Mirëpo, ndarja nga jeta e artistit të madh ka bërë që e bija të vendosë ta ruajë vazhdimësinë duke i vendosur djalit të saj emrin Mirush. Mendi ishte e ftuar në studion e “Rudinës” dhe rrëfeu pse nuk e ka plotësuar dëshirën e të atit.

E pyetur nga Rudina se cili është emri që Mendi i ka vënë të birit, ajo u përgjigj:

‘Mirush. Është emri Matias Mirush. Mirush Kabashi, ka edhe mbiemrin. Po të ishte Mirushi akoma mes nesh, unë ndoshta, jo ndoshta, por me siguri do ia vija emrin Isë, por nuk mund t’ia vija Isë në qoftë se… unë besoj në vazhdimësi dhe për mua kjo është vazhdimësia. Im bir është shumë i vogël tani, është një muaj e gjysmë… Nuk e kupton vlerën dhe historinë që mbart me vete ky emër dhe fatin dhe krenarinë që ai do të mbulohet dhe privilegjin që do të ketë me vete.’- tha ajo.

The post Katër muaj pas vdekjes së tij, vajza e Mirush Kabashit i vendos të birit emrin e aktorit appeared first on Albeu.com.

Mirush Kabashi lindi më 17 prill 1948 në Shkodër, por u rrit në Durrës. Origjina e tij ishte nga Gjakova. Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare ndërsa numërohen rreth 100 role në teatër dhe filma.
Kabashi në Festivalin Kombëtar të teatrove profesioniste 1989 u shpall “Aktori më i mirë” me rolin e Sadush Nezirit te komedia “Hija e tjetrit” e Ruzhdi Pulahës. Po me këtë rol, në Festivalin Teatror Ballkanik të zhvilluar në Korinth të Greqisë, u vlerësua si ndër aktorët më të mirë. Në vitin 2002 fitoi çmimin e “Aktorit më të mirë” si protagonist në Festivalin e Aktrimit “Apollon 2002” me rolin e Nokës në komedinë “Sa mirë bëri që vdiq” e Ilir Bezhanit.

Më 1997 në edicionin e nëntë të Festivalit Eksperimental të teatrit të organizuar në Kajro të Egjiptit, Mirush Kabashi është vlerësuar me “Sfinksin e artë”, si interpretuesi më i suksesshëm mes njëmijë aktorëve pjesëmarrës nga dyzetegjashtë vende të botës.

Kabashi është vlerësuar me titujt “Nderi i Kombit”, “Artist i Merituar” dhe “Mjeshtër i Madh i Punës”.

The post Aktori Mirush Kabashi merr titullin “Qytetar Nderi” në Durrës appeared first on Albeu.com.

Vetëm pak javë më parë, dy aktorë të mëdhenj shqiptar, Zef Deda dhe Mirush Kabashi u ndanë nga jeta fizikisht, por pasuria e madhe që ata i kanë lënë botës së artit dhe shoqërisë shqiptare ndër vite, i bën ata figura të paharrueshme.

Si mund të harrojmë vdekjen e Tina Turner apo Mttheë Perry, Chandler-it të paharruar në serialin kult televiziv Friends. Vajza e mbretit të rokut Elvis Presley, Lisa Marie, po ashtu vdiq nga arresti kardiak i shkaktuar nga obstruksioni i zorrëve pas operacionit bariatrik. Dhe më pas vdekja e papritur e Davide Renne tre javë pas shpalljes së emërimit të tij si drejtor kreativ i Moschinos.

Fatkeqësisht ky vit nuk u mjaftua me kaq humbje, Tatjana Patitz, një nga supermodelet më të famshme të viteve tetëdhjetë dhe nëntëdhjetë, u nda nga jeta në moshën 56-vjeçare më 11 janar. Ajo nuk e fitoi betejën e saj kundër kancerit të gjirit dhe ndërroi jetë në spital në Santa Barbara, Kaliforni.

Më 15 shkurt, aktorja, ikonë seksi e viteve gjashtëdhjetë dhe shtatëdhjetë, Raquel Welch, ndërroi jetë në moshën 82-vjeçare në shtëpinë e saj në Los Anxhelos pas një sëmundjeje të shkurtër.

Më 16 korrik, Jane Birkin ndërroi jetë në moshën 76-vjeçare . Aktorja dhe këngëtarja u gjet e pajetë në apartamentin e saj në Paris: pak para vdekjes ajo kishte anuluar disa shfaqje për arsye shëndetësore pas një goditjeje të lehtë. “Unë kam qenë gjithmonë një optimiste e madhe, por e kuptoj se më duhet ende pak kohë për të qenë në gjendje të performoj përsëri në skenë,” u tha ajo fansave në maj.

Më 21 korrik, pak ditë para ditëlindjes së tij të 97-të, “këngëtari i fundit” Tony Bennett , i cili kishte vite që po luftonte me Alzheimer-in, vdiq pas sëmundjes që nuk e kurseu aspak.

Edhe këngëtarja dhe kantautorja irlandeze Sinéad O’Connor vdiq në banesën e saj Herne Hill në Londër më 26 korrik.

Disa ditë më vonë, më 31 korrik, vdekja e Angus Cloud në vetëm 25 vjeç tronditi fansat e Euphoria : aktori, i cili luante rolin e shpërndarësit të drogës Fezco në serialin HBO, u gjet i vdekur në shtëpinë e familjes në Oakland, Kaliforni, për shkak të për një mbidozë të përcaktuar si “aksidentale”.

Më 27 shtator, fansat e Harry Potter i thanë lamtumirën Michael Gambon , aktorit që luajti rolin e Albus Dumbledore në sagën për djalin magjistar më të famshëm në botë. Aktori u shtrua në spital me pneumoni.
Më 15 tetor, një ditë para ditëlindjes së saj të 77-të, aktorja Suzanne Somers , e famshme në Itali me “Three’s Company for Rent dhe A Blonde for Dad”, ndërroi jetë pasi luftoi me kancerin e gjirit për më shumë se njëzet vjet.
Aktorja Anna Kanakis, ish Miss Italia 1977, vdiq më 19 nëntor në moshën 61-vjeçare, e goditur nga një tumor i diagnostikuar shtatë muaj më parë dhe që nuk u zbulua kurrë për publikun.

Më 8 dhjetor lajmi për vdekjen e Ryan O’Neal pas një lufte të gjatë kundër leuçemisë dhe kancerit të prostatës, ndërroi jetë në moshën 82 vjeçare.

The post Nga Tina Turner tek Matthew Perry, këto janë personazhet ikonë që u larguan nga jeta gjatë vitit 2023 appeared first on Albeu.com.

I ftuar në studion e emisionit “Kjo javë” në News 24, ai tregoi si ishin njohur dhe rrëfeu dy pengjet e Mirush Kabashit.

Për krijimtarinë e aktorit, regjisori Rama tha se koha nuk është e mjaftueshme për të reflektuar mbi atë çfarë ka bërë, ndërsa e cilëson një talent.

“Koha është e shkurtër për të reflektuar për krijimtarinë e Mirush Kabashit. Ai ishte një talent dhe dhjetë punë. Talenti është gjë më vete, por ato 10 punët ishin nga ambicia e jashtëzakonshme. Me unë dhe Mirushi kemi marrë në të njëjtën komedi të njëjtin çmim. Mirushin e kam takuar në 70 vjetorin e Teatrit. Unë e prezantova. I kisha dhënë librit tim dhe ku ishte edhe tregimi për Mirushin.

Pengu i vetëm mund të them se ishin dy; Kishte në ëndrrat e veta të luante “Sirano De Berzherak”, një komedi e famshme franceze, monologun e të cilës e kishte mësuar përmendësh dhe e dyta, dikur më pat thënë se mbasi të mbaroj karrierën, dua të kthehem në Durrës sepse aty kishte miqtë. Mirushi mbeti në Tiranë se i përkiste të gjithë Shqipërisë”, tha ai.

The post “Dikur më pati thënë…”, regjisori i njohur rrëfen pengun e Mirush Kabashit appeared first on Albeu.com.

Mes këtyre mesazhe ngushëllimi ka tërhequr vëmendjen edhe postimi i gazetares Paloma.

Ajo ka ngatërruar emrin e Mjeshtrit të Madh, që në fakt nuk duket si një gabim shpejtësie.

“Iku dhe një yll. Lamtumirë Mirushka Bashi”, shkruan Paloma zemërthyer.

The post Gafa e gazetares, i ngatërron emrin aktorit të ndjerë Mirush Kabashit appeared first on Albeu.com.

Që nga ora 10:00 deri në 13:00, në nder të tij, në hollin e Muzeut Historik Kombëtar, u zhvilluan homazhet, ku në shenjë respekti për aktorin, morën pjesë artistë të njohur, kolegë të Kabashit, të afërm, dashamirës dhe përfaqësues të politikës shqiptare. Kabashi, artist i merituar, do të prehet në varrezat e Sharrës.

Kujtojmë që Mirush Kabashi u nda nga jeta ditën e djeshme në moshën 75-vjeçare, pas një beteje 3-vjeçare me një sëmundje të rëndë.

Ai ka dhënë një kontribut të madh në filmografinë shqiptare. E ndërsa një pjesë të jetës së tij ia ka kushtuar edhe teatrit me rolet e tij të larmishme, ku ndër to më i veçanti ka mbetur ai i Sokratit tek “Apollogjia e fundit e Sokratit”. Që prej vitit 2014 mbante titullin e lartë “Nderi I Kombit”, më parë kishte titujt “Artist i Merituar”dhe “Mjeshtër i Madh i Punës”

The post Përcillet për në banesën e fundit aktori i madh Mirush Kabashi appeared first on Albeu.com.

Ish-kryeministri Sali Berisha ka qenë i pranishëm dhe ka thënë se Kabashi la një trashëgimi mahnitëse për breza dhe Apologjia e Sokratit, shënoi kulmin e tij në skenën shqiptare dhe ndërkombëtare.

The post Berisha homazhe në nder të Mirush Kabashit: La trashëgimi mahnitëse, iku si Sokrat i kësaj kohe appeared first on Albeu.com.

Zhani Ciko ka treguar për bashkëpunimet me Kabashin dhe kur ky i fundit interpretoi për herë të parë në një koncert rolin ‘Sokrati’.

The post “Jetonte për rolet e tij”, Zhani Ciko kujton Mirush Kabashin: Nuk i thuhej jo, e nderonte skenën appeared first on Albeu.com.

Artistja Tinka Kurti teksa ndau kujtime me Kabashin u përlot dhe tha se një aktor si ai nuk përsëritet më.

Aktorja kujtoi e një moment kur Mirush Kabash i kishte ofruar që të jetonte pranë tij, meqë kishte mbetur vetëm.

“As që e besova disa herë pyeta veten time se çfarë është kjo fjalë kot. Unë nuk dua ta besoj. Mirush Kabashin e njoh me vite me ndershmërinë e tij, me dashurinë dhe respektin që kishte qoftë për vete dhe për familjen e tij. Disa herë më thoshte mos rri vetëm, hajde tek shtëpia ime. Se dhe unë kam pasur fatkeqësi më ka vdekur djali i vetëm”,  u shpreh e përlotur artistja në emisionin Frontline.

Për aktoren, lidhja e afërt me Mirush Kabashin nuk ishte vetëm në skenë por edhe në jetë!

“Ishte një njeri me vullnet të jashtëzakonshëm. E kam njohur kur është bërë një film, skenarin ma kishin sjellë në shtëpi dhe zgjodha rolin e plakës. 100 e ca vjeçe dhe me thënë të drejtën më rrinte për karshi Mirushi. Kemi qenë bashkë jo vetëm në jetë, por pasdite në darkë në mbrëmje. Ai kishte qenë talenti më i madh që ne kemi pasur në grup. E kemi dashur shumë, shkonte deri në Lushnjë, me na marrë bukën më të mirë se ne ishim në periferi. Nuk përsëritet Mirushi, e ka dashur gjithëkush i bënte vetë rolet e veta. Një Mirush nuk i vjen më Teatrit. Mirush Kabashi nuk vjen më! Unë kam qenë shumë mike e ngushtë e tij. Me ka thënë që të gjej shtëpi afër. Unë jam 91 vjeçe! Kur kemi xhiruar! E kishim mik të mirë në jetë dhe në familje”, tha Kurti.

The post “Një Mirush nuk i vjen më Teatrit”, përlotet Tinka Kurti: E kanë dashur të gjithë appeared first on Albeu.com.

Por, këto mesazhe kanë revoltuar Ina Kollçakun, e cila në Instagram ka bërë një postim ku shkruan “të drejtë kanë këto njerëz të vajtojnë vdekjen e dikujt që nuk e deshën, vlerësuan apo përkrahën së gjalli”.

“Traditat tona pas vdekjes, vaji dhe zija më tmerrojnë aq sa më impresionojnë. Ndoshta katarsisi që kalojmë në atë proces është i nevojshëm aq sa edhe tronditës!

Gjithmonë më ka inatosur vetëm diçka. Sa të drejtë kanë këto njerëz të vajtojnë vdekjen e dikujt që nuk e deshën, vlerësuan apo përkrahën së gjalli. Asosacioni i sotëm për gjithë ata që mendojnë se kanë të drejtë të postojnë Mirush Kabashin dhe pse nuk e panë kurrë në teatër!

Sa të drejtë morale kanë?”, shkruan ajo.

The post Ina Kollçaku “ndalon” shqiptarët të vajtojnë Mirush Kabashin: Më tmerrojnë… appeared first on Albeu.com.