Ishin 97 banesa të reja që ju dorëzuan qytetarëve të prekur atje.

Gjatë fjalës së tij, kreu i qeverisë e cilësoi si një premtim të mbajtur, teksa theksoi se qëllimi ishte ringritja nga ajo fatkeqësi.

“Këtu jo vetëm që janë bërë gati 97 apartamente, por janë bërë gati 97 banesa më të mira, më të bukura dhe kur erdha po shikoja pallatin përballë dhe po imagjinoja sesi tani komshinjtë do rrinë duke i parë  sikur ata të shkret kanë faj që nuk u ka rënë tërmeti aty. Por ky ka qenë edhe qëllimi që ne të ringrihemi dhe të bëhemi më të fortë. Me kujtim me humbjet tragjike të jetëve sot ne po i kthejmë pjesë-pjesë të gjitha familjet në shtëpi, pas një periudhe të vështirë. Jam shumë i lumtur që shikoj këtu, gjyshe, fëmijë të vegjël që do ti thonë gëzuar njëri-tjetrit në një shtëpi të re dhe mase do mendojnë kush e di kjo politikë dhe këta politikanë nuk janë të gjithë njësoj. Ne nuk jemi më të mirët e mundshëm por më të mirë se ne nuk do shihni.

Një gjë për ata që presin të kthehen në shtëpi, por do të kthehen në lagje të tëra të ndërtuara, por kjo do akoma kohë. Gjithçka kam thënë do të jetë deri në fund ashtu siç e kam thënë. Zotimet nuk arrihen të mbahen aq shpejt, por kurrë mos mendojë askush se unë i them fjalët për të kaluar radhën. Nëse disa gjëra nuk bëhen në kohën e premtuar kjo vjen për arsye objektive.

Në Itali ka akoma njerëz në kabina prej 12 vjetësh. Për mua ka qenë prioritet i prioriteteve. Me këtë rast sot janë 97 familje më pak në mendimet e mia nesër”, deklaroi Rama./albeu.com/

The post Dorëzoi banesat e reja për të prekurit nga tërmeti në Lezhë, Rama vlerëson punën e qeverisë së tij appeared first on Albeu.com.

Ajo ka nxjerrë në pah tipare të ndryshme të veshjeve, që pas shpjegimit që i bën, nxjerr në pah një arsyetim interesant mbi zgjedhjet e bëra.

Argumentat e Sallakut:

Ka disa nga daljet publike të fundit të Elisa Spiropalit, që dua të them diçka për veshjen e saj. Kostumi me vija, për të cilin kemi duartrokitur në javët e modës, i shkon më shumë se çdo gjë tjetër. Edhe kostumi që ka veshur më poshtë, me jakën “wide peak” dyshe, i jep një pamje më elegante siluetës se sa prerjet e tjera. Kombinohet mirë me një palë pantallona me shtrat të lartë, të cilat lënë pak vend për të ekspozuar këmishën ose bluzën poshtë.

Nuk mund të them të njëjtën gjë për prerjen e kostumit të Edonës, deputetes nga Shkodra. Xhaketa është një masë (ose dy) më e vogël se sa masa e saj trupore. Çdo xhaketë që nuk kopsitet, ose kopsitet me vështirësi nuk të përfaqëson siç duhet. Për të mos folur për këmishën “pussy-bow” (me jakë të lidhur fjongo), e cila rekomandohet vetëm për dikë që është më e imët në pjesën e bustit. Ndryshe ka tendencën të duket më e varur se sa duhet.

Dua të duartrokas virtualisht kostumin e vetëm me ngjyrë në foto, atë të kuqin e ministres së Bujqësisë, Frida Krifca. Jo më kot e kuqja quhet dhe ngjyra e guximshme (bold), por si e tillë ka tendëncën të tregojë çdo detaj në qepje, prerje apo dizajn. Në këtë rast janë në harmoni. Më pëlqen kombinimi i bluzës me këpucët, të cilat për fat të mirë nuk janë të zeza.

“Easy” do e quaja kostumin e ministres Manastirliu. Easy sepse nuk duket shumë formal, easy për shkak të gjatësisë së pantallonave, easy për xhaketën me rrip. Easy llojin e tokëzës së rripit, easy për modelin e flokëve dhe easy për bardhezinë e veshjes.

Rruazat e ministres së Jashtme, Olta Xhaçka për shembull janë e kundërta e “easy-t”. Më kujtojnë atë modën e dy dekadave më parë që uroj të mos kthehet më. I tregon edhe modelet 18-vjeçare, 10 vite më të mëdha.

Kostumi i zonjës Balluku më kujton (nga xhepat) një dizajn të Ralph Lauren, diku nga vitet 2000, që nuk u kthye më në modë (dhe mirë bëri). Xhepat oversize vënë në pah pikërisht pjesën e barkut dhe kofshëve, duke prishur balancën e krejt look-ut. Ngjan edhe me xhaketat tradicionale ushtarake.

Kopsat në pjesën e majtë të xhaketës, janë një nga detajet që e bëjnë edhe xhaketën më standarde, të duket ndryshe. Më me stil, më në modë. Parizienët i shtojnë edhe një shall mëndafshi, për detaj, ministrja e Arsimit Evis Kushi, ka preferuar ta mbajë thjesht, pa spila dhe pa shall.

Ndërsa Delina Ibrahimaj, ministrja e Financave, më kujton Margaret Thatcher, e cila në shumicën e rasteve ka pasur një kostum të tillë blu.

Ministrja Mirela Kumbaro i qëndron besnike stilit të saj, minimalist e pa zhurmë. Nuk e kritikon dot stilin klasik për korrektësi në veshje./albeu.com

The post Nga stili “easy” i Manastirliut te kostumi “ushtarak” i Ballukut! Kush gaboi me veshjen sipas Stela Sallakut (FOTO LAJM) appeared first on Albeu.com.

Rimëkëmbje e ekonomisë nga tërmeti dhe pandemia dhe mirëqenia për të gjithë, për një ekonomi të zhvilluar që krijon shanse për të gjithë, janë dy nga pikat kryesore të këtij programi qeverisës.

Gjithashtu pika të tjera bazë të qeverisë janë edhe zhvillimi infrastrukturor, investimet në teknologji dhe arsimi./albeu.com

The post 5 shtyllat e programit të qeverisë “Rama III”, ku do fokusohen socialistët (FOTO LAJM) appeared first on Albeu.com.

Përmes një postimi në facebook, Çuçi ka reaguar për herë të parë në lidhje me këto zhvillime.

Fillimisht ai ka falenderuar kryeministrin Rama për vlerësimin. Më pas ai ka folur për sfidat që e presin që nga rendi e siguria te prona e qytetarëve.

Postimi i plotë i Bledi Çuçit:

Rikonfirmimi në postin e Ministrit të Brendshëm dhe drejtimi politik i qarkut Berat janë një tjetër vlerësim nga Kryeministri dhe Partia Socialiste, po aq sa edhe një përgjegjësi e lartë në të njëjtën kohë. Në krye të këtij institucioni kaq shumë të rëndësishëm do të vazhdoj të punoj për të çuar përpara sfidat që lidhen me garantimin e rendit, sigurisë publike, jetës e pronës së qytetarëve, si dhe me përballjen me paligjshmërinë.

Kontrolli i territorit, lufta ndaj kriminalitetit dhe ngritja e punës së Policisë së Shtetit në një tjetër nivel, mbeten prioriteti ynë i përbashkët përgjatë mandatit të tretë. Mandat që është një kontratë e re besimi për të vijuar me punët e nisura, për të bërë shkëputjen e madhe të vendit dhe për ta ndërtuar këtu të ardhmen tonë. Një falenderim të veçantë sidomos për të gjithë bashkëpunëtorët, miqtë dhe qytetarët në qarkun Gjirokastër, për mbështetjen që më kanë dhënë mua e Partisë Socialiste në këto vite.

Faleminderit Mezi pres të punoj edhe me socialistët dhe qytetarët e Beratit, Skraparit, Poliçanit, Kuçovës e Dimalit, për të bërë po aq punë të mira si në qarkun Gjirokastër, për të shtyrë më tej investimet dhe projektet që zhvillojnë turizmin, bujqësinë dhe sektorë të tjerë të ekonomisë së këtij qarku./albeu.com

The post U rikonfirmua, vjen reagimi i parë i Bledi Çuçit: Rama më vlerësoi, me mua paligjshmëria do goditet rëndë appeared first on Albeu.com.

Për Roland Bejkon, Kryeministri Edi Rama e ka të vështirë të menaxhojë kur ka përballë burra, për arsye se do të jetë përherë protagonist, prandaj dhe zgjedh shumë gra për kabinetin e tij.

“Në fakt prisja më shumë, sepse opinioni ishte mbarsur në formë të tillë që Rama do të ndryshonte vetveten. Por nuk ndodhi. E para është ccështja e të gjeturit mirë të vetes së Ramës mes shumë grave. Kam përshtypjen që ky është një kompleks i njohur për Ramën që ka të bëjë me sadizmin. Rama e ka shumë të vështirë të ulet të krijojë ekipe, dhe të menaxhojë kur ka përballë burra dhe mbi të gjitha intelektualë. Ai kërkon të jetë dominues kudo. Më mirë sesa me gra ai nuk mund ta bënte. Këto që ka ministre, Rama i ka bërë dhe për të qarë. Ndjesë për zonjat, sepse nuk po them që Rama e gjen veten mirë në një harem, sepse kjo do të ishte gjykim. Flas për aspektin psikologjik me të cilin ai vepron. Kjo qeveri nuk bën shkëputje nga e mëparshmja. Ai pranoi sot se kanë qeverisur keq. Akuzoi drejtorët të cilët kanë punësuar të afërmit e tyre dhe tha se nuk do të ketë vend nepotizmi. Ai na tregoi se është shumë i lidhur me ata që drejtojnë ministritë ku ka shumë para, ku ka tendera. Ai e trajton PS-në si pronë, nuk repsekton meritokracinë, apo ata që kanë dhënë kontribute. Kudo që i ka vendosur, SPAK mund të ndërhyje dhe 7 prej tyre t’i ‘presë kokën’ nesër. Janë ministrat që i shkarkoi publikisht Rama. Sicc është rasti i Ministres së Arsimit që u shkarkua dhe e kthen e bën Kryetare të Kuvendit. Këta ministra ose e kanë kapur Ramën dhe si heq dot se i bëjnë presion, ose i ka kapur Rama ata”, tha Bejko.

Sipas Roland Bejkos, Kryeminsitri Rama i ka bërë një nder opozitës me emrat e qeverisë aktuale, pasi sipas tij me këto ministra ata do ta kenë më të thjeshtë për ta rrëzuar Ramën.

“Ne mirë na bëri me këtë kabinet që bëri, sepse me një organizim pak më të mirë të opozitës, Rama na bëri një nder, sepse do të rrëzohet shpejt. Kam përshtypjen se mandatin e tij nuk do ta ccojë deri në fund. Besojmë shumë te sistemi i drejtësisë. Do të ishte mirë për Ramën në radhë të parë, dhe për shqiptarët që të kishte persona me integritet në qeveri. Por Rama tregoi se ai dominon dhe PS-së i ka mbetur vetëm sigla. Nuk jam optimist për asgjë për ato që premtoi Rama. Ai është personi që na konfirmoi sot mburrjen me ‘makinerinë elektorale’. Rama konfirmoi se egziston kjo makineri, e cila do të jetë e harmonizuar me pushtetin. Damian Gjiknuri është personi i kapur në flagrancë në përgjimet e dosjes 399 dhe 184. Ky është personi që do merret vazhdimisht me vajisjen e vazhdueshme të kësaj makinerie. Balla falenderoi punën e jashtëzakonshme që kanë bërë patronazhistët. Këta janë krenarë për këtë makineri. Ai kujdeset realisht për mandatin e katërt. Nuk i hyn në punë nëse larohen shqiptarët apo ngelen pa punë. Ai kujdeset vetëm për fasadën”, tha ai./albeu.com

The post Qeveria e re, Roland Bejko: Rama e ka të vështirë kur ka burra përballë, prandaj zgjodhi më shumë gra appeared first on Albeu.com.

Vasili e krahason qeverinë e Ramës më atë të talebanëve. Sipas tij Rama ka përqëndruar të gjithë pushtetin në dorën e tij dhe të tjerët janë thjesht kukulla.

Postimi i plotë:

Qeveria talibane e Mullah Omar Rames!!

Qeveria talibane, e sapo pjelle e Mullah Omar Rames ka vetem nje fraze ne program:

“Ne do te vazhdojme zhvatjen, ndersa ju zhdukuni nga Shqiperia”.

Qeveria e Mullah Omar Rames do te vazhdoje te rrembeje koncesione, do te vazhdoje te rrembeje qindra tendera sekrete, do te vazhdoje te beje rruge ku kilometri eshte i me i shtrenjte se floriri, do te vazhdojne qytetaret te jene ne meshire te fatit ne kulmin e Pandemise, do te vazhdoje te mos kete aspak drejtesi per qytetaret se drejtesia eshte e kapur, do te vazhdoje te rrembehet dhunshem prona publike dhe private, do te vazhdoje qe droga, paraja e piset dhe kriminelet te telekomandojne qeverisjen e Mullah Rames.

Mullah Omar Rama ka vetem nje devize:

“Pas meje ne jete jete, gur mbi gure mos mbete”.

Mullah Omari i vertete e mori ndeshkimin e merituar dhe u asgjesua pa asnje meshire nga forcat e se mires.

Sikurse ai edhe ky qe eshte ketu nder ne nuk do ti shpetoje ndeshkimit.

Mullah Omaret kudo qe shfaqen kane fund te paracaktuar dhe pa kthim, i mjere kushdo qe ka iluzione per te kunderten./albeu.com

The post Qeveria e re, Vasili: Qeveri talibanësh me Mullah Omar Ramën në krye (FOTO LAJM) appeared first on Albeu.com.

Ai ka dhënë një vlerësim pozitiv për emrat e rinj duke u shprehur se PS do të jetë një makineri elektorale, dhe me ktë opozitë që ka përballë do marrë edhe mandatin e katërt.

Ai thotë se nga “tërmet” PS-ja do jetë “vullkan” elektoral.

Shkrimi i plotë i Lesit:

Edi Rama i besoi detyrën e numrit dy në PS, Damian Gjiknurit.

Ish-ministër dhe drejtues fushate elektorale në disa qarqe problematike, Gjiknuri ka ditur të përbashkojë gjithë të majtët.

Ai, pas Edi Ramës, mbetet motori kryesor i betejave elektorale.

Njeri besnik i kryeministrit dhe dashamirës edhe me opozitën, me lidhje të forta përtej Oqeanit, Damian Gjiknuri është zgjidhja më e mirë e Edi Ramës.

Gjiknuri tha se pozicioni i sapoemëruar është një sfidë e madhe dhe nënvizoi se do të japë më të mirën në këtë pozicion. Gjiknuri theksoi se të qenurit ministër nuk është se do të ndryshonte asgjë, pasi Partia Socialiste çdo ditë sipas tij është një angazhim i ri dhe i mbushur me sfida.

“Unë kandidimin tim të parë e kam pasur në Qarkun e Elbasanit. Është një detyrë e vështirë, sfidë e madhe. Natyrshëm që edhe unë kam eksperiencën time dhe do të bëj më të mirën të mundshme punën e nisur.

PS është konfirmuar si një forcë fituese, shumë aktive dhe e aftë”, tha Gjiknuri.

Damian Gjiknuri ishte një “termet” elektoral për opozitën, ndërsa tani “vullkani Gjiknuri” do djegë opozitën në beteja elektorale.

Flasim për këtë opozitë që kemi sot!

Ndaj Opozita duhet të hartojë e zbatojë strategji të re përballje me Edi Ramën, sepse ai mori zgjedhjet dhe në arenën ndërkombëtare është fuqizuar frikshëm.

E megjithatë Edi Rama sot tregoi qartë me lëvizjet në PS dhe qeveri se ka informacion për kundërshtarët e tij të fshehtë që synojnë t’ia marrin PS-në duke iu ledhatuar ditën, kurse natën flasin videocall kundër.

Njerin e palosi, ndërsa tjetrit ia preu krahët, aq sa të gjithë në PS morën sinjalin se pasardhësi i Edi Ramës në PS akoma nuk dihet!

The post Qeveria e re, Nikollë Lesi: Nga “tërmet” PS-ja tani do jetë “vullkan” elektoral, Rama do i palosë kundërshtarët appeared first on Albeu.com.

Pjesa më e madhe e ekipit të ri socialist ishin gra. Një prej tyre ishte edhe ministrja e re e Bujqësisë, Frida Krifca.

Pas daljes së emrit të saj si minister, ka dalë në dritë edhe një intervistë nga e shkuara e saj ku ajo thoshte se nuk kishte asnjë objektiv për të qenë ministre.

Ka qenë blogeri Olti Curri, ai i cili ka zgjedhur të bëjë një koment ironik në lidhje me deklaratën e Krifcës, duke shpërndarë intervistën me mbishkrimin: Kjo ka për t’ja dhjerë ramës, mbaje mend kur ta refuzojë postin si ministre e Bujqësisë

Pjesë nga intervista:

Gazetari: Rama do të të bëjë ministre?

Krifca: Po ndihem shumë larg këtij komenti, e kam dëgjuar, kam 4 vite që e dëgjojë është bërë bozë. Nuk kam asnjë objektiv për të qenë ministër./albeu.com

The post “Ka për t’ja dhj*rë Ramës”, çfarë thoshte Frida Krifca për pjesëmarrjen në qeveri para se të bëhej ministre Bujqësie (FOTO LAJM) appeared first on Albeu.com.

Duke ditur që Rama i përket shenjës së Gaforres, një shenjë që njihet sidomos për ndjeshmërinë  e saj të tepëëërt, që shpesh e fsheh me arrogancë  (si e parë kjo apo jo?), por edhe tepër këmbëgulëse për arritjen e qëllimeve të veta, e kujdesshme për ndjenjat e të tjerëve, në thelb është një shenjë lunatike që ka si moto “2 hapa para, 1 prapa) që nuk shkon fare mirë me shenjat e zjarrit, gërmuam për të parë  se si qëndron ky raport astrologjik në qeverinë e re.

Dhe zbuluam goxha gjëra që të bëjnë të mos e marrësh aq lehtë këtë punën e horoskopit. Psh, në qeveri nuk ka asnjë shenjë zjarri, asnjë Dash ( Dashin e ka lënë në opozitë me Monika Kryemadhin dhe Ilir Metën që i përkasin kësaj shenje). Po ashtu nuk kemi asnjë Luan apo Shigjetar. Në qeveri dominon shenja e Peshqve ( 4 ministra dhe shenja e Bricjapit, po ashtu me 4 ministra).

Peshqit njihen si shenja më intuitive e zodiakut, por janë gjithashtu edhe shenja e dytë më posesive e horoskopit. Edhe pse nuk lënë asgjë për të dyshuar në pamje të parë, janë manipulativë, posesivë dhe provokues të lindur.

Ndërsa Bricjapët njihen si punëtor të mëdhenj, si shenjë me këmbë në tokë që di të llogaritë rrezikun e të mbajë përgjegjësi kur duhet. Ndoshta prej këtyre karakteristikave ministri si Financat e Shëndetësinë, Rama ua ka besuar ministreve që kanë qëlluar të “kenë brirët” për t’i përdorur për këdo që u pengon rrugën.

Sipas llogaritjeve tona na rezulton që kemi një qeveri që drejtohet nga uji. (Urojmë të lundorojnë mirë qeveria e mos të na mbytë!) Shumica e ministrave që do të punojnë me Ramën, duket se do të kuptohen mjaft mirë mes tyre duke qenë se kanë të përbashkët të njëjtin element, ujë me ujë, po ashtu edhe ujë me tokën.

Më poshtë merrni vesh të gjitha shenjat përkatëse të ministrave.

Edi Rama, kryeministër- Gaforrja ( 4 korrik)

Arben Ahmetaj, zv ministër-Gaforrja (28 Qershor 1969)

Bledi Çuçi, Ministër i Brendshëm-Akrepi (14 nëntor 1970)

Olta Xhaçka,Ministre e Punëve të Jashtme- Bricjapi (25 dhjetor 1979)

Evis Kushi, ministre e Arsimit – Peshorja 7 tetor 1975

Delina Ibrahimi, ministre e Ekonomisë dhe Financave-Bricjapi ( 23 dhjetor)

Ogerta Manastirliu, ministre e Shëndetësisë- Bricjapi (31 dhjetor 1978)

Mirela Kumbaro, ministre e Turizmit –Peshqit ( 4 March 1966)

Ulsi Manja, ministër i Drejtësisë-Peshorja (5 Tetor 1973)

Niko Peleshi, ministër i Mbrojtjes- Akrepi (11 nëntor 1970)

Frida Krifca, ministrie e Bujqësisë- Peshqit ( 20 mars 1978)

Belinda Balluku, ministre për Infrastrukturën dhe Energjinë- Peshorja (9 tetor 1973)

Elva Margariti, ministre e Kulturës- Binjakët (14 qershor 1980)

Elisa Spiropali,  ministre shteti për marrëdhëniet me Parlamentin- Peshqit (15 mars 1983)

Milva Ekonomi, ministre shteti për Standardet dhe Shërbimet- Bricjapi ( 31 dhjetor)

Edona Bilali, ministër shteti për Biznesin dhe Sipërmarrjen- Binjakët ( 13 qershor 1989)

Bora Muzhaqi, ministër shteti për Rininë dhe Fëmijët- Peshqit ( 11 Mars 1990)/ revistawho.com

The post Me një gaforre në krye! Shenjat e horoskopit të ministrave në kabinetin “Rama 3” appeared first on Albeu.com.

Basha tha se Rama nxitohet pasi ai nuk i ka fituar zgjedhjet por i ka vjedhur atë.

Sipas tij këtë gje e konfirmon edhe raporti i OSBE-së i cili për Bashën i ka shpallur zgjedhjet e 25 Prillit si më të këqijat e bëra ndonjëherë.

Postimi i plotë i Bashës:

Shkatërruesi i bashkëjetesës demokratike, ortaku i tomdoshëve dhe aqifrakipëve, autori i kapjes dhe kriminalizimit të shtetit, varfërimit dhe shpopullimit të Shqipërisë, mund të recitojë për të gënjyer veten, por nuk gënjen dot shqiptarët për masakrën zgjedhore.

Që 25 prilli nuk kishte lidhje me demokracinë e konfirmon edhe OSBE/ODIHR, me blerje masive votash, presion ndaj votuesve, shkrirjen në një të partisë me pushtetin, shpërdorimit të aseteve publike në avantazh të partisë në pushtet, rritje të punësimit fiktiv në administratën publike,  presione mbi administratën, përdorimi i fondeve të rindërtimit për të orientuar votën, legalizime në këmbim të votës, vjedhja e të dhënave personale për të ushtruar presione dhe shantazhe ndaj qytetarëve, përdorim të grupeve kriminale. Për të gjitha këto shkelje, Partia Demokratike ka depozituar qindra padi penale në SPAK dhe në prokuroritë e rretheve për krime zgjedhore.

Përballë fakteve të patjetërsueshme, drejtësia nuk mund të qëndrojë duarkryq teksa ata që e çuan korrupsionin në nivelin e kapjes së shtetit, vijojnë lojën e vjetër me bedelë të rinj, në dëm të çdo familjeje shqiptare.

Për Partinë Demokratike, raporti i OSBE/ODIHR nuk është vetëm konfirmim i asaj që ne kemi denoncuar dhe që shqiptarët kanë përjetuar prej këtij regjimi të korruptuar, i cili ka vrarë votën e lirë dhe bashkë me të demokracinë, por një udhërrëfyes për aksionin tonë brenda dhe jashtë vendit, për t’iu kthyer shqiptarëve të drejtën për të pasur një qeveri që buron nga vullneti i tyre i lirë, jo nga krimi dhe korrupsioni që e kanë lënë Shqipërinë në vend numëro për shumë gjatë!/ albeu.com

The post Rama prezantoi qeverinë, Basha: Ai gënjen veten, nuk i ka fituar zgjedhjet por i ka vjedhur (FOTO LAJM) appeared first on Albeu.com.