Policia e Shtetit dhe Byroja Kombetare e Hetimit me urdhër të SPAK, kanë kontrolluar banesën e ish-ministrit të Shëndetësisë Ilir Beqaj, në rrugën e “Barrikadave”.
Mësohet se kontrolli është bërë në kuadër të hetimeve që po ndiqen nga struktura antikorrupsion për koncesionin e “Sterilizimit”.
Ish-ministrit të Shëndetësisë Ilir Beqaj, i cili ndodhet nën hetim per ceshtjen e “Sterilizimit”, i është Beqajt i është caktuar nga SPAK masa e shtrëngimit të paraqitjes në policinë gjyqësore dhe ndalimin e daljes jashtë vendit, si person nën hetim për shpërdorim detyre në procedurat e koncesionit të sterilizimit të pajisjeve kirurgjikale.
Ish-ministri është urdhëruar të paraqitet çdo të premte në Byronë Kombëtare të Hetimit, të mos largohet nga territori i Shqipërisë pa autorizimin e gjykatës, si dhe i ndalohet përdorimi i pasaportës apo mjeteve të tjera identifikuese për daljen jashtë shtetit.
Ai është zyrtari më i lartë nën akuzë, për shkeljet e konstatuara me kontratën e partneritetit publik-privat të sterilizimit, pas arrestimit në gusht të këtij viti të biznesmenit Ilir Rrapaj dhe zëvendësit të tij në Ministrinë e Shëndetësisë, Klodian Rrjepaj.
