Kreu i PD-së, Sali Berisha, ka paralajmëruar se protesta para Kryeministrisë do të zhvendoset në të gjithë vendin.
Gjithashtu, Berisha theksoi se PD ka nisur analizën e saj dhe se këtë javë fillojnë foltoret jashtë Tiranës.
“PD ka filluar analizën e saj. Këtë javë fillojmë foltoret jashtë Tiranës, do të vazhdojnë në të gjithë vendin”, tha Sali Berisha.
I pyetur se kur do të japë dorëheqje, Berisha theksoi se: “PD e përcakton fatin e drejtuesve të saj dhe përfaqësuesve nëpërmjet votës. Humbja e zgjedhjeve është kriteri më i shëndoshë i dorëheqjes së atyre që drejtojnë, por në kushtet kur zgjedhjet janë farsë dhe jo zgjedhje normale, një akt i tillë do i shërbente diktatorit dhe atyre që shpikin pluralizmin, do i shërbente diktatorin.
Unë të ftoj që të marrësh pjesë në të gjitha garat e kësaj partie. Qëndrimi në opozitë është mision dhe largimi nga ky mision bëhet vetëm nëpërmjet votës”, tha kreu i PD-së.
