Nënkryetarja e Parlamentit Evropian Eva Kaili, e dyshuar në një hetim për pastrim parash dhe korrupsion, ka mohuar marrjen e parave nga Katari, tha një nga avokatët e saj në Greqi të martën.
Kaili, një nga 14 nënkryetarët e parlamentit, ishte në mesin e katër personave të arrestuar dhe të akuzuar në Belgjikë në fundjavë mbi akuzat se Katari u ka dhënë atyre para dhe dhurata për të ndikuar në vendimmarrje.
“Pozicioni i saj është se ajo është e pafajshme, mund t’ju them këtë,” tha për Open TV Michalis Dimitrakopoulos, një avokat që përfaqëson Kailin në Greqi.
“Ajo nuk ka asnjë lidhje me financimin nga Katari, në mënyrë eksplicite dhe pa mëdyshje. Ky është pozicioni i saj”, tha Dimitrakopoulos. Ai shtoi se Kaili “nuk kishte ndërmarrë asnjë aktivitet tregtar në jetën e saj”.
