Në postimin e tij, Medvedev iu referua mesazhit të Krishtlindjeve të Zelenskyt, duke pretenduar se presidenti ukrainas kishte shprehur dëshirën për vdekjen e “një personi”, duke nënkuptuar presidentin rus Vladimir Putin.

“Është e qartë për të gjithë se ai nuk i uron vdekjen vetëm ‘një personi’, por të gjithëve ne dhe vendit tonë. Dhe jo vetëm që e dëshiron, por ka urdhëruar edhe sulme masive”, shkroi Medvedev.

Ai shtoi se nuk do të shkruante për vdekjen e dhunshme të Zelenskyt, por përdori shprehje kërcënuese dhe ofenduese ndaj tij, pa e përmendur drejtpërdrejt me emër. Më tej, Medvedev vazhdoi me komente të tjera fyese, duke sugjeruar se pas vdekjes së Zelenskyt, trupi i tij i ruajtur do të duhej të ekspozohej “për qëllime shkencore” në muzeun Kunstkamera në Shën Petersburg.

Kunstkamera është një muze i themeluar në shekullin XVIII nga cari Pjetri i Madh, ku ekspozoheshin objekte dhe mostra shkencore, përfshirë edhe deformime të rralla.

Edhe pse Medvedev njihet si figurë provokuese, analistët vërejnë se gjuha e përdorur në këtë postim, të titulluar “Për vitin që po ikën”, shënon një përshkallëzim të pazakontë edhe për standardet e tij.

Në mesazhin e tij drejtuar popullit ukrainas në prag të Krishtlindjeve, Zelensky kishte deklaruar: “Të gjithë ne mund ta mendojmë brenda vetes ‘uroj të vdesë’”. Ai nuk përmendi asnjë emër, por deklarata u interpretua gjerësisht si një referencë ndaj Vladimir Putinit. Zelensky shtoi se, kur i drejtohen Zotit, ukrainasit kërkojnë diçka më të madhe: paqe për Ukrainën.

Ndërkohë, të hënën ministri i Jashtëm rus Sergei Lavrov akuzoi Ukrainën se kishte tentuar një sulm me dronë ndaj rezidencës së Putinit, një pretendim që u mohua nga Kievi. Presidenti i SHBA-së, Donald Trump, konfirmoi se ishte informuar nga Putin për një incident të tillë, duke komentuar: “Kjo nuk është gjë e mirë”.

Që nga nisja e pushtimit të plotë rus të Ukrainës në shkurt të vitit 2022, asnjëra palë nuk ka kryer zyrtarisht sulme direkte ndaj krerëve të shteteve përkatëse. Megjithatë, sipas shërbimeve ukrainase të sigurisë, forcat speciale ruse tentuan ta vrisnin Zelenskyn në ditët e para të pushtimit dhe disa tentativa të tjera janë parandaluar që atëherë.

The post Medvedev kërcënon drejtpërdrejt Zelenskyn: Fatkeqësia po vjen së shpejti appeared first on Albeu.com.

“A duhet të vriten?”, u pyet ai. “Po duhet. Dhe do të vriten.”

Kremlini tha se nuk do të marrë pjesë në bisedat për heqjen e moratoriumit të dënimit me vdekje, shkruan The Guardian, transmeton Klankosova.

Dënimi me vdekje është i ligjshëm në Rusi, por asnjë ekzekutim nuk është kryer që nga viti 1996, kur ish-presidenti, Boris Yeltsin, nxori një dekret për vendosjen e një moratoriumi de-facto, i cili u konfirmua në mënyrë eksplicite nga Gjykata Kushtetuese në 1999.

The post Medvedev thotë se të dyshuarit për sulmin terrorist në Moskë duhet të vriten appeared first on Albeu.com.

“Ngritja ushtarake e Polonisë dhe prania ushtarake polake në Ukrainë mund të shkaktojnë një konfrontim të drejtpërdrejtë midis Varshavës dhe Bjellorusisë dhe Rusisë”, tha Medvedev në një artikull për mediat ruse.

Sipas Medvedev, “veprimet e pamatura të Polonisë, nëse mbështeten nga aleatët e saj në NATO, mund të kenë pasoja të rrezikshme për të gjithë botën”. ”

Atëherë Polonia do të përmbushë rolin e ‘hienës së Evropës’ që nisi Luftën e Tretë Botërore,” shtoi ai.

The post Paralajmërimi i Medvedev: Polonia do të nisë Luftën e Tretë Botërore appeared first on Albeu.com.

“Ideja e bashkimit me Rusinë vazhdon të ketë popullaritet në Abkhazi dhe Osetinë e Jugut,” shkruan ish-presidenti Medvedev, në një artikull të botuar të mërkurën herët nga gazeta “Argumenty I Fakty”.

“Ka shumë mundësi të zbatohet nëse ka arsye të mira për një gjë të tillë,” shprehet zoti Medvedev, i cili është shfaqur si një nga zërat më të ashpër politikë të Rusisë që kur forcat e saj filluan agresionin ndaj Ukrainës në shkurt 2022.

Moska njohu pavarësinë e dy rajoneve në vitin 2008, pas përpjekjes së Gjeorgjisë për të rimarrë kontrollin e Osetisë së Jugut që solli si rezultat një kundërsulm rus.

Edhe pse marrëdhëniet e Rusisë me Gjeorgjinë janë përmirësuar që atëherë, zoti Medvedev akuzoi Perëndimin se ka krijuar tensione lidhur me atë vend, duke konsideruar anëtarësimin e saj të mundshëm në NATO.

“Ne nuk do të presim nëse shqetësimet tona bëhen më konkrete,” shkruan zoti Medvedev në artikullin që shënoi 15 vjetorin e njohjes nga Rusia të pavarësisë së dy rajoneve, duke iu referuar një aneksimi të mundshëm.

Zyrtarët gjeorgjianë kanë thënë në mënyrë të përsëritur se janë të përkushtuar t’i bashkohen aleancës ushtarake të udhëhequr nga Shtetet e Bashkuara që do të ruante integritetin territorial të vendit.

Rusia shpalli në shtator të vitit të kaluar aneksimet e katër rajoneve të Ukrainës, Donetsk, Luhansk, Kherson dhe Zaporizhzhia, por asnjë nga aneksimet nuk njihet ndërkombëtarisht.

The post Medvedev: Rusia mund të ankeksojë Osetinë Jugore dhe Abkhazinë appeared first on Albeu.com.

Medvedev tha në kanalin e tij Telegram, sipas agjencisë ruse të lajmeve Tass, se nëse Ukraina pranon të heqë territorin për t’u bashkuar me NATO-n, atëherë do të duhet të heqë dorë edhe nga Kievi.

“Pse? Ideja është e çuditshme. Pyetja e vetme është se të gjitha tokat e supozuara “të tyre” janë shumë të kontestuara. Për të hyrë në NATO, autoritetet e Kievit do të duhet të largohen edhe nga vetë Kievi, kryeqyteti i Rusisë së lashtë”, tha Dmitry Medvedev.

“Epo, atëherë ata duhet ta zhvendosin kryeqytetin në Lviv. Nëse, sigurisht, polakët bien dakord”, shtoi ai.

Lviv është qyteti më i madh në Ukrainën perëndimore dhe është disa kilometra larg Polonisë fqinje.

Më herët, sipas gazetës norvegjeze Verdens Gang, duke marrë pjesë në një panel mbi luftën në Ukrainë, Stjan Jensen, ushtrues detyre i drejtorit të zyrës së Sekretarit të Përgjithshëm të NATO-s, tha gjatë fjalimit të tij se “një zgjidhje mund të ishte dhënia e territorit Rusisë, në mënyrë që Ukraina të merrte një anëtarësim në Aleancë në këmbim.

Përgjigjja nuk vonoi të vinte nga ana e Kievit. Krahu i djathtë i Volodymyr Zelensky, Mykhailo Podoliak tha, me deklaratën e tij në Twitter, se ky është një propozim qesharak dhe një “zgjedhje e qëllimshme për të mposhtur demokracinë”.

The post Propozimi për t’i dhënë territore Rusisë, reagon Medvedev: Ukraina duhet të japë edhe Kievin appeared first on Albeu.com.

Aleati afatgjatë i Putinit tha më tej se Rusia duhet të përgjigjet me ofensivën e saj pasi të kishte zmbrapsur forcat ukrainase.

“Armiku ka premtuar prej kohësh një kundërofensivë të madhe. Dhe duket se tashmë ka filluar diçka,” tha  Medvedev, i cili tani shërben si zëvendëskryetar i Këshillit të Sigurimit të Rusisë, në një deklaratë në Telegram.

“Ne duhet të ndalojmë armikun dhe më pas të nisim një ofensivë”, shtoi ai.

The post Ish-presidenti rus: Ukraina ka nisur kundërofensivën e saj appeared first on Albeu.com.

Medvedev, i cili aktualisht është nënkryetar i këshillit të fuqishëm të sigurisë kombëtare të Rusisë, e bëri vlerësimin gjatë një vizite në Vietnam. Ish-presidenti, një aleat i presidentit aktual Vladimir Putin, është mësuar me qëndrime të ashpra ndaj luftës. Muajin e kaluar, ai e quajti qeverinë ukrainase një infeksion.

“Ky konflikt do të zgjasë një kohë shumë të gjatë, ndoshta dekada”, tha Medvedev, sipas RIA.

“Përderisa të ketë një qeveri të tillë atje, ne do të kemi tre vjet armëpushim, dy vjet luftë dhe përsëri”, parashikoi ai, duke përsëritur pretendimin e Moskës se Kievi sundohet nga nazistët.

The post Paralajmëron ish-preseidenti rus: Lufta në Ukrainë do të zgjasë me dekada appeared first on Albeu.com.

Ai tha se Perëndimi nuk e pëlqen pavarësinë e Rusisë dhe Kinës, dhe se nuk do t’i lërë të qetë dy fuqitë.

Duke folur me agjencinë shtetërore ruse të lajmeve TASS, Medvedev tha se Ukraina ishte pjesë e “Rusisë së Madhe”, një nocion që është përmendur edhe nga Vladimir Putin.

Medvedev tha se nuk sheh asnjë perspektivë për ringjalljen e lidhjeve të Rusisë me Perëndimin në të ardhmen e afërt.

“Besoj se herët a vonë situata do të stabilizohet dhe komunikimet do të rifillojnë, por sinqerisht shpresoj se deri në atë kohë një pjesë e konsiderueshme e atyre njerëzve [udhëheqësit perëndimorë] do të kenë dalë në pension dhe disa do të kenë vdekur,” tha ai.

Ish-presidenti, i cili tani është nënkryetar i Këshillit të Sigurimit të Rusisë, komentoi gjithashtu një urdhër-arresti për Putin të lëshuar nga Gjykata Ndërkombëtare Penale, duke thënë se një përpjekje nga çdo vend për të arrestuar presidentin rus do të merrej si një deklaratë lufte./albeu.com

The post Ish-presidenti Medvedev: Perëndimi nuk do t’i lërë të qetë Rusinë dhe Kinën appeared first on Albeu.com.

Ai shtoi megjithatë se Perëndimi mund të mos rezistojë për shumë më gjatë, sepse “tundimi për të shkatërruar Rusinë është i madh”.

Edhe pse si president dhe më pas si kryeministër i Rusisë, Medvedev u përshkrua si një “i moderuar”, ai është një nga mbështetësit më të zjarrtë të pushtimit rus të Ukrainës, duke nisur shpesh sulme dhe kërcënime të ashpra kundër Kievit dhe aleatëve të tij perëndimorë./Albeu.com/

The post Kërcënon Medvedev: Nëse NATO e përforcon Ukrainën me avionë, kjo do të jetë e barabartë me një shpallje lufte appeared first on Albeu.com.

Dmitry Medvedev tha se “pompimi i armëve” parandalon “çdo mundësi të ringjalljes së negociatave”, në komentet e botuara në gazetën ruse, Izvestia.

“Armiqtë tanë po bëjnë pikërisht këtë, duke mos dashur të kuptojnë se qëllimet e tyre me siguri do të çojnë në një fiasko totale. Humbje për të gjithë. Një kolaps. Apokalips. Aty ku harron me shekuj jetën tuaj të mëparshme, derisa rrënojat të pushojnë së lëshuari rrezatim,” ai shtoi.

Retorika apokaliptike e aleatit të Putinit është parë si një përpjekje për të penguar aleancën ushtarake të NATO-s të udhëhequr nga SHBA dhe aleatët perëndimorë të Kievit që të përfshihen edhe më shumë në luftë.

Javën e kaluar, Vladimir Putin deklaroi se Moska po pezullonte pjesëmarrjen e saj në një traktat kyç bërthamor me SHBA-në, i cili kufizon arsenalet strategjike bërthamore të dy palëve.

Traktati New START kufizon numrin e kokave strategjike bërthamore që SHBA dhe Rusia mund të vendosin.

Sipas marrëveshjes, Moska dhe Uashingtoni angazhohen të vendosin jo më shumë se 1550 koka bërthamore strategjike dhe maksimumi 700 raketa dhe bombardues me rreze të gjatë veprimi.

Putin tha se Rusia nuk mund të pranojë inspektimet e SHBA-së në vendet e saj bërthamore sipas paktit, ndërsa Uashingtoni dhe aleatët e tij në NATO kërkojnë humbjen e Rusisë në Ukrainë./albeu.com

The post Ish-presidenti rus: Furnizimi i Kievit me armë mund të sjellë një katastrofë bërthamore appeared first on Albeu.com.