Samir Rosales Rodriguez, i njohur si “Kimisti” dhe pjesë e një grupi kriminal që merrej me transportin dhe përpunimin e kokainës në banesën e ish-kreut të Komunës në Frakull të Fierit, Viktor Çervanak, është arrestuar nga autoritetet kolumbiane.
Kapja e tij u realizua në bashkëpunim me Interpolin në Kolumbi, Ekuador dhe Shqipëri, pas një njoftimi të kuq të Interpolit.
Policia e Kolumbisë bëri të ditur se Rodriguez, ishte përgjegjës për menaxhimin teknik të nxjerrjes së kokainës, duke përdorur metoda të sofistikuara për të fshehur drogën në produkte të ndryshme, që më pas shpërndaheshin në tregjet evropiane.
Ky arrest thekson rrjetin ndërkombëtar të operacioneve kriminale të lidhura me Kartelin e Ballkanit, duke nxjerrë në pah bashkëpunimin e autoriteteve nga vende të ndryshme për të goditur trafikun e drogës në shkallë globale.
