Skuadra e drejtuar nga Alvaro Arbeloa, do të ndeshet me Benficën për një vend në 1/8-at e kompeticionit, në një duel që premton tension, emocione dhe kujtime të freskëta për tifozët madrilenë.

Ndeshja e parë do të luhet në Lisbonë, në stadiumin “Da Luz”, ndërsa vendimtarja do të zhvillohet në “Santiago Bernabéu”, ku Reali synon të përfitojë nga avantazhi i kthimit në shtëpi.

Për Mbappe dhe shokët e tij, kjo transfertë nuk është thjesht një udhëtim europian: është një rikthim në një stadium ku Reali përjetoi një nga mbrëmjet më të dhimbshme të fazës së ligës.

Humbja 4-2 ndaj Benficës dhe goli dramatik i portierit Trubin në minutën e 98-të mbeten ende të gjalla në kujtesën e tifozëve “blancos”, pasi ajo disfatë ndikoi drejtpërdrejt në faktin që madrilenët nuk siguruan kualifikimin direkt në 1/8-at.

Sfida sjell edhe një element tjetër që e rrit temperaturën: rikthimin e José Mourinhos në “Santiago Bernabéu”.

Për trajnerin portugez, kjo do të jetë vizita e parë në stadiumin madrilen pas periudhës kur ai ishte protagonist në pankinën e Realit nga 2010 deri më 2013.

Një rikthim që pritet të shoqërohet me atmosferë të ndezur, për shkak të marrëdhënies së veçantë që “Special One” ka lënë pas në Madrid.

Real Madridi hyn në këtë përballje me një objektiv të qartë: të marrë revanshin për humbjen e fundit dhe të sigurojë kualifikimin në raundin tjetër, duke u mbështetur te përvoja europiane dhe ndeshja e kthimit në shtëpi.

Nga ana tjetër, Benfica do të kërkojë të përsërisë suksesin, duke besuar se mund të bëjë sërish “mrekullinë” përballë një prej favoritëve të turneut.

The post Real kërkon hakmarrjen ndaj Mourinhos, sfida e Play Off premton spektakël appeared first on Albeu.com.

Në grupin D, Interi triumfoi 0-1 ndaj Salzburg, duke shkuar në kuotën e 10 pikëve dhe duke prerë biletën për në fazën tjetër. Takimi u vendos nga një gol i Martinez me penallti në fund.

Në grupin A, Bayern kaloi 2-1 Gallatasaray në shtëpi (Kane x2 / Bakambu).  Në Parken Stadium (Copenhagen), takimi mes Copenhagen dhe Manchester United përfundoi 4-3. “Djajtë e kuq” shënuan 2 herë brenda 28 minutsh me Hojlund, por dalja e Rashford me karton të kuq komplikoi gjithçka. Vendasit danez vendosën ekuilibrat brenda pjesës së parë me Elyounoussi dhe Goncalves. Pavarësisht se ishin në inferioritet numerik, ekipi i Ten Hag “tundi rrjetën” në minutën e 69-të me Fernandes. Gëzimi ishte i përkohshëm, pasi Lerager nuk e kishte thënë ende fjalën e tij, ndërsa Roony Bardghji tërboi në festë tifozët e Copenhagen (87′)!

Ndeshjet:

Arsenal 2-0 Sevilla

Bayern 2-1 Gallatasaray

Copenhagen 4-3 United

PSV 1-0 Lens

Real Madrid 3-0 Braga

Salzburg 0- 1 Inter

The post Champions League/ Real argëtohet më Bragën, Bayerni mund Gallatasarain, Interi del me 3 pikë përballë Salsburgut appeared first on Albeu.com.

Real Madrid ka fituar mes golave ndaj Napolit me rezultatin 2-3. Pjesa e parë u mbyll me rezultatin 1-2. Të parët që kaluan në avantazh ishin italianët me Ostigard, ndërsa për spanjollët shënuan Vini Jr dhe Bellingham.

Në pjesën e dytë, Napoli barazoi me Zielinski, por Real Madrid gjeti golin e tretë me një super gol të Valverde.

Reali ka pikët e plota dhe kryeson grupin C, 3 më shumë se Napoli ndjekës dhe 3 më shumë se Braga e vendit të 3-të. Union Berlin duhet të përpiqet akoma në ndeshjet e radhës,  për të marrë pikët e parë.

Shikoni golat e ndeshjes Napoli-Real Madrid

Në grupin D, Inter arkëton 3 pikët e para. Sukses i vuajtur i zikaltër në Itali me shifrat 1-0 ndaj Benficës. Takimi u vendos nga një gol i Thuram, në fillimin e pjesës së dytë. kështu, ekipi i Inzaghit renditet në vendin e dytë me po aq pikë sa kryesuesit e Sociedad. 3 pikë i takojnë Salzburg-ut të vendit të 3-të, Benfica mbetet pa pikë deri më tani.

Shikoni golat e ndeshjes Inter-Benfica

Në grupin A, pritej të ishte një ndeshje e lehtë në letër për Bayern Munchen në Copenhagen (1-2), por nuk rezultoi ashtu. Vendasit ndëshkuan Ulreich në minutën e 56-të, ndërsa Musiala pas 10 minutash, riktheu ekuilibrat.

Djemtë e Tuchel rritën presionin për golin e fitores, ndaj një rivali mirë të vendosur në prapavijë. Goli i përmbysjes për kampionët e Gjermanisë mban firmën e Tel.

Shikoni golat e ndeshjes Copenhagen-Bayern M

Në po këtë grup, dramë për Manchester United që përmbyset në shtëpi me shifrat 2-3 nga Gallatasaray. Danezi Hojlund “tundi rrjetën” 2 herë në favor të “Djajve të kuq”, gjithsesi, entuziazmi i turqve ishte i jashtëzakonshëm dhe skuadra e Buruk dhuroi spektakël.

Fillimisht Zaha dhe më pas Kerem Akturkoglu dërguan shifrat në 2-2. Mundësinë e madhe për gol e pati edhe Icardi, por humbi penalltinë. Sulmuesi argjentinas rregulloi gabimin me golin e përmbysjes, 2 minuta më pas.

Shikoni golat e ndeshjes Man Utd-Galatasaray

Sa i takon renditjes, bavarezët kanë 6 pikë, të ndjekur nga Gallatasaray me 4 pikë, Copenhagen 1 pikë, ndërsa ende pa provuar shijen e pikës është United në pozitën e fundit.

The post Champions League/ Real fitore me “zemër” në Napoli, Bayerni përmbys Copenhagen, Gallatasaraji “pushton” Old Traford (VIDEO) appeared first on Albeu.com.

Lojtarët akuzohen se kanë incizuar një video intime të një vajze të mitur, dhe e kanë shpërndarë atë në WhatsApp me persona të tjerë.

“Klubi ka mësuar se një lojtar i Castillas dhe tre lojtarë të Real Madrid C kanë dhënë një deklaratë për Gardën Civile (një nga dy forcat policore kombëtare) në lidhje me një ankesë për gjoja shpërndarjen e një videoje private në WhatsApp”.

“Kur klubi të ketë të gjitha detajet e nevojshme dhe faktet, do të marrë masat e parapara”, thuhet në komunikatën e publikuar nga klubi madrilen.

Sipas asaj që ka transmetuar mediumi spanjoll Cadena Ser, lojtarët e arrestuar tashmë janë liruar në procedurë të rregullt pasi kanë dhënë deklaratat e tyre në stacionin policor.

The post “Plas” te Real Madrid, 4 të arrestuar pas skandalit seksual appeared first on Albeu.com.

Kjo e fundit ka nisur seancën gjyqësore për të shkarkuar nga detyra e presidentit Rubialesin.

Kështu Federata ka kërcënuar Qeverinë duke i bërë kërkesën e veçantë UEFA-s për të përjashtuar nga të gjitha kompeticionet europiane, të gjitha klubet spanjolle që marrin pjesë, përfshirë Realin dhe Barcelonën.

Kjo gjë vjen si pasojë e ndërhyrjes së qeverisë në futboll, një gjë që është e ndaluar rreptësishtë nga UEFA dhe FIFA dhe për këtë arsye Federata kërkon ta përdorë këtë gjë në favorin e saj, duke kërcënuar vetë qeverinë që të tërhiqet, ose përndryshe asnjë skuadër nuk do e përfaqësojë Spanjën në kompeticionet europiane këtë sezon.

Këtu hyjnë Reali, Barcelona, Atletiko, Sevilja, Real Sociedad (Liga e Kampionëve), Vijareal, Real Betis (Liga e Europës) dhe Osasuna (Liga e Konferencës).

The post Tronditet bota e futbollit, kërkohet përjashtimi i Barcelonës dhe Realit nga Champions League appeared first on Albeu.com.

Diaz shprehet mjaft optimist për të ardhmen dhe duket i bindur se ka ardhur në klubin më të suksesshëm në botë.

Kujtojmë që lojtari luajti për një periudhë si i huazuar te Milan dhe tani është gati për të kontribuar për Los Blancos.

Prezantimi:

Cila është gjëja e parë që menduat kur u zgjuat këtë mëngjes?

“Shumë i lumtur që u ktheva këtu, në klubin më të mirë në botë. Unë jam shumë i lumtur. Mendova se kalova një ditë shumë të bukur. Shumë i lumtur që jam në klubin më të mirë në botë.

– Çfarë Brahimi do të shohim? Shumë ndryshe nga faza e parë?

“Këto tre vite te Milani më kanë shërbyer mirë. Jam pjekur shumë në fushë dhe jashtë. Do të shohim një Brahim që vjen me shumë dëshirë për të pasur sukses në Madrid. Prandaj kthehem, për të pasur sukses në ekipin më të mirë në botë.

– Largimi i Benzemas dhe Asensio shton presionin?

“Ata janë dy lojtarë të mëdhenj. Këtu ka presion për të dhënë maksimumin dhe më të mirën nga vetja. Jam i sigurt se do të jemi në nivel dhe do të përfaqësojmë Madridin si ekipin më të mirë në botë.”

Çfarë ju ka thënë trajneri?

“Nuk kam pasur mundësinë të flas me Ancelottin. Jam i lumtur që punoj me të dhe pres me padurim që ta kthej topin.

– Do të dëshironit ta kishit Mbappen si partner?

“Nuk mendoj se tani është koha. Sot është dita ime. E imagjinova pyetjen. Jam i lumtur që jam në Madrid dhe kushdo që është në dhomën e zhveshjes do të jem i lumtur.”

Në cilin pozicion ndiheni më rehat?

“Jam me fat që mund të luaj me të dyja këmbët. Mendoj se më jep një plus shtesë. Pozicioni më i mirë është vendi ku më vendos trajneri dhe do të vazhdoj ta them. Mund të luaj në të tre pozicionet sulmuese dhe në mesfushë.

-Ke menduar ndonjëherë se nuk do të ktheheshe?

“Jam këtu. Shume i lumtur. Kur isha te Milani u përpoqa të jepja maksimumin për Milanin. Tani kam mundësinë të jem këtu. Ishte zgjedhja ime e parë, ku gjithmonë kam dashur të luaj.”

– A shihni një titull?

“Konkurrenca është aty, por kjo është mirë. Jemi në klubin më të mirë në botë, me lojtarët më të mirë. Kthehem për të pasur sukses, por me punë dhe përulësi dhe për të mësuar nga dhomat e zhveshjes. Është koha për të punuar shumë dhe për t’i kushtuar vëmendje trajnerit.”

– Sa afër keni qenë për të qëndruar te Milani?

“I jam shumë mirënjohës Milanit sepse e kam rritur veten dhe këto tre vite më kanë ndihmuar shumë. Kjo është shfaqur në fund të sezonit.

– Si duket Madridi nga jashtë?

“Thjesht duhet të shohësh se çfarë arritën në 21-22. Është klubi më i madh në botë. Është e qartë se netët magjike në Bernabeu vazhdojnë. I etur që fusha të flasë, të jem me shokët e skuadrës dhe të filloj parasezonin.

A keni folur me shokët tuaj?

“Kam folur me dikë, më kanë uruar për kthimin, duan shumë të më shohin dhe unë dua t’i shoh.

-A do të jetë më e lehtë nga Madridi të shkosh në Kombëtare?

“Është krenari të shkosh në kombëtare, por nuk është momenti për të folur për këtë. Do të ketë një kohë tjetër. Të bësh mirë në klub do të sjellë mundësi.

-Konkurrenca e tij kryesore do të jetë Rodrygo.

“Nuk bëhet fjalë për të luftuar, por se ne jemi shokë skuadre dhe duam më të mirën për ekipin. Rodrygo është një lojtar i madh, ai ka talent të jashtëzakonshëm. Unë do të jap versionin më të mirë të vetes dhe do të kontribuoj me punë për të marrë tituj.”

-Sot është dita më e lumtur e jetës suaj?

“Po, pa dyshim. Të jesh në Real Madrid është ëndrra e çdo fëmije dhe të bësh edhe më shumë për herë të dytë.

The post Diaz rikthehet në Madrid: Jam në klubin më të mirë në botë appeared first on Albeu.com.

Nuk ka fitues në aktin e parë të ndeshjes gjysmëfinale të Champion League mes Real Madrit dhe Manchester City, gjithçka do të vendoset pas 8 ditësh në Angli.

Është mbyllur në barazim 1-1 ndeshja mes Realit dhe Cityt në “Bernabeu”. Ishin madrilenët që kaluan të parët në avantazh në minutë e 36-të të pjesës së parë me anë të Vinicius Junior, i cili realizoi një supergol pas një aksioni perfekt.

Shikoni golat

Pas pësimit të golit City e rriti ndjeshëm lojën, por a mundur të shënojë, dhe me rezultatin 1-0 u mbyll pjesa e parë.

Ndërkohë me fillimin e pjesës së dytë “qytetarët” e rritën presionin, çka solli dhe golin në minutë e 67-të.

Kevin De Bryne me një të djathtë potente nxorri totalisht jashtë loje portierin madrilen duke barazuar gjithçka në 1-1.

Gjithçka mbetet e hapur dhe për të mësuar se kush do të shkojë në fnalen e 10 qershorit, do të na duhet të presim ndeshjen e dytë në 17 maj.

The post Champions League, nuk ka fitues në “aktin e parë” mes Realit dhe Cityt, gjithçka vendoset në Angli appeared first on Albeu.com.

Trajneri i Real Madridit iu përgjigj jo pa ironi, por me maturi dhe normalitet: “Nuk i duhet një e kuqe. Me gjithë ato të verdha që ka marrë, mjafton”. Disa orë më vonë, Maria Moran ra pre e fyerjeve të rënda dhe sulmit frontal në Tëitter, gjë që ajo ndau me Policinë Kombëtare.

“Ata urojnë që të më përdhunojnë, se vajza ime qenka bastarde, ofendime të rënda ndaj një foshnjeje… Gjithçka raportohet në Policinë Kombëtare”, – njoftoi Maria në Twitter.

Maria Moran ka qenë gjithmonë një tifoze e hapur e skuadrës tjetër madrilene, Atletico Madridit, dhe ky është mëkati i saj “origjinal” që ka krijuar një protestë të ashpër dhe absurde në rrjetet sociale, e cila ka tejkaluar çdo limit.

Kështu, një valë urrejtjeje dhe padurimi është derdhur në rrjetet sociale, me tifozët e Real Madridit që kanë harruar atë që ndodhi vetëm pak muaj më parë, kur ishte vetë Moran ajo që ndërhyri në favor të tyre dhe në ndihmë të Vinicius.

The post “Do të të përdh*nojmë”, çmenden tifozët e Realit, kërcënojnë gazetaren pse bëri pyetje provokuese për Vinicius appeared first on Albeu.com.

Sulmuesi argjentinas shijoi një mbrëmje të paharrueshme, duke ndëshkuar plot katër herë kampionët në fuqi të Spanjës dhe Europës.

24-vjeçari u kthye në lojtarin e parë të shekullit 21 që i shënon katër gola Realit gjatë një ndeshjeje të La Liga-s.

Ndërkohë, sfida tjetër: Cadiz-Osasuna përfundoi me fitoren 0-1 të skuadrës udhëtuese falë golit të Ruben Garcia.

The post Ndeshja e “jetës”, lojtari i Gironës i shënon 4 gola Realit appeared first on Albeu.com.

Spanjollët kanë fituar me shifrat 2-0 edhe ndeshjen e kthimit përballë Chelsea në Angli, duke mbetur në garë për trofeun e tyre të 15-të.

Braziliani Rodrygo ndiçoi mbrëmjen e madrilenëve në Londër me dy gola të shënuar në pjesën e dytë për ta mbyllur llogarinë totale të kësaj përballjeje në 4-0.

Mbyllet kështu përfundimisht aventura dhe praktikisht edhe sezoni për blutë e Londrës jashtë çdo kompeticioni dhe tashmë shtrohet rruga për “Los Blancos” që do të mësojnë nesër emrin e kundërshtarit të ardhshëm nga çifti Bayern Munchen-Manchester City.

Në këtë mënyrë, kampionët me shumë mundësi mund të sfidojnë ekipin e Pep Guardiolas sërish për të dytin vit rresht në gjysmëfinale ndërsa rrugëtimi është identik edhe përsa i përket çerekfinales pasi edhe sezonin e kaluar skuadra e Ancelottit kaloi Chelsean.

The post Champions League, nuk ka surpriza, Real mund sërish Chelsean dhe kalon në gjysmëfinale appeared first on Albeu.com.