Çdo vit miliona njerëz vuajnë nga simptoma të ndryshme të ftohjes, gripit, sëmundjeve të frymëmarrjes apo alergjive.
Kollitje pa pushim natën, dhimbje fyti apo teshtima, por nuk jeni të sigurt nëse po përjetoni simptomat e një ftohje të vjetër apo të një alergjie që sapo ka filluar?

Mjekët japin disa mënyra se si mund t’i dalloni ato fare lehtë megjithëse janë shumë të ngjashme.

Është shumë e rendësishme të kuptoni saktë simptomat të cilat po vuani që të mund të merrni trajtimin e duhur.

Alergjitë

Kolla e natës që shkaktohet nga alergjitë shfaqet në periudhat kur në ajër ka shumë polene lulesh, kryesisht në pranverë.

Ajo  shfaqet papritur dhe zgjat me javë të tëra derisa alergjia të kalojë.

Mund të shkaktohen nga pluhuri , një element i ri në dhomë, një parfum apo detergjent i ri rrobash.

Në rastin e alergjisë përveç kollës ju nuk do të përjetoni simptoma të tjera siç janë dhimbjet trupit  apo temperatura.

Kontrolloni nëse ndjeni rëndesë në zonën e syve, zonën e hundës dhe sinuseve.

Kur trupi ndjen rreziqe të jashtme si alergjitë lëshon istaminën e cila  shkakton alergjitë.

Nëse ndjeni zonën poshtë syve të rënduar atëhere me shumë mundësi ju po vuani nga ndonjë alergji.

Nëse keni shqetësime të fytit, por jo dhimbje dhe ndjesia është ajo e gërvishtjes dhe deshirës për ta kruajtur njësoj siç ndodh me lëkurën atëherë po vuani nga ndonjë alergji.

Ftohja

Kolla me natyrë inflamatore shkaktohet nga gripi apo ftohje të ndryshme të cilat bllokojnë rrugët e frymëmarrjes.

Kjo lloj kolle shfaqet edhe gjatë ditës, por përkeqesohet natën duke penguar gjumin e qetë.

Kolla e ftohjes  ndryshe nga alergjitë është e avashtë dhe zgjat  3-14 ditë.

Në rastet e ftohjeve do të keni edhe sekrecione të shumta të hundës apo dhimbje të fytit të cila vazhdojnë gjatë gjithë ditës duke ju penguar të konsumoni lehtësisht ushqim.

Kur vuani nga gripi apo ftohja në shumë raste do të keni edhe temperaturë apo dhimbje të trupit.

Për të qetësuar kollën nga i ftohti përdorni çajin e dafinës duke zierë tre gjethe dafine në një filxhan çaji dhe nëse dëshironi mund t’i shtoni dhe pak mjaltë. Pijeni para gjumit.

Për të qetësuar alergjinë përdorni çaj mente. Çaji i mentes është një balancues natyral i cili ul nivelin e istaminës, që shkakton alergjitë në trup.

Përgatitja

1 lugë mente e thatë (10gr)

1 lugë mjalt (25gr)

1 flixhan ujë (250ml)

Kollën që shkaktohet nga gripi apo ftohja mund ta qetësoni duke përdorur çaj bliri.

Çaji i blirit ul temperaturën e turpit  dhe lufton të ftohtin. Ka veti qetësuese ndaj dhimbjeve të trupit apo fytit duke i dhënë fuqi sistemit imunitar.

1 çaj bliri (10gr)

Pak sheqer ose mjaltë

1 filxhan ujë (250ml)

The post Keni kollë gjatë natës? Ja si ta kuptoni nëse është ftohje apo alergji! appeared first on Albeu.com.

Arsyet përse uria bëhet më e fortë gjatë natës janë të ndryshme.

Ekspertët shpjegojnë se luhatja e menjëhershme e niveleve të sheqerit në gjak është e dëmshme. Ato duhet të jenë të qëndrueshme sa më gjatë që të jetë e mundur. Luhatja e niveleve të sheqerit në gjak nxitet më së shumti nga konsumi i karbohidrateve të thjeshta siç është mielli i bardhë dhe sheqeri.

Në reagim të tyre, trupi prodhon insulinë të shpejtë që të përpunojë sheqerin. Kur niveli i glukozës në gjak është i ulët, njeriu ndihet i acaruar dhe në ankth.

Rrahjet e zemrës janë të çrregullta dhe uria është e madhe. Nivelet e ulëta të glukozës gjatë natës mund të ndikohen edhe nga aktiviteti i tepruar fizik gjatë ditës.

Nëse i përmbaheni orareve të rregullta të ngrënies gjatë ditës, do të jeni më pak të uritur gjatë natës. Ekspertët këshillojnë që ta nisni ditën me një mëngjes të bollshëm, fruta në mes vakteve, dhe në darkë të konsumoni një vakt modest.

Dy orë përpara gjumit mund të konsumoni disa feta molle ose karrote. Kësisoj, nuk do të zgjoheni gjatë natës të uritur.

Ushqyerja e keqe është shkaktar i urisë në orët e vona. Nëse gjatë ditës nuk konsumoni fibër, proteinë apo yndyrna të shëndetshme, niveli i sheqerit në gjak do të bjerë dhe gjatë natës do të jeni të uritur.

Uria dhe ndjesia e ngopjes rregullohen falë disa hormoneve të ndryshme, ekuilibrat e të cilave prishen si pasojë e disa problemeve psikologjike. Këto probleme më pas nxisin nevojën e paarsyeshme për sheqer, yndyrna dhe kripë.

Këtu përfshihet: stresi, mungesa e gjumit e të tjerë. Uria e tepruar mund të shkaktohet edhe nga ankthi, depresioni apo frustrimi.

Sindroma e ushqyerjes gjatë natës
Kjo sindromë ka të bëjë me nivelet e ulëta të urisë gjatë mëngjesit dhe tepër të larta në mbrëmje. Ajo shoqërohet edhe me vështirësi në fjetje sepse ushqyerja e rëndë gjatë natës prish gjumin.

Ky problem më pas pason tek mbipesha dhe simptomat bëhen më të ashpra. Nëse ju merr shpesh uria gjatë natës, duhet patjetër të ndryshoni regjimin e ushqimit gjatë ditës, pasi dëmtoni shëndetin tuaj.

The post Keni uri në mes të natës? Zbuloni arsyet përse ndodh appeared first on Albeu.com.

Studiuesit zbuluan se ekspozimi edhe ndaj dritës së moderuar të ambientit gjatë gjumit, krahasuar me gjumin në një dhomë me ndriçim të dobët, është i dëmshëm për funksionin tuaj kardiovaskular dhe mund të rrisë rezistencën tuaj ndaj insulinës mëngjesin tjetër, sipas një njoftimi në lidhje me studimin e Mjekësisë Northwestern. Rezultatet nga ky studim tregojnë se vetëm një natë e vetme e ekspozimit ndaj ndriçimit të moderuar të dhomës gjatë gjumit mund të dëmtojë glukozën dhe rregullimin kardiovaskular, të cilët janë faktorë rreziku për sëmundjet e zemrës, diabetin dhe sindromën metabolike.

Autorët e studimit thanë se deri në 40 për qind e individëve flenë me një dritë të ndezur në dhomën e gjumit ose me televizorin ndezur. Ata gjithashtu thanë se ekspozimi ndaj dritës artificiale gjatë gjumit është i zakonshëm, qoftë nga një pajisje që lëshon dritë ose një burim jashtë shtëpisë, veçanërisht në zona të mëdha urbane.

Sipas studimit, provat kanë treguar se ekspozimi ndaj dritës gjatë orëve të ditës, rrit rrahjet e zemrës së një individi duke aktivizuar sistemin nervor simpatik, duke kontribuar në një ndërgjegjësim të shtuar. Sistemi nervor simpatik ndihmon një individ të përballet me sfidat ose të shmangë rrezikun. “Rezultatet tona tregojnë se një efekt i ngjashëm është gjithashtu i pranishëm kur ekspozimi ndaj dritës ndodh gjatë gjumit të natës”, – tha Zee në njoftim. Studiuesit zbuluan se trupi i një personi nuk mund të pushojë siç duhet në një dhomë të ndriçuar dhe rrahjet e zemrës së individit rriteshin edhe në një dhomë me ndriçim mesatar.

Bashkëautorja e parë Dr. Daniela Grimaldi, e cila është asistent profesor i neurologjisë në Northwestern, tha në botim: “Edhe pse jeni në gjumë, sistemi juaj nervor autonom aktivizohet. Kjo është diçka e keqe. Zakonisht, rrahjet e zemrës së bashku me parametrat e tjerë kardiovaskularë janë më të ulëta gjatë natës dhe më të larta gjatë ditës”.

Studiuesit sugjerojnë këto këshilla për të reduktuar dritën gjatë gjumit:

Fikeni dritat. Nëse duhet të keni një dritë të ndezur (të cilën të rriturit e moshuar mund ta dëshirojnë për siguri), përdorni një dritë të zbehtë afër dyshemesë.

Përdorni një dritë të kuqe/portokalli. Është më pak stimuluese për trurin. Shmangni përdorimin e një drite të bardhë ose blu dhe mbajeni atë larg personit që fle.

Përdorni maska ​​për sytë nëse nuk mund ta kontrolloni dritën e jashtme. Lëvizni pozicionin e shtratit për të parandaluar që drita e jashtme të shkëlqejë në fytyrën tuaj.

The post Alarmi i mjekëve: Arsyeja pse duhet t’i fikni dritat natën appeared first on Albeu.com.

Puçrrat

Aknet dhe puçrrat në fytyrë janë një makth i vërtetë, ato janë të vështira për t’u hequr dhe nëse nuk trajtohen, gjendja vetëm sa përkeqësohet. Të shkosh në shtrat me grim është shkaktari kryesor i bllokimit të poreve dhe formimit të puçrrave.

Lëkurë e pajetë

Për të pasur një fytyrë të shëndetshme dhe plot shkëlqim këshillohet që ta lani atë duke

përdorur një eksfoliues për të hequr papastërtitë nga poret tuaja. Grimi shpesh ka përbërës të dëmshëm për lëkurën tuaj, ndaj edhe mund të ketë një ndikim negativ kur mbahet me orë të tejzgjaturatua duke shkaktuar skuqje, njolla dhe inflamacion.

Plakja e parakohshme

Dëshironi të dukeni më të vjetër? Kjo është përgjigja që të gjithë do të përgjigjen me “jo”. Nëse dëshironi të shmangni plakjen e parakohshme, thjesht hiqni grimin çdo natë, pavarësisht se sa të lodhur jeni. Gjumi me grim shkakton zhvillim të parakohshëm të rrudhave, dhe gjithashtu shkakton dëmtim të shtresës së korneumit, barrierës më të jashtme mbrojtëse të lëkurës.

The post Çfarë i ndodh fytyrës suaj nëse flini me grim çdo natë appeared first on Albeu.com.

Ky 5 prill kishte rëndësi të dyfishtë për të!

Veçse e premte, besohet se mund të jetë Nata e Kadrit, që për agjëruesit ka rëndësi të veçantë.

Lutjet dhe falja në këtë ditë përcaktojnë fatin dhe mirësitë e vitit në vijim.

21 vjeçari tregon se vjen nga familje praktikante e besimit islam, por thekson se vendimi për të praktikuar fenë për të nuk ka qenë detyrim

Thotë se besimi në islam e ka ndryshuar!

Lexoni është mesazhi që përcjell jo vetëm për besimtarët!

Muaji i Ramazanit ka hyrë në ditët e fundit pasi agjërimi ndalet në datën 9 prill, ndërsa të mërkurën e 10 Prillit besimtarët kremtojnë festën e Fiter Bajramit.

The post NATA E KADRIT/ Një natë për 1000 muaj, 21-vjeçari tregon udhëtimin në rrugën e besimit islam appeared first on Albeu.com.

Sipas të dhënave njerëzit me dhimbje kronike, duke përfshirë dhimbjen e shpinës, kanë deri në 18 herë më shumë gjasa të diagnostikohen me pagjumësi krahasuar me ata që nuk kanë dhimbje.

Dhimbja kronike mund ta bëjë të vështirë gjetjen e një pozicionit të rehatshëm fjetjeje dhe ju detyron të lëvizni shpesh.

Prandaj gjetja e mënyrave për të minimizuar shqetësimin tuaj gjatë gjumit mund t’ju ndihmojë të flini më mirë. Dhe kur filloni të flini aq orë sa ju nevojiten, mund të zbuloni se intensiteti i dhimbjes suaj zvogëlohet.

Çfarë mund të bëni për të bërë gjumin që ju nevojitet?

Gjeni pozicionin më të mirë të gjumit për ju.

Disa pozicione gjumi janë më të mira për të hequr presionin nga shpina juaj.

Edhe pse nuk ka një pozicion të vetëm gjumi që funksionon njëlloj për të gjithë, për ata me dhimbje në pjesën e poshtme të shpinës, fjetja në shpinë është më e mira.

Kështu pesha shpërndahet në mënyrë të barabartë në shpinën tuaj, duke reduktuar presionin që shkaktohet.

Vendosja e një jastëku të vogël ose peshqiri të mbështjellë nën gjunjë mund të lehtësojë presionin.

Nëse nuk jeni adhurues i gjumit në shpinë, provoni të flini në anë duke mbajtur një jastëk midis gjunjëve.

Gjumi në pozicionin e fetusit, ku gjunjët tuaj janë ngritur deri afër gjoksit, ndihmon në lehtësimin e presionit në disqet ndërvertebrale në shpinë. Kjo gjë mund të ndihmojë me dhimbjen e shpinës.

Mbi të gjitha, përpiquni të shmangni gjumin me bark. Duke vepruar kështu ju detyron të anoni qafën, gjë që mund të pengojë shtrirjen natyrale të shtyllës kurrizore dhe të përkeqësojë (ose të shkaktojë) parehati në shpinë.

Megjithatë, nëse duhet të flini në bark, vendosja e një jastëku poshtë ijeve mund të ndihmojë në lehtësimin e presionit dhe uljen e rrezikut të dhimbjes së shpinës.

Zgjidhni jastëkun e duhur

Ashtu si nuk ka një pozicion të caktuar gjumi që të funksionojnë njëjtë për të gjithë, nuk ka asnjë jastëk perfekt për të gjithë ata me dhimbje në pjesën e poshtme të shpinës.

Nëse jeni duke fjetur në shpinë, një jastëk me trashësi mesatare që mban formën e tij do ta kryejë punën.

Por nëse flini në anë, mund t’ju duhet diçka më e trashë dhe më e fortë për të parandaluar që koka juaj të mos zhytet dhe të ruajë drejtimin e shtyllës kurrizore.

Sa i përket materialit, jastëkët latex priren të fitojnë për aftësinë e tyre për të ruajtur formën dhe për të shmangur presionin.

Zgjidhni dyshekun e duhur

Përsëri, qëllimi është gjetja e një dysheku që ndihmon në mbajtjen e shtyllës kurrizore në një linjë të drejtë.

Zgjidhjet janë të ndryshme dhe varet çfarë ju përshtatet më tepër.

Një dyshek i fortë do të mbështesë më së miri kthesat natyrale të shtyllës kurrizore, beli dhe ijet e të cilëve janë afërsisht të njëjtën madhësi.

Nëse ijet tuaja janë më të gjera se beli, një dyshek më i butë është një zgjedhje më e mirë.

Më shumë këshilla

Ndryshimi i pozicionit tuaj të gjumit, jastëkut dhe dyshekut është një fillim i mirë. Por nëse këto ndryshime nuk kanë bërë mjaftueshëm për të lehtësuar shqetësimin tuaj, këto strategji mund të ndihmojnë.

Mungesa e gjumit ju bën më të ndjeshëm ndaj dhimbjes. Sa më pak të flini, aq më shumë ka gjasa që shpina juaj t’ju shqetësojë.

Me këtë në mendje, bëni atë që mundeni për të krijuar një rutinë të shëndetshme gjumi.

Sigurohuni që dhoma juaj e gjumit të jetë e freskët, e errët dhe e qetë.

Shmangni përdorimin e kafeinës pasdite dhe të celularit apo kompjuterit para gjumit.

Bëjeni qëllim që të shkoni në shtrat dhe të zgjoheni në të njëjtën kohë çdo ditë.

Kështu do të filloni të ndiheni të përgjumur kur afrohet koha e gjumit, në mënyrë natyrale.

Ushtrimet ritmike të frymëmarrjes ose imazhet e drejtuara, ku imagjinoni veten në një vend qetësuees dhe paqësor, mund t’ju ndihmojnë shumë bini në gjumë.

The post Keni dhimbje shpine gjatë natës? Disa këshilla si mund të bëni një gjumë të qetë appeared first on Albeu.com.

Shpjegimi më bindës vjen nga dy biologë të Imperial College London dhe Florida International University, Samuel Fabian dhe Yash Sondhi, sipas të cilëve kjo ndodh sepse ato shkëmbejnë dritën artificiale me atë të Diellit, që u nevojitet për të drejtuar fluturimin e tyre.

Shkencëtarët filmuan fluturat, pilivesa dhe insektet të tjera teksa fluturonin rreth llambave në laborator dhe në pyllin tropikal të Kosta Rikës, në përpjekje për t’i kthyer shpinën dritave, insektet filluan t’i rrotulloheshin rreth tyre në loop, si satelitë, ose fluturonin sipër dhe më pas zhyteshin drejt truallit.

Ajo që i ngatërron janë fenerët e drejtuar lart ose horizontalisht.

Në të kaluarën supozohej se insektet shpesh joshen fatalisht nga dritat artificiale, sepse ato ngatërrojnë shkëlqimin e tyre me atë të hënës, duke mbetur të çorientuara apo edhe se, në sytë e tyre, llambat e rrugëve dhe LED ngjajnë me rrezet e dritës që filtrojnë nëpër bimësi të dendur dhe për këtë arsye tregojnë një rrugë shpëtimi të mundshme dhe jo-ekzistente.

The post Pse insektet tërhiqen nga drita gjatë natës? appeared first on Albeu.com.

Përdorimi pa kriter i dritës artificiale të jashtme, ndriçimit të rrugëve, shenjave reklamuese dhe ndërtesave të ndriçuara tashmë na pengojnë dukshëm pamjen e yjeve.

Në vitin 2016, astronomët zbuluan se Rruga e Qumështit nuk ishte më e dukshme për një të tretën e njerëzimit. Që atëherë, ndotja nga drita është përkeqësuar ndjeshëm. Aq shumë sa që me ritmin aktual, shumica e yjësive do të jenë të padukshme pas njëzet vjetësh – një humbje, kulturore dhe shkencore, e thellë, vlerësojnë shkencëtarët.

“Qielli i natës është pjesë e mjedisit tonë dhe do të ishte një humbje e madhe nëse brezi i ardhshëm nuk do ta shihte kurrë atë – ashtu siç do të ishte nëse ata nuk do të shihnin kurrë folenë e një zogu”, vëren Martin Rees, Astronom Mbretëror i Britanisë së Madhe. “Nuk duhet të jesh astronom që të interesohesh për këtë. Unë nuk jam ornitolog, por nëse nuk do të kishte zogj në kopshtin tim, do të ndihesha i varfër”.

Rees është themeluesi i një grupi ndërpartiak të “qiejve të errët” në Britani, i cili kohët e fundit prodhoi një raport që bën thirrje për një sërë masash për të trajtuar plagën e ndotjes nga drita.

Ndër masat e propozuara janë emërimi i ministrit për qiejt e errët, krijimi i një komisioni dhe vendosja e standardeve strikte për dendësinë dhe drejtimin e ndriçimit.

Hulumtimi nga fizikani Christopher Kimba i Qendrës Gjermane për Gjeoshkencat zbulon se ndotja nga drita ndriçon qiellin e natës me 10% në vit, një rritje që kërcënon të zhdukë pamjen e të gjithëve, përveç yjeve më të shndritshëm brenda një brezi. Me pak fjalë, një fëmijë i porsalindur, edhe pse sot është në gjendje të shohë 250 yje në qiellin e natës, për 18 vjet ai do të shohë vetëm 100.

Megjithëse rregullat për kontrollin e ndriçimit të bezdisshëm, me fuqi ligjore dhe ndëshkime për mospërputhje, mund të bëjnë një ndryshim të rëndësishëm në fenomen, problemi është se ndotja nga drita nuk perceptohet nga njerëzit si një kërcënim.

“Pasojat negative të ndotjes nga drita janë po aq të panjohura për popullatën sa ato të pirjes së duhanit në vitet 80”, pohon profesor Oscar Cortso, i Universitetit Politeknik të Madridit.

The post Për 20 vjet yjet do të jenë “të padukshëm” dhe kjo është arsyeja appeared first on Albeu.com.

Nëse e mbani një sy mbyllur do të gënjeni veten dhe trupin. Sepse kur i hapni të dy sytë në mes të natës, trupi juaj do të mendojë se është koha të zgjoheni dhe do të keni problem të bini përsëri në gjumë.

Mbajtja e njërit sy mbyllur, kur shkoni në banjë gjatë natës, do t’ju ndihmojë të bini në gjumë më shpejt.

The post Ja pse duhet ta mbani një sy mbyllur kur shkoni në tualet gjatë natës! appeared first on Albeu.com.

Ata që pëlqejnë ujin e nxehtë

Uji i nxehtë ka ndikim të drejtpërdrejtë mbi muskuj, i çliron dhe i lehtëson ata. Nëse ke dhimbje koke gjatë një dite të lodhshme, aq më mirë. Lëre ujin e ngrohtë të bjerë mbi trup si një minimasazh mbi shpatulla, qafë dhe në shpinë.

Studimet e fundit kanë treguar se dushi i nxehtë mund mund të të largojë edhe gjendjen e ankthit, kështu që kushdo që ka një punë stresuese, këshilla më e mirë është një dush i nxehtë në mbrëmje, pavarësisht se temperaturat jashtë mund të jenë të larta.

Po ashtu, dushi i nxehtë largon edhe simptomat e etheve në rastet e virozave të ndryshme që kalon trupi gjatë kësaj periudhe Covid-i.

Ata që pëlqejnë ujin e ftohtë

Dushi me ujë të ftohtë — aq sa i besueshëm është për këtë periudhë — është po kaq i shëndetshëm për trupin. Ta lësh veten nën ujë të ftohtë, qoftë edhe për 5 minuta, mund të ndihmojë trupin “të shkundet” dhe të zgjohet. Kjo mënyrë do të ndryshojë temperaturën e trupit për pak, por në të njëjtën kohë të zhduk edhe lodhjen si me dorë.

Dushi me ujë të ftohtë, të paktën për tri minuta një herë apo dy herë në ditë është i rekomanduar nga studiuesit si një kurë kundër depresionit. Por sigurohu që më parë të kesh bërë një kontroll te doktori.

Dhe, më e rëndësishmja për të gjitha vajzat: uji i ftohtë është më i mirë për flokët dhe fytyrën. Dihet që uji i nxehtë mund të krijojë më shpejt yndyrë në flokë, ndërsa uji i ftohtë hidraton dhe ndihmon që majat e flokëve të mos digjen.

The post Çfarë e freskon më shumë trupin në netët e nxehta, sekreti fshihet tek uji appeared first on Albeu.com.