Është liruar pas 41-vitesh atentatori i presidentit amerikan Ronald Regan, John Hinkley.
Sipas mediave të huaja, lirimi i tij ka mbyllur kështu një kapitull të zi në historinë amerikane.
“Pas 41 vitesh, dy muajsh e 15 ditësh më në fund jam i lirë”, tha njeriu që për dashurinë e Jodie Foster plagosi presidentin e atëhershëm amerikan më 30 mars 1981 dhe plagosi zëdhënësin e atëhershëm të Shtëpisë së Bardhë, Jim Brady.
Njoftimi i John Hinkley shënon fundin e dekadave të kontrolleve të qeverisë amerikane: tani e tutje ai do të jetë në gjendje të lëvizë lirshëm.
“Nëse Ronald Reagan nuk do të kishte qenë objektivi, kufizimet do të ishin hequr shumë kohë më parë,” tha gjykatësi.
Më 30 mars 1981, John Hinckley, atëherë 25-vjeç donte të tërhiqte vëmendjen e aktores Jodie Foster, me të cilën ishte i dashuruar. Ai qëlloi presidentin amerikan Ronald Reagan, i cili po dilte nga një hotel në Uashington.
Reagan u plagos rëndë, por u shërua plotësisht pas operacionit. Zëdhënësi i tij James “Jim” Brady, i cili ishte pranë tij, u qëllua në kokë mbijetoi, por pësoi dëmtim të përhershëm të trurit që e ka detyruar atë të mbetet në karrige me rrota. Gjithashtu u plagosën, edhe dy agjentë që mbrojtjen e presidentit.
I njohur si i sëmurë mendor, Hinkli nuk u dënua, por u dërgua në një spital psikiatrik. Drama e Brady, e përfshirë në mënyrë aktive në iniciativat për mbrojtjen e personave të dëmtuar nga truri, u kujtua, në një ceremoni në Ambasadën e Italisë në Uashington, nga ish-presidenti Bill Clinton, i cili nënshkroi ligjin e parë të Shteteve të Bashkuara për këtë qëllim.
Reagan përfundoi një mandat të dyfishtë deri më 20 janar 1989 dhe më pas ndërroi jetë më 5 qershor 2004 në moshën 93-vjeçare.
