Ajo që ndodhi në rajonin Bryansk është një sulm terrorist, sulmuesit qëlluan në një makinë civile, duke parë se kishte fëmijë në të, tha Vladimir Putin, duke ndjekur raportet nga Kremlini për veprimin e diversantëve ukrainas në territorin rus që kufizohet me Ukrainën.
“Neo-nazistët dhe terroristët kryen një tjetër akt terrorist, një tjetër krim sot. Ata hynë në zonën kufitare dhe hapën zjarr ndaj civilëve. Ata e panë që ishte një makinë civile, panë se aty ishin ulur civilë dhe fëmijët hapën zjarr mbi ta. Ishin këta njerëz që synuan të na privojnë nga memoria jonë historike, të na privojnë nga historia, të na privojnë nga traditat tona, nga gjuha jonë”., tha Putin.
“Neo-nazistët për të cilët kemi folur për kaq shumë kohë dhe shefat e tyre po bëjnë krimet e vërteta. Ne do t’i shtypim ata ”, shtoi presidenti rus.
Sipas guvernatorit të rajonit Bryansk, në mëngjes një grup sabotatorësh ukrainas kanë hyrë në territorin e tij dhe kanë qëlluar mbi një makinë, si pasojë e së cilës një banor i rajonit ka mbetur i vrarë dhe një fëmijë dhjetëvjeçar është plagosur.
Nga ana e tij, një këshilltar i presidentit ukrainas Volodymyr Zelensky tha sot se informacioni për një sulm sabotues nga forcat ukrainase në rajonin Bryansk të Rusisë është një “provokim i qëllimshëm”.
“Historia për grupin e sabotazhit ukrainas në Federatën Ruse është një provokim klasik i qëllimshëm”, shkroi Mykhailo Podoliak në Twitter.
“Rusia dëshiron të trembë popullin e vet për të justifikuar sulmin e një vendi tjetër dhe rritjen e varfërisë pas një viti lufte ”, tha ai./albeu.com
