e UEFA-s lexohet që është e pamundur që ndeshja mes Tottenham dhe Rennes të luhet brenda këtij viti siç është në rregulloren e UEFA-s për shkak të mungesës së dative të lira dhe në këtë mënyrë londinezët me shumë gjasa do e humbasin ndeshjen 0-3 në tavolinë pasi Rennes bëri detyrën duke udhëtuar drejt Anglisë në mesjavë. Në këtë mënyrë në fazën tjetër të Conference League do të shkojë skuadra holandeze e Vitesses që fitoi sfidën ndaj Muras me shifrat 3-1 duke zbritur skuadrën e Contes në vendin e 3-të në grup.

Pas kësaj komunikate të UEFA-s ku bëhet e ditur se është e pamundur që të gjendet një datë për rikuperimin e sfidës, tashmë pritet të vijë vendimi që Tottenham ta humbasë ndeshjen 0-3 në tavolinë, verdict që do të sillte edhe eliminimin e bandës së Contes nga Conference League

The post Zyrtare: Tottenham-Rennes nuk luhet, Spurs rrezikojnë eliminimin appeared first on Albeu.com.

Shpërthimi i Covid-19 te Tottenham, shtyhet ndeshja me Rennes

E S — Thu, 09 Dec 2021 07:46:49 +0000

Ndeshja e Tottenham në fazën e grupeve të Conference League me Rennes është anuluar për shkak të shpërthimit të Covid-19 në kampin e “spurs”. Antonio Conte zbuloi se ekipi i tij ka 13 raste me pozitiv, tetë lojtarë dhe 5 anëtarë të stafit. Pas bisedimeve me Agjencinë e Sigurisë Shëndetësore dhe Qeverinë të mërkurën mbrëma, [...]

Rennes i shkakton humbjen e parë PSG-së në kampionat, e mposht me rezultat të pastër (VIDEO)

E S — Sun, 03 Oct 2021 13:08:58 +0000

Rennes i ka shkaktuar humbjen e parë PSG në Ligue 1 në javën e 9 të kampionatit.

Pochettino kishte hedhur në fushë “armatën” e rëndë duke mos kursyer asnjë nga yjet, por nuk ia doli të siguronte 3 pikët e radhës.

Ndeshja u zhbllokua nga vendasit në fundin e pjesës së parë me Laborde. Me avantazhin minimal të Rennes mbyllen 45 minutat e para, me të dytën që nis aty ku mbaroi me para. Tait dyfishon rezultatin në minutën e 46 dhe i jep një goditje të rëndë PSG-së.

Miqtë shtuan ritmin dhe arritën të dërgonin topin në rrjetë në minutën e 68’ me Mbappe, por anullohet nga VAR për pozicion jashtë loje.

Rezultati i pjesës së parë do të ishte edhe ai të gjithë ndeshjes me Rennes që bën surprizën.

Pas kësaj humbje “parisienë” qëndrojnë të shkëputur në vendin e parë me 24 pikë, ndërsa Rennes ngjitet në vendin e 7 me 12 pikë. /albeu.com

The post Rennes i shkakton humbjen e parë PSG-së në kampionat, e mposht me rezultat të pastër (VIDEO) appeared first on Albeu.com.

LIGUE 1/ Rennes – PSG, formacionet zyrtare

E S — Sun, 03 Oct 2021 10:31:41 +0000

PSG do të përballet ditën e sotme me Rennes në kuadër të Ligue 1 në orën 13:00. Pochettino nuk ka ndërmend të kursejë asnjë prej yjeve, pasi e gjithë “armata” e rëndë është në fushë. Skuadrat kanë publikuar formacionet e tyre: Rennes: Gomis; Traore, Omari, Agured, Meling; Bourigeaud, Martin, Tait, Sulemana; Laborde, Terrier. PSG: Donnarumma; [...]

Arrihet marrëveshja, Real Madridi transferon yllin e Rennes

E S — Tue, 31 Aug 2021 06:25:28 +0000

Eduardo Camavingo do të jetë lojtari më i ri i Real Madridit për këtë sezon.

Camavinga gjatë tërë afatit kalimtar të verës u lidh me një kalim të mundshëm te PSG dhe Man Utd.

Megjithatë së fundmi në garë për transferimin e tij u inkuadrua edhe Real Madridi që tani kanë arritur marrëveshje me Rennes për karton e tij.

Sipas gazetarit Fabrizio Romano, tani dy klubet kanë arritur marrëveshjen për Eduardo Camavingan.

“Los Blancos”, kanë shpenzuar 31 milionë euro për blerjen e mesfushorit, plus bonuset.

18-vjeçari, tashmë ka kompletuar testet mjekësorë dhe së shpejti do të zyrtarizohet te ‘Mbretërit’.

Eduardo Camavinga to Real Madrid: HERE WE GO! The offer has been accepted tonight by Rennes. €31m plus add ons. Medical already completed tonight. ⚪️? #DeadlineDay

Paperworks are signed. Official today. He goes to Real NOW – no loan. Camavinga picks Real over Man Utd and PSG. pic.twitter.com/lMCkuM4Nig

— Fabrizio Romano (@FabrizioRomano) August 30, 2021

The post Arrihet marrëveshja, Real Madridi transferon yllin e Rennes appeared first on Albeu.com.

PSG bën hap fals në garën për titull, Lille ka në dorë kampionatin (VIDEO)

admin — Sun, 09 May 2021 21:11:23 +0000

Paris Saint-Germaini nuk ka arritur më shumë se një barazim (1-1) në ndeshjen e zhvilluar si mysafir i Rennes në Roazhon Park.

Rezultati u zhbllokua në fund të pjesës së parë me një gol të Neymarit nga pika e bardhë (90’+6).

Në gjysmën e dytë, vendasit arritën që ta barazonin rezultatin përmes Sehrou Guirassy (70’), i cili u asistua nga Benjamin Bourigeaud.

Në minutën e 87-të miqtë mbetën edhe me një lojtar më pak në fushë pas përjashtimit të Presnel Kimpembe me karton të kuq, ashtu që nuk ia dolën ta kthenin epërsinë.

Ky barazim e lë Paris Saint-Germainin tri pikë prapa liderit Lille, kur kanë mbetur edhe dy xhiro deri në fund të kampionatit.

The post PSG bën hap fals në garën për titull, Lille ka në dorë kampionatin (VIDEO) appeared first on Albeu.com.