Komuniteti Mysliman i Shqipërisë ka shprehur mbështetjen e tij për afganët që pritet të strehoen në Shqipëri.
Ai ka ka bërë edhe një pasqyrë të qartë të situatës aktuale në Afganistan, për të treguar gjendjen e rënduar atje e cila solli marrjen e vendimit për ardhjen e tyre në Shqipëri.
Lajmërimin KMSH e bëri nëpërmjet një statusi në rrjete sociale, ku shkruan se shqiptarët dhe besimtarët myslimanë duhet të tregohen bujarë me mërgimtarët afganë dhe të japin ndihmesën e tyre me aq sa munden.
Postimi i plotë
Me emrin e Zotit, Mëshiruesit Mëshirëbërësit!
Të dashur qytetarë, myslimanët anë e kënd botës, këto ditë, janë në muajin e parë të vitit të ri hixhri.
Viti i ri në fenë islame është përkujtimi i emigrimit të Profetit Muhamed (a.s.) dhe myslimanëve nga Meka për në Medinë, si shkak i persekutimit dhe përndjekjes.
Motra dhe vëllezër, ditët e fundit u njohëm me lajmin se vendi ynë, Shqipëria, do të strehojë qindra mërgimtarë nga Afganistani, të cilët ikin nga përndjekja e regjimit të ri që po vjen në vendin e tyre.
Si besimtarë dhe si shqiptarë ne na takon t’i mirëpresim dhe të tregohemi bujarë me ta.
Mysafiri është amanet i Zotit për mikpritësin.
Institucionet e vendit dhe aleatët e vendit tonë kanë marrë të gjitha masat e duhura që kjo situatë të menaxhohet më së miri.
Komuniteti Mysliman i Shqipërisë është i gatshtshëm të japë ndihmesën e tij, në qoftë se nevojitet, për këtë rast.
Gjithashtu, ne i bëjmë thirrje besimtarëve të tregohen bujarë, të paqtë dhe mikpritës me mërgimtarët për hir të Allahut.
I lutemi Zotit të gjithësisë që konfliktet dhe luftërat të marrin fund në çdo vend të botës!/albeu.com
