Përfshihet nga flakët makina në Vlorë, rrezikohet pylli i Sodës, nisin hetimet

Pylli i Sodës në Vlorë është rrezikuar të digjet pasditen e kësaj të shtune pasi një automjet u përfshi nga flakët.

Zjarri u përhap me shpejtësi ndërsa forcat zjarrfikëse kanë ndërhyrë menjëherë duke shmangur djegien e pyllit.

Aktualisht situata është nën kontroll ndërsa ende nuk dihen shkaqet e djegies së automjetit.

Policia ka nisur hetimet për të zbardhur ngjarjen ndërsa fatmirësisht nuk ka të lënduar nga ngjarja.