Një plagosje me thikë ka ndodhur mbrëmjen e sotme në lagjen “15 Tetori” në qytetin e Fierit. Sipas policisë, 33-vjeçari është qëlluar me thikë nga shtetasi J.R., për motive të dobëta.
Policia po punon për kapjen e J.R., teksa grupi hetimor po punon për zbardhjen e rrethanave.
33-vjeçari i plagosur ndodhet në spital në kujdesin e mjekëve.
Njoftimi i policisë:
Rreth orës 18:30, në lagjen “15 Tetori”, dyshohet se pas një konflikti për motive të dobëta, shtetasi J. R., ka dëmtuar lehtë me mjet prerës shtetasin D. D., 33 vjeç, banues në Roskovec, i cili ndodhet në kujdesin e mjekëve.
Shërbimet e Policisë po punojnë për kapjen e shtetasit J. R.
Grupi hetimor po punon për zbardhjen e plotë të rrethanave të ngjarjes.
