Katër bankierë që ndihmuan një mik të ngushtë të presidentit rus Vladimir Putin të lëvizte miliona franga përmes llogarive bankare zvicerane janë dënuar.
Ata u shpallën të gjithë fajtorë sot për ndihmën e Sergey Roldugin, një violonçelist i cili është quajtur “portofoli i Putinit” nga qeveria zvicerane.
Drejtuesit – tre rusë dhe një zviceran – ndihmuan Roldugin, i cili është kumbari i vajzës së madhe të Putinit, Maria, të depozitonte miliona franga në llogaritë bankare zvicerane midis 2014 dhe 2016.
Burrat, të cilët nuk mund të identifikohen sipas kufizimeve të raportimit zviceran, u gjetën fajtorë në një seancë në Gjykatën e Qarkut të Cyrihut dhe iu dhanë dënime me kusht prej shtatë muajsh secili. /albeu.com
