Larg konfliktit në terren në vetë Ukrainën, oligarku rus, Oleg Tinkov ka postuar në rrjetet sociale për “masakrën” e vendit në Ukrainë dhe bëri thirrje për t’i dhënë fund “luftës së çmendur”.
Oleg Tinkov shkroi në një postim të mbushur me sharje në Instagram se ai nuk shihte asnjë përfitues të konfliktit. Z. Tinkov është një nga sipërmarrësit më të profilit të lartë të Rusisë dhe themeloi firmën globale të financave në internet Tinkoff Bank dhe zotëronte ekipin e çiklizmit Tinkoff-Saxo.
Ai është një nga rusët më të profilit të lartë që dënon publikisht veprimet e presidentit Vladimir Putin. Dy nga oligarkët e tjerë të shquar të vendit, Mikhail Fridman dhe Oleg Deripaska, kanë bërë thirrje të shumta për paqe, por nuk kanë kritikuar drejtpërdrejt.
Fridman, një bankier miliarder, ka thënë se çdo vërejtje personale mund të jetë një rrezik jo vetëm për veten, por edhe për stafin dhe kolegët.
Tinkov tha se “90%” e njerëzve të vendit të tij ishin kundër luftës dhe shtoi se “marrëzat në çdo vend janë 10%”./albeu.com
