Ditën e djeshme policia e Beratit parandaloi një atentat që do kryhej nga një grup kriminal.
Tre persona u shpallën në kërkim.
Mësohet se 30-vjeçari nga Korça Arli Shehu, është arrestuar.
Shehu së bashku me dy shtetasit e tjerë Hamit Berisha, 55-vjeç nga Kosova dhe Ermal Gora, 43-vjeç nga Tirana, kishin planifikuar kryerjen e një atentati në qytetin e Beratit, por të gjendur nën presionin e policisë kanë fshehur automjetin në fshatin Moravë.
Brenda në automjet policia gjeti edhe të gjitha mjetet që do përdoreshin për kryerjen e krimit, ndërkohë që tre autorët e shpallur në kërkim, duke përfituar nga errësira u larguan drejt zonave të pyllëzuara.
