Ditën e sotme në vendin tonë, pjesa e parë të ditës do të dominohet nga mot i kthjellët dhe temperatura të larta, por pas mesditës dhe në vijim vranësirat do të bëhen prezente, ku më të theksuara do të jenë në zonat malore veriore dhe verilindore.
Parashikohet që orët e vona të natës, të sjellin shpeshtim të vranësirave në të gjithë territorin e vendit.
Temperaturat e ajrit do të mbeten konstante në vlerat minimale, por rriten maksimale duke u luhatur nga 13°C temperatura më e ulët e shënuar në qytetin e Pukës, deri në 34°C vlera më e lartë e cila pritet në qarkun e Elbasanit.
Era do të fryjë mesatarisht me shpejtësi 30 km/h nga drejtimi Veriperëndimor, kjo do të bëj që në brigjet detare të krijohet dallgëzim i ulët.
