Sekretari i Përgjithshëm i Partisë Demokratike, Flamur Noka, ka denoncuar përkeqësimin dramatik të cilësisë së ujërave të plazheve në Shqipëri, duke e lidhur këtë me dështimin e qeverisë për të menaxhuar mjedisin.
Ai thekson se sipas të dhënave të Agjencisë Europiane të Mjedisit, Shqipëria është renditur në vendin e fundit në Europë për sa i përket ujërave të plazheve me cilësi të shkëlqyer, me vetëm 16% të tyre që përmbushin standardet më të larta të cilësisë.
Noka e cilëson këtë si një pasqyrë të paaftësisë së qeverisë për të mbrojtur mjedisin dhe burimet natyrore të vendit, duke theksuar se propaganda e qeverisë nuk mund të fshehë realitetin e hidhur që qytetarët dhe turistët përjetojnë çdo ditë në plazhet shqiptare.
Ai kritikon ashpër qeverinë për dështimet e saj dhe kërkon një ndryshim urgjent në politikat mjedisore, duke i bërë thirrje autoriteteve që të veprojnë për përmirësimin e kushteve të ujërave dhe mbrojtjen e mjedisit.
Postimi i plotë:
Qeveria e rekordeve negative i siguron Shqipërisë vendin e fundit. Propaganda e saj nuk e ka mashtruar dot Agjencinë Europiane të Mjedisit, e cila na liston në vend të fundit me vetëm 16% të ujërave për notim me cilësi të shkëlqyer. Pjesa tjetër kanë higjienën e Ramës.
