Mbrëmjen e së shtunës në Durrës është gjetur një sasi eksplozive është gjendur pranë hotelit në pronësi të ish-kryebashkiakut Vangjush Dako.
Bëhet me dije se drejt vendit të ngjarjes është nisur policia, ndërkohë janë lajmëruar edhe specialistët e njësisë anti-eksploziv. Gjithashtu Policia ka evakuar banorët e zonës dhe turistët që ndodheshin aty pranë.
Për neutralizimin e lëndës plasëse është kërkuar ndërhyrja e specialistëve të njësisë anti-eksploziv, të cilët kryen shpërthimin e kontrolluar.
Fatmirësisht, nuk raportohen të lënduar, ndërsa hetimet vijojnë për të zbuluar autorët dhe motivet e kësaj ngjarjeje.
Kujtojmë se pak muaj më parë një tjetër çantë u vendos poshtë pallatit ku ai banon.
