Zjarri i rënë prej disa ditës në Parkun Kombëtar të Lurës vijon të jetë aktiv ndërsa orës pas ore përhapet me shpejtësi. Duke qene se zjarri është aktiv prej ditësh edhe dëmi që ka shkaktuar është i madh duke djegur dhjetëra hektarë pyje me pishë të zezë, pemë ahu e bimësi tjetër.
Mësohet se deri tani zjarri ka djegur rreth 200 hektarë pyje halore. Nga zjarri rrezikohen edhe stanet verore të bagëtive dhe 100 koshere bletësh.
Autoritetet vendore kanë ndërhyrë por nuk kanë mundur të vendosin nën kontroll zjarrin. Një avion italian nisi operacionin për fikjen e zjarrit pasditen e së hënës dhe gjatë gjithë ditës së martë.
Pas dy ditësh avioni e ndali operaionin pasi uji po hidhej nga një lartësi e madhe dhe pengohej nga terreni gjë e cila solli që sasitë e ujit të hedhur nga lart të mos japin rezultatin e duhur.