Krahasuar me vitet e tjera, këtë vit tryeza e Vitit të Ri në familjet kuksiane, do të kushtojë më pak se vitet e kaluara.
Tregtarët ankohen se këtë vit është ulur fuqia blerëse, pavarësisht se çmimet nuk kanë ndryshuar ndërsa shpresat i kanë tek ardhja e emigrantëve.
Nga ana tjetër, qytetarët thonë se çmimet në treg nuk janë të shtrenjta, por gjendja e ulët ekonomike i ka detyruar që të mos blejnë shumë.
Edhe gjeli i detit do të mungojë në tryezat festive të shumë familjeve kuksiane.
Tregtarët e gjelave shprehen se gjendja ekonomike dhe të ardhurat e pakta, e bëjnë të vështirë blerjen e tij.
Një vit më parë çmimi i gjelit të detit ishte 10 mijë lekë, ndërsa këtë vit është 12 mijë lekë.
Kukësi vijon të jetë ndër qytetet me nivelin me të lartë të varfërisë në vend.
