Prokuroria ruse ka kërkuar që lideri i opozitës Alexei Navalni të dënohet me 13 vjet burg në fund të procesit që po zhvillohet aktualisht kundër tij për mashtrim dhe përbuzje, gjë që do të zgjaste më tej kohën që ai duhet të kalojë pas hekurave.
Navalni ndodhet në paraburgim që kur u kthye në Moskë në janar 2021, pasi u shërua në Berlin nga një helmim, shkruan albeu.com/
Më pas, drejtësia vendosi që ai të futej në burg për të vuajtur dënimin për mashtrim prej dy vitesh e gjysmë të lëshuar në vitin 2014.
Këshilltari kryesor i Navalni, Leonid Volkov, është ankuar në Twitter se Prokuroria tani kërkon edhe 13 vite të tjera, megjithëse ka theksuar se, përveç dënimeve specifike, qëllimi i përgjithshëm është që lideri i opozitës të mbetet në paraburgim të përjetshëm, të paktën për sa kohë që Vladimir Putin është në Kremlin”.
Prokuroria ka justifikuar kërkesën e saj të fundit, e cila përfshin një gjobë prej 1.2 milionë rubla (9500 euro), për shkak të rrezikut që i atribuon Navalnit, të cilin e akuzon për krijimin e një komploti mashtrues në bashkëpunim me mjedisin e tij dhe përmes organizatave të saj kryesore, raportojnë agjencitë ruse. /albeu.com/
