Personi që ka qëlluar 4 herë me armë zjarri ndaj Renato Hoxhaj, është shfaqur në orët e para të mëngjesit me një kapele dhe një maskë kirigjikale, duke mbuluar thuajse totalisht pamjen e fytyrës.
Gazetari Elton Qyno, ka siguruar foton e autorit të dyshuar htë vrasjes, ndërsa një person me inicialet E.M është ndaluar si autor i përkrahjes së autorit të krimit.
Personi që duket në foto, është fiksuar nga kamerat e sigurisë që ndodhet të instaluara në zonën ku ndodhi krimi.
Tashmë policia ende nuk ka emrin e saktë të këtij personi, por po punohet intesivisht për identifikimin e tij.
Ngjarja tronditi Vlorës, pasi viktima nuk kishte asnjë precedent penal. Ndërsa pista e hetimit është përqëndruar në konfliktet e mundshme të pronësisë dhe marëdhënies sentimentale.
Hoxhaj kishte disa kohë që ishte divorcuar nga gruaja dhe bashkëjetonte me një grua tjetër. Ai punonte si roje në një biznes në Vlorë.
