Këtë të enjte, pas raportimit të konfliktit, për herë të parë Elia Zaharia, shfaqet në dyert e gjykatës.
Në Gjykatën Civile të Tiranës, u mbajt seanca lidhur me 3 kërkesa për urdhër mbrojtje, përkatësisht të Leka Zogut ll, Elia Zaharisë dhe babait të kësaj të fundit Gjergj Zaharisë.
Sipas informacioneve, për dy të parët është aprovuar nga togat e zeza kërkesa dhe nga dita e sotme për Lekë Zogu ll dhe bashkëshorten e tij, me të cilën ndodhet në proces divorci Elia Zaharia, urdhërohet mbrojtja e menjëhershme.
Çifti duhet të mbajnë distancë 5 m, nga njëri-tjetri, fëmijën Leka duhet ta takojë jo në prezencë të Elias por të dados.
Ndërsa Leka Zogu ll, nuk ishte i pranishëm por u përfaqësua nga avokati i tij.
Ndërkohë, Prokuroria e Tiranës, ka nisur hetimet pas kallëzimit në polici për veprën penale “Dhunë në familje”, e gjithashtu po kryhen hetime edhe për daljen e pamjeve filmike që Leka Zogu ll, ia vendosi në dispozicion policisë si provë materiale.
