Sipas një vëzhgimi të bërë nga Monitor, situata është e ngjashme në shumë lagje të kryeqytetit, përfshirë Astirin, Freskun dhe zonën 5 Maji.

Tregtarët e marketeve, të kontaktuar, pohojnë se janë të paqartë për mënyrën se si duhet të veprojnë në lidhje me lëshimin e faturave.

Ndërsa furnizohen me sasi të konsiderueshme qumështi të freskët direkt nga fermerët e zonave rurale të Tiranës, ata nuk dinë se si ta formalizojnë këtë proces për faturim.

Fermerët nga ana e tyre pohuan se janë të pajisur me NIPT, por pavarësisht kësaj, prej tre ditësh qumështi i tyre po refuzohet nga njësitë e vogla të tregtimit.

Drejtoria e Përgjithshme e Tatimeve (DPT) sqaron për Monitor se referuar udhëzimit nr.16, datë 03.04.2020, “Për faturën dhe sistemin e monitorimit të qarkullimit”, i ndryshuar, të gjithë njësitë tregtare pa përjashtim që blejnë mallra nga prodhuesit bujqësorë e blegtoralë, duhet të shoqërohen me faturë të fiskalizuar, të llojit autofaturim.

Skema për faturimin e mallrave të blera direkt prej fermerëve, nga një market lagjeje, bar, restorant apo supermarkete të mëdhenj është e njëjtë, si në rastin e tregtimit të mallrave bujqësore apo blegtorale te përpunuesit apo grumbulluesit e mëdhenj.

“Pra në rast se një biznes qoftë ky market i lagjes, bar, restorant apo çdo lloj njësie tjetër për mallrat bujqësore apo blegtorale nuk furnizohet nga një grumbullues apo përpunues, por direkt nga fermeri, detyrimin për lëshimin e autofaturës e ka blerësi. Edhe në këtë rast autofatura e ngarkuar në sistem bëhet nga blerësi, me të dhënat e shitësit. Autofatura nevojitet të firmoset edhe prej shitësit që në këtë rast është fermer, me qëllim gjurmueshmërinë e mallit për sigurinë ushqimore”, sqaron DPT.

Pra, marketi i lagjes që në këtë rast mund të konsiderohet grumbulluesi i vogël i qumështit të freskët të fermerit, pavarësisht se ky i fundit është i pajisur me NIPT apo pa NIPT bujqësor, mund t’i lëshojë fermerit autofaturë për mallin e blerë.

Për rastet kur fermeri nuk është i pajisur me NIPT bujqësor, Tatimet sqarojnë se me qëllim gjurmueshmërinë e produktit të shitur, nevojitet të shënohet në autofaturë vetëm emri i individit që ka shitur produktin dhe autofatura të firmoset prej shitësit.

Fermeri pavarësisht nëse është i pajisur me NIPT apo jo, ka të drejtë të tregtojë produktet tij blegtorale në dyqanet e vogla ushqimore, ndërsa detyrimin për lëshimin e faturës fiskale e ka blerësi.

Skema është e njëjtë edhe nëse fermeri qumështin e çon në pikat e grumbullimit dhe përpunimit, detyrimin për lëshimin e faturës fiskale (autofaturës për shitjen) e ka blerësi.

Pra, përpunuesi apo grumbulluesi i licencuar ka detyrimin e lëshimit të autofaturës nëpërmjet ngarkimit në sistemin SelfCare.

Prej disa ditësh tatimorët kanë nisur aksionin për kontrollin e tregtimit të produkteve bujqësore.

Administrata Tatimore, thekson sërish se fokusi i aksionit është forcimi i kontrollit në terren mbi lëshimin e autofaturës për tregtimin e produkteve blegtorale, te tregjet e mëdha të tregtimit të mallrave bujqësore, thertoret, baxhot dhe më pas grumbulluesit dhe përpunuesit e mëdhenj.

Tatimet pohojnë se tregtarët e vegjël dhe ambulantët nuk janë në fokus të aksionit. Nëpërmjet këtij aksioni tatimet synojnë të rrisin të ardhurat, dhe të forcojnë sistemin për gjurmueshmërinë e mallit./ D.Azo / MONITOR

The post Ultimatumi i Ramës/ Marketet e vogla mbeten pa furnizime qumështi appeared first on Albeu.com.

Sasinë më të madhe nga kjo shifër e zë qumështi i lopës që është rreth 80 mijë tonë, duke pësuar rënie me rreth 7,6%, krahasuar me 2022.

Ndërsa sasia e grumbulluar e qumështit të deles, në vitin 2023, është rreth 13 mijë tonë, duke shënuar rënie me rreth 10,6 %, krahasuar me një vit më parë. Kurse sasia e grumbulluar e qumështit nga dhitë është rreth 8 mijë tonë, duke shënuar rënie me 8,2 %, krahasuar me vitin paraardhës.

Sasia e prodhuar e djathit gjithsej pësoi rënie me 7,7%. Ndërkohë djathi i prodhuar nga qumështi i dhisë shënoi rritje me 0,6%, djathi i prodhuar nga qumështi i deles shënoi rënie me 12,9% ndërsa djathi i prodhuar nga qumështi i lopës pësoi rënie me 7,3%.

Ndërsa sasia e prodhuar e gjalpit gjithsej për vitin 2023 është rreth 608 tonë, gati 175 tonë më pas se në vitin 2022.

The post Bie numri i bagëtive, ulet me 8% prodhimi i qumështit! Në 2023 u grumbullua 101 mijë tonë më pak se në 2022 appeared first on Albeu.com.

Ka disa mënyra për të hequr qafe erën e fortë të hudhrës, kështu që ju mund të zgjidhni zgjidhjen që është më e lehtë për ju në çdo rast.

Shikoni më poshtë pesë mënyra të thjeshta dhe të provuara:

1. Shpëlajeni gojën me ujë dhe sodë buke dhe aroma do të zhduket menjëherë.
2. Pini një gotë qumësht që neutralizon erën.
3. Në një filxhan vodka hidhni 2 lugë kanellë. Me një lugë nga kjo përzierje lani gojën.
4. Përtypni një gjethe majdanozi të freskët i cili është gjithashtu i pasur me kalcium.
5. Hani një copë çokollatë të zezë e cila gjithashtu ka rezultate shumë të mira.

The post Nga qumështi tek çokollata, ja pesë ushqimet që heqin erën e hudhrës nga goja appeared first on Albeu.com.

-ngërçet e barkut

-diarreja

-skuqje të lëkurës

-kollitje me ndërprerje

Simptomat që shfaqen shpejt (brenda disa sekondash në orë) mund të përfshijnë në përgjithësi të vjellat.

Edhe pse e rrallë, është e mundur që një fëmijë me alergji ndaj qumështit të ketë një reagim serioz të njohur si “shoku anafilaktik”. Shoku anafilaktik mund të shkaktojë ënjtje të fytit dhe gojës, rënie të presionit të gjakut dhe vështirësi në frymëmarrje. Mund të çojë gjithashtu në arrest kardiak.

The post Alergjitë e qumështit dhe simptomat që shfaqen tek fëmijët appeared first on Albeu.com.

Në një dokument dërguar Ministrisë së Bujqësisë dhe Zhvillimit Rural, KASH sugjeron subvencione për njësi prodhimi sipas cilësisë, fillimisht për ullirin dhe vajin e ullirit, si dhe në blegtori, për qumështin dhe mishin.

KASH e vlerëson financimin për njësi prodhimi, si një mekanizëm më efikas të subvencionimit të bujqësisë, blegtorisë dhe agropërpunimit.

Në vitet e fundit, prodhimi në sektorët e bujqësisë dhe blegtorisë është shfaqur në stanjacion.

Ekspertët vlerësojnë se kjo ka ardhur si rezultat i shpopullimit të zonave rurale, rritjes së kostove për fermerët, por edhe i politikave të gabuara shtetërore, si ndërprerja e rimbursimit të TVSH-së për prodhimin që tregtarët dhe agropëprunuesit mbledhin nga fermerët vendas.

KASH vëren se ky është një problem madhor që ka dëmtuar konkurrueshmërinë e prodhimit vendas dhe ka ndikuar negativisht ecurinë e prodhimit bujqësor dhe blegtoral.

Ndërsa bujqësia ka hyrë prej vitesh në një cikël të rënies së kontributit të vet në ekonominë e vendit, KASH këmbëngul që shpëtimi i këtij sektori kërkon angazhimin e burimeve më të mëdha financiare nga qeveria shqiptare.

Sipas përllogaritjeve KASH, buxheti i MBZHR për vitin 2024 duhet të rritet me 90 milionë euro, për t’iu përgjigjur nevojave minimale të mbështetjes së bujqësisë në vend.

Gjithashtu, KASH nënvizon nevojën urgjente për të riaktivizuar programin IPARD si burimi kryesor i financimit të bujqësisë, nëpërmjet një analize kritike të problemeve që çuan në pezullimin e disbursimit të fondeve të Bashkimit Europian.

KASH gjithashtu kërkon një sërë ndryshimesh ligjore që do të ndihmonin zhvillimin bujqësor, si amendimin e ligjit “Për shoqëritë e Bashkepunimit Bujqësore”, apo amendimin e ligjit “Për Ullirin dhe cilësinë e vajit të ullirit” dhe nxjerrjen e disa akteve nënligjore për konsolidimin e cilësisë së produktit.

Gjithashtu, KASH kërkon fillimin e punës për hartimin dhe zbatimin e një strategjie rajonale dhe kombëtare të përpunimit të mbetjeve organike në zonat rurale.

KASH gjithashtu ka nënvizuar se shpopullimi i zonave rurale dhe rritja e kostove të prodhimit kërkon një rritje të investimeve për rritjen e nivelit të mekanizmit dhe inovacionit në bujqësi.

Përdorimi dhe mosha mesatare e pjesës më të madhe të traktorëve e kombajnave i kalon 25 vite pune dhe sipas përllogaritjeve të amortizimit, këto mjete duhet të kishin dalë jashtë përdorimit.

Nga ana tjetër, edhe parcelizimi tejskajshëm i tokës rrit ndjeshëm kostot e punimeve të mekanizuara.

Një problematikë e ngjashme ekziston edhe për linjat ekzistuese të përpunimit të lëndëve të para blegtorale.

KASH vëren se mundësitë e fermerëve për blerjen e mjeteve të reja bujqësore janë të limituara.

Shumë mjete që janë në gjendje pune nuk kanë targa dhe janë me borxhe të pashlyera, ndërkohë, qendrat e agroservisit për riparimin e mjeteve bujqësore nga 54 që kanë qenë janë reduktuar tashmë në 13.

The post KASH: Duhet subvencionim për njësi prodhimi, të fillojë me ullirin, vajin, qumështin dhe mishin appeared first on Albeu.com.

1. Pastron lëkurën

Përzierja e qumështit me mjaltin ka veti pastruese dhe antimikrobike. Përzieni 3 lugë qumësht me një lugë mjaltë dhe me anë të një pambuku pastroni fytyrën.

2. Lehtëson tretjen

Qumështi ka veti prebiotike që stimulojnë rritjen dhe zhvillimin e baktereve. Këto shërbejnë si ndihmë për zorrët dhe sistemin e tretjes.

3. Ndikon në qëndrueshmëri

Qumështi me mjaltë nëse pihet çdo mëngjes, ju rrit rezistencën e trupit.

4. Forcon kockat

Mjalti ka një aftësi të jashtëzakonshme për të vepruar si transportues i lëndëve ushqyese.

5. Lufton pagjumësinë

Konsumimi i një gote qumësht me mjaltë para se të shtriheni për të fjetur është mënyra më e mirë për të luftuar pagjumësinë.

6. Ngadalëson plakjen

Kombinimi i qumështit me mjaltin ka shumë përfitime duke e bërë trupin tuaj më të shkathët dhe më rinor, shkruan shije.al.

7. Ka veti antibakteriale

Konsumi i tyre mundëson asgjësimin e disa baktereve

The post Kur të mësoni të mirat shëndetësore të qumështit me mjaltin, nuk do hiqni dorë prej tyre appeared first on Albeu.com.

Qumështi përmban triptofan dhe melatonin, të cilat mund t’ju ndihmojnë të bini gjumë më lehtë dhe më shpejt. Tryptofani luan një rol të rëndësishëm në prodhimin e serotoninës, e cila nga ana tjetër rrit disponimin tuaj, mund t’ju ndihmojë të relaksoheni, dhe vepron si një pararendës për melatoninën. Melatonina ndihmon në rregullimin e ritmit cirkadian dhe ju përgatit për gjumë.

Nëse keni ngrënë darkë shumë herët, natën mund të keni probleme me gjumin, sepse do t’ju marrë uria. Në mënyrë që të mos ngriheni natën për të ngrënë, pini një gotë qumësht para se të flini.

Jo vetëm që flini rehat, por pirja e një gote qumështi para gjumit ju ndihmon të humbisni peshë, si dhe rrit masën e muskujve të dobët.

Një paralajmërim: Nëse jeni intolerantë ndaj laktozës mos e pini! Dhe nëse nuk e dini se jeni intolerantë, pasi e pini do të keni fryrje stomaku dhe gazra.

The post Pini një gotë qumësht para se të flini, nuk do ta besoni si ndikon në shëndetin tuaj appeared first on Albeu.com.

Megjithatë, nëse vëreni se yndyra është rritur papritur, mund të pyesni veten se çfarë po ndodh dhe cili mund të jetë shkaku i këtij ndryshimi.

A është dieta juaj fajtore për yndyrën?

Ushqimet që vendosni në pjatën tuaj mund të ndikojnë në yndyrën që shfaqet në lëkurën e kokës. Për shembull, ngrënia e ushqimeve të skuqura, produkteve të qumështit dhe sheqerit mund të rrisë shanset për flokë me vaj

Ushqimet e skuqura: Ushqimet e skuqura janë të mbushura me sasi të tepërt vaji, të cilat mund të depërtojnë në lëkurën e kokës ndërsa ne flemë.

Qumështi: Kur tretni produktet e qumështit me yndyrë të plotë si kremi, qumështi i plotë dhe gjalpi, ato shpërbëhen në yndyrë dhe vaj. Dhe siç thamë, ushqimet e yndyrshme mund të përthithen nga flokët tanë.

Sheqeri: Ushqimet me përmbajtje të lartë sheqeri dihet se rrisin yndyrën. Sheqeri shkakton inflamacion, i cili ndikon në gjëndrat e flokëve dhe nuk e ndihmon trupin tuaj të balancojë vajrat.

Për flokë të shëndetshëm dhe skalp me shkëlqim, reduktoni ushqimet e skuqura, të yndyrshme dhe me sheqer dhe mbushni pjatën tuaj me proteina pa yndyrë, yndyrna të shëndetshme dhe perime.

Hormonet tuaja ndryshojnë në mënyrë dramatike

Kur nivelet tuaja të hormoneve janë jashtë ekuilibrit, flokët tuaj mund të jenë më të yndyrshëm. Kjo është për shkak se hormonet tona rregullojnë prodhimin e sebumit ose vajit të trupit tonë. Cikli juaj mujor i ciklit menstrual, për shembull, mund të rrisë yndyrën në lëkurën e kokës.

Ndërsa nuk mund të kontrolloni nivelet e hormoneve, mund të provoni strategji për reduktimin e stresit për të menaxhuar më mirë këto ndryshime hormonale dhe për të minimizuar ndikimin e tyre.

Ushtrimet e rregullta, meditimi dhe frymëmarrja e thellë janë të gjitha mënyra efektive për të përballuar stresin e përditshëm, ndërkohë që mund të mbani nën kontroll yndyrën.

Shkaqet gjenetike

A keni lindur me flokë të drejtë? Flokët e drejtë janë më të prirur ndaj grumbullimit të vajit. Për shkak se këtij lloji të flokëve i mungon tekstura e ndryshme (si valëzimet ose kaçurrelat ku mund të shpërndahet sebumi), vaji i kokës ka tendencë të ngjitet në rrënjët tuaja dhe të grumbullohet në majë të kokës. Po kështu, disa njerëz janë thjesht të prirur për lëkurë më të yndyrshme në përgjithësi.

Zgjidhje të shpejta: 

• Lani dhe ndërroni rregullisht këllëfin e jastëkut.
• Pastroni shpesh furçën e flokëve.
• Shmangni larjen e tepërt dhe përdorimin e tepërt të kondicionerit.
• Zgjidhni produkte flokësh pa vaj.
• Konsumoni një dietë të pasur me lëndë ushqyese dhe kufizoni ushqimet e skuqura, të yndyrshme dhe me sheqer./albeu.com

The post Flokë të yndryshëm: 3 shkaqe të panjohura dhe si t’i trajtoni ato appeared first on Albeu.com.

Reklamimi i drejtpërdrejtë i qumështit formulë për prindërit e foshnjave nën gjashtë muaj është i ndaluar në MB, por kjo nuk i pengon kompanitë të bëjnë pretendime marketingu për paketimin, shkruan publicnewstime.com.

Shkencëtari i OBSH-së, Dr Nigel Rollins tha në konferencën vjetore të Unicef ​​UK Baby Friendly se paketimi për qumësht me formulë më të shtrenjtë zakonisht përmban fraza të tilla si ‘premium’ dhe ‘formuluar posaçërisht’, duke dhënë përshtypjen se ata ishin të një cilësie më të lartë se të tjerët, që do të thoshte se markat mund të ngarkojnë çmime më të larta.

Pretendimet ‘shfrytëzuese’ përfshinin fjalë si ‘ndjeshme’ ose ‘ngushëlluese’, për të sugjeruar se produkti do të qetësonte foshnjat që qanin. Në fakt, me ligj, të gjitha formulat për fëmijë duhet të përfshijnë një përzierje të caktuar të lëndëve ushqyese.

Elizabeth Duff, nga shoqata bamirëse e prindërve NCT, tha: Prindërit nuk duhet të ndihen fajtorë për moszgjedhjen e markës më të shtrenjtë në raftet e supermarketeve. Ky është një marketing i papërgjegjshëm që prenë prindërit me qëllime të mira që duan më të mirën për fëmijën e tyre.

“Paketimi më i thjeshtë për të gjitha formulat mund të përforcojë mesazhin se markat e ndryshme janë në thelb të njëjta.”

Do të varet nga qeveritë individuale që të zbatojnë çdo legjislacion të thjeshtë për paketimin. Një sistem i ngjashëm i paketimit të thjeshtë u prezantua për cigaret në MB në 2017.

The post OBSH paralajmëron prindërit: Si duhet të jetë paketimi i qumështit për fëmijët appeared first on Albeu.com.

Eurostat ka publikuar të dhënat vjetore mbi prodhimin e qumështit dhe nënprodukteve të tij në vendet e Europës, pjesë e së cilës është edhe Shqipëria. Vendi ynë arrin të mbledhë mesatarisht 100-120 mijë ton qumësht në vit.
Në raport me popullsinë, Shqipëria me kapacitetet aktuale arrin të prodhojë mesatarisht 41 kg në vit për qytetar qumësht të papërpunuar. Krahasuar me 36 vendet e marra në shqyrtim, sasia që vendi arrin të mbulojë është ndër më të ulëtat.

Shtete si Irlanda, Danimarka, Holanda, Estonia renditen të parat në listë sa i përket qumështit të prodhuar për qytetar në vit, me shifra që arrijnë deri në gati 1900 kg për frymë në vit. (Shiko grafikun: prodhimi i qumështit të papërpunuar në vit)

Shqipërisë i ulet me 30% numri i gjedhëve në krahasim me 2001-n

Shqipëria ka prodhuar 114 mijë ton qumësht të papërpunuar gjatë 2021. Në raport me popullsinë prej 2.79 milionë banorë, prodhohet në 3.4 kg qumësht i papërpunuar në muaj.

Industria e përpunimit të qumështit në vend po kalon një situatë të vështirë për shkak të rritjes së kostove. Prodhuesit ankohen se ju është shtrenjtuar lënda e parë, energjia elektrike kushton më shtrenjtë, çmimi i gazit, çmimi naftës dhe materialeve paketuese është rritur çka po vështirëson çdo ditë e më shumë sektorin e përpunimit.

Faktori tjetër i rëndësishëm është rënia e blegtorisë, e ndikuar dhe nga emigracioni, që ka ulur disponueshmërinë e lëndës së parë. Sipas të dhënave të INSTAT, numri i gjedhëve ka rënë me 30% nga viti 2001, duke zbritur në rreth 200 mijë në 2021-n “Problematika më e madhe është mungesa me rreth 15% e qumështit lëndë e parë në vend.

Vështirësia për të gjetur sasinë e duhur të qumështit nga fermat rrjedhimisht ka prishur ekuilibrat e çmimit. Sot çmimi me të cilin po blihet qumështi në derën e fermës e kalon çdo shtet të Europës.

Të mos harrojmë që lënda e parë qumësht është rreth 65% e kostos totale të produktit final dhe një ndryshim në këtë kosto ka ndikim shumë të madh në koston totale”, pohoi . Taulant Pupa administratori i kompanisë “Vita 2001”.

Rënia e prodhimit dhe shtrenjtimi i çmimeve nga ata që janë prodhuesit e parë të këtij produkti ka bërë që fabrikat të hasin vështirësi në gjetjen e qumështit të freskët. çka mund të përkthehet në mungesa në nënproduketet e tjera.

Këta dy faktorë kanë nxitur rritjen e ndjeshme të çmimeve të qumështit dhe nënprodukteve të tij. Sipas INSTAT, Indeksi i Çmimeve të Konsumit për nëngrupin qumësht, djathë dhe vezë shënoi një rritje rekord prej 24.3% në tetor, në krahasim me të njëjtën periudhë të një viti më parë, duke qenë grupi i dytë me rritjen më të lartë, pas vajit dhe yndyrave.

Bashkimi Europian, stabilitet në prodhimin e qumështit

Situata në vendet e Europës duket më e qëndrueshme. Fermat e BE-së prodhuan rreth 161 milion ton qumësht të papërpunuar përgjatë vitit 2021 ose 0.7 milion ton më tepër se një vit më parë.

Ky stabilitet në prodhim mbështet nga prodhimi i lartë për frymë nga fermat në Irlandë me 1,888 kg/frymë, Danimarkë me 962 kg/frymë, Holandë më 879 kg/frymë në vit.

Rendimenti mesatar i qumështit për lopë në BE arriti në 7,682 kg në 2021 ndërkohë që çmimi i prodhimit të qumështit në BE u rrit ndjeshëm rreth +7,4% krahasuar me vitin 2020. Ndër nënproduktet e tjera u prodhuan 2.3 milion ton gjalpë nga 44,4 milion ton qumësht i plotë; 10.4 milion ton djathë nga 61.4 milion ton qumësht i plotë dhe 16.4 milion ton qumësht i skremuar.

Sipas Eurostat, Gjermania prodhon sasinë më të lartë të qumështit, gjalpit, kosit dhe djathit krahasimisht me çdo shtet tjetër anëtar. Kjo e fundit së bashku me Spanjën, Francën, Italinë dhe Poloninë përbëjnë rreth dy të tretat e qumështit të prodhuar në BE në vitin 2021.

Ndërkohë që Holanda ishte prodhuesi i dytë më i madh i produkteve të kosit dhe i katërti më i madhi i djathit, ndërsa Irlanda ishte prodhuesi i tretë më i madh i gjalpit dhe e pesta më e madhe e kosit. MONITOR

The post Shqipëria, vendi më bujqësor i Europës, ka prodhimin më të ulët të qumështit për frymë appeared first on Albeu.com.